Mga Tubag sa Kasagarang mga Pangutana

Ang inisyatibo sa pagbarug sa kinaugalingong paningkamot usa ka inisyatibo sa Unang Kapangulohan. Ang maong inisyatibo diha na sukad pa niadtong 2014. Nagsugod kini sa Amihanang Amerika ug karon anaa sa tibuok kalibutan. Gatusan ka libo nga mga tawo ang milambo sa ilang pagbarug sa kinaugalingong paningkamot pinaagi sa pag-apil.

Ang mga grupo sa pagbarug sa kinaugalingong paningkamot mohiusa sa mapuslanong mga kahanas ngadto sa espiritwal nga mga baruganan aron matabangan ang mga tawo sa pagtabang sa ilang kaugalingon. Ang mga grupo sa pagbarug sa kinaugalingong paningkamot sa kasagaran gamay ra, mas diyutay kay sa 12 ka tawo ug pangulohan sa usa ka facilitator, dili usa ka eksperto o magtutudlo. Ang matag grupo sa pagbarug sa kinaugalingong paningkamot magtutok og usa sa upat ka mga hilisgutan; panarbaho, edukasyon, ginagmayng negosyo, o personal nga panalapi (susiha ang mga materyal).

Ang mga sakop sa grupo pweding dapiton sa pag-apil, o pwede silang moapil sa usa ka grupo sa ilang pagbuot. Ang mga grupo sa kasagaran maporma pinaagi sa usa ka debosyonal, apan maporma usab kini bisan walay debosyonal. Ang mga grupo kinahanglang maporma ubos sa direksyon sa lokal nga mga lider. Ang mga sakop sa grupo magsabut aron mahukman kon kanus-a ug kon asa mag-abut. Pinakaminos usa ka facilitator ang ibutang sa matag grupo. Pagpakisusi sa imong mga lokal nga lider aron mahibalo kon kanus-a magporma og sunod nga mga grupo.

Ang mga grupo sa kasagaran mag-abut kausa sa usa ka semana sulod sa 12 ka semana. Ang mga miting sa grupo sa kasagaran mga 90 minutos ug mga 2 ka oras ang gitas-on. Ang pinadali nga opsyon anaa alang sa grupo nga Pagpangita og Mas Maayong Trabaho.

Nagkinahanglan og panahon ug pagbansay ang paghimo og mga kausaban ug pagpalambo sa mga kinaiya nga may kalabutan niini nga mga kurso. Ang mga sakop sa grupo magsuportahay usab sa usag usa, ug sa kasagaran mapalambo nila ang suod nga mga relasyon sulod sa gidugayon sa kurso.

Hatagan ka og manwal para sa imong kurso atol sa unang miting. Makita usab nimo ang elektronik nga mga bersyon dinhi, o diha sa Gospel Library mobile app.

Oo. Ang mga sakop sa grupo mohimo og mga pasalig atol sa matag miting ug lihukon kana nga mga pasalig sa tunga-tunga sa dili pa magmiting. Ang mga sakop sa grupo kinahanglang magplano pinakaminos pipila ka oras sa pagtrabaho matag semana aron makab-ot ang ilang mga pasalig. Matag semana, ang mga sakop sa grupo kinahanglang mo-report sa ilang pag-uswag ug mosuporta sa usag usa.

Matag semana, ang mga sakop sa grupo magpares-pares ug mosaad nga mosuporta sa usag usa. Ang tawo nga imong gikapares mao ang imong action partner. Ang mga action partners pweding manawag o magpadala og mensahe sa usag usa sa dili pa ang mga miting sa grupo. Ang magka-action partner sa kasagaran managsama og sekso ug dili kapamilya. Ang magka-action partner pweding magpuli-puli matag semana, apan wala kinahanglana.

Una, pahibaloa ang imong facilitator nga nagplano kang mopalta sa usa ka miting. Sunod, ribyuha ang materyal alang nianang semanaha ug paningkamuti ang paghimo sa homework. Pagpakisusi uban sa action partner o facilitator, bisan og nakapalta ka sa miting.

Oo. Among irekomendar nga kompletuhon una nimo ang usa ka grupo sa pagbarug sa kinaugalingong paningkamot sa dili pa magsugod og lain pang usa.

Kontaka ang imong espesyalista [specialist] sa pagbarug sa kinaugalingong paningkamot.