Vaaiga Aoao mo le Autalavou

O le aoaoina o le talalelei e amata i le aiga ma e lagolagoina e le Ekalesia. I le aiga, e aoaoina e le autalavou, malamalama, ma ola ai i le talalelei a Iesu Keriso o se vaega o o latou olaga i aso taitasi. Latou te auai i le suesueina o tusitusiga paia, aoao atu o lesona, tatalo faatasi, faatulagaina afiafi faaleaiga, ma isi mea. I le lotu, e fesoasoani ia taitai matutua e aoao atu vasega e taulai atu i le talalelei ma fesoasoani i le autalavou e fuafua ia gaoioiga e aoao ai le talalelei mo a latou vasega ma korama. O Vasega Seminare maua ai foi le lagolago matagofie a le Ekalesia mo le talalelei.

• Sau, Mulimuli Mai ia te A’u—Mo Tagata Taitoatasi ma Aiga
• Sau, Mulimuli Mai ia te A’u—Mo le Aoga Sa
• Sau Mulimuli Mai ia te A’u— Mo Korama a le Perisitua Arona ma Vasega a Tamaitai Talavou

E mafai ona fesoasoani ia auaunaga ma gaoioiga i le autalavou e tuputupu a’e ai, faavaeina mausa amiotonu i aso taitasi, fausia sootaga faaleaiga, aoao tomai o le olaga, ma atinae uiga faale-Atua faapei o Keriso. E mafai ona taulai atu auaunaga faaleaiga ma gaoioiga i manaoga o tagata taitoatasi ma le aiga ma maua ai avanoa e faaaoga ai mataupu faavae o le talalelei i aafiaga o aso uma.

Auaunaga—e aofia ai e umia le Perisitua Arona o loo faatautaia le sauniga o le faamanatuga—ma e tuuina atu e gaoioiga faifai pea ni avanoa e potopoto ai, aoao ai tomai fou, faataunuu ai galuega faigata, ma fausia ai sootaga e faatotonugalemu i le talalelei faatasi ai ma uo ma taitai. O nei avanoa e fesoasoani ai i le autalavou ia tuputupu a’e atili ai ia faapei o le Faaola, ma avatu ai auaunaga anoa i isi.

Faatasi ai ma le fesoasoani a taitai matutua, e fuafuaina ai e au peresitene o korama ma vasega ia auaunaga ma gaoioiga. O nei gaoioiga e ao ona malie ma gauai i ai ma fausia ai molimau, faamalolosia ai aiga, ma maua ai le tuputupu a’e o le tagata lava ia. E tatau foi ona faapaleni i vaega e fa o le tuputupu a’e: (faaleagaga, faaleagafesootai, faaletino, ma faaleatamai).

O gaoioiga o aso e tele mo le autalavou e aofia ai konafesi Mo le Malosi o le Autalavou (MMA), konafesi a le autalavou, tolauapiga, ma isi faatasiga. O nei gaoioiga e mafai ona fesoasoani i le autalavou e faaloloto ai lo latou manao e mulimuli i le Faaola, toso ese ai i latou mai mea latou te faia soo, ma fesoasoani ia i latou ia iloa o i latou o sina vaega o se vaega toatele atu o talavou e tutusa sini amiotonu.

Tagai i nei punaoa mo nisi manatu mo auaunaga ma gaoioiga.

• ChildrenandYouth.ChurchofJesusChrist.org
• Polokalama o le Gospel Living

E mafai e le au epikopo ona valaauina a o le au peresitene o Tamaitai Talavou e mafai ona fautuaina atu ni faufautua ma tagata tomai faapitoa mo korama ma vasega. O le au epikopo ma le au peresitene o Tamaitai Talavou ma o latou faufautua ma tagata tomai faapitoa ua valaauina e mafai ona auai i gaoioiga a le autalavou. Ia le itiiti ifo ma le toalua ni taitai matutua i gaoioiga taitasi. E tatau i taitai matutua ona faamae’a le aoaoga faamasani i le Protectingchildren.ChurchofJesusChrist.org

O le autalavou e saili, fuafua, faatino, ma manatunatu ia latou fuafuaga taitasi mo le tuputupu a’e o le tagata lava ia (faaleagaga, faaleagafesootai, faaletino ma faaleatamai) E mafai ona fesoasoani matua i le autalavou ia iloa po o a auala ua latou tuputupu a’e ai ma po o fea o loo manaomia ai ona faaleleia i latou. O gaoioiga uma lava, e aofia ai le lotu, a’oga, faigauo, taaloga, faatufugaga, galuega, ma isi mea e fiafia i ai le tagata lava ia, e mafai ona fesoasoani i tamaiti ma le autalavou ia mulimuli ai ia Iesu Keriso.

E uunaia le autalavou ia taulai atu ia le itiiti ifo ma le lua ni sini i vaega taitasi e fa i tausaga taitasi. E mafaufau le autalavou i se auala e mananao ai e seti ma mulimuli ai i lo latou alualu i luma. Atonu e mananao nisi e faaaoga le Atinaega Faaletagata Lava Ia: Tusitaiala a le Autalavou po o le polokalama Gospel Living e filifili ma faamaumau i ai sini.

O manatu mo sini o loo maua i totonu o le tusitaiala i le ChildrenandYouth.ChurchofJesusChrist.org, ma luga o le Gospel Living app.