Menin Letok eo Ewāppen

Būreejtōn Henry B. Eyring

Rikakpilōklōk eo Kein Kajuon ilo Būreejtōnji eo Kein Kajuon

Ilo iien kūrijm̧ōj jej kemeem e menin letok eo ewāppen an Jemedwōj Ilan̄ kōn Nejin Jitōnbōro eo Emake Wōt, Jisōs Kraist, Rilo̧mo̧o̧r an laļ. N̄an elōn̄ iaad wōj iien Kūrijm̧ōj ej juon tōre n̄e jej lo lan̄lōn̄ in leļo̧k n̄an ro jet, eo ej kakememej kōj kōn menin letok ko rōm̧m̧an tata iaan aolep. Kwe im n̄a kar jeļā jān en̄jake in elemen an maron̄ waļo̧k.

Ilo 1970 Iaar jemen jilu ļaddik ro reddik. Āinwōt ro jinen im jemen rejaminene, Iaar lukkuun jerbal n̄an kake aikuj an juon baam̧le ej eddōkļo̧k. Ruo raan ālik kūrijm̧ōj Iaar aikuj in bōk juon tūreep eaitok kōn jerbal, likūt kōrā eo ippa, Kathleen, n̄an kam̧ōņōņō ļaddik ro ilo iien aer kakkije jān jikuul. Jeļā bwe m̧ōņōņō eo aer ke Iaar jako enaaj kar pedped wōt ioon bōk menin letok ko rōm̧m̧an n̄an ikkure kaki ilo Kūrijm̧ōj, kōm̧ ar lukkuun kālet menin letok ko am. N̄an ļaddik ro nejūm erūtto tata, jiljilimjuon iiō dettan tōre eo, kōm̧ ar leļo̧k juon barometer, juon kein lale mejatoto.

Kōm̧ ar lo bwe ewōr kein kakobaba rekar menin aikuj. Ļaddik ro nejū im n̄a kar jijet n̄an kobaik baromet ko reaiboojoj ippān doon. Kōm̧ ar likūt m̧ōttan ko rellōn̄ im lukkkuun ekkatak kōm̧eļeļe eo ekaipokpok kōn wāween ejake.

Ālkin jejjo awa ko, eaar jino alikar n̄an eō bwe men̄e ejim̧we am kobaik aolepen m̧ōttan ko, ewōr men en ejjab jim̧we ilo mijiin eo n̄an kōm̧m̧an bwe dānin barometer eo en wallōn̄ im wallaļ. Iaar kajieon̄ ņooj pere ko aō jān ļaddik eo nejū, bōtaab lukōn ļo̧k bon̄ōn eo, ālkin an kar etal n̄an kiki, iaar kanooj inepata jon̄an iaar kōjerbal jōōnōļ eo aō n̄an je juon leta in abūņōņō n̄an kom̧bani eo me eaar kōm̧m̧ane barometer eo. En̄in ej m̧ōttan leta eo, me ijjan̄in kar jilkinļo̧k:

“Ļaddik eo nejū eaar m̧ōņōņō kōn barometer eo an. Ej jiljilimjuon an iiō im ewōr an tōmak bwe aolep men rem̧m̧an renaaj lukkuun jerbal. Ij kōjatdikdik bwe mejatoto eo ejamin oktak m̧okta jen am bōk uwaak eo am̧, kōnke Ijjab kōņaan ajādik lōn̄ļo̧k im m̧oņe karōk in kōn pā, im Ijjab kōņaan bwe e luuji tōmak ilo barometer eo am̧. … Jouj jiron̄ e ekōjkan n̄an kōm̧m̧an bwe en jerbal. Ejjab telļo̧kum̧ ak aō bwe naaj kōtļo̧k bwe en jipan̄ eok.”

Jipan̄ an armej ejjab m̧ōkaj an itaaktok n̄an Kūrijm̧ōj eo n̄an jerbal. Ak ļaddik eo nejūm̧ ej kiiō make juon baba, ej keememej iakwe eo kōm̧ ar kwaļo̧ke ippān doon ilo am̧ jipan̄ doon. Im ej en̄jake wōt tōmak eo kar ippam ilo kōļaajrak eo ejjab likjab ilo kōm̧anm̧an eo an Anij n̄an laļ in im mejatoto eo ej kōm̧m̧an bwe jerbal in katu imejatoto en tōprak. Bwe tōmak ej jab dikļo̧k jen kijejeto in jerbal ekkairir ko n̄an bōk juon barometer n̄an jerbal.

Jaar katak jān ta kwaar jeļā jān en̄jake ko am: Tōprak ilo leļo̧k lan̄lōn̄ ilo Kūrijm̧ōj ekkā an kitbuuj jipan̄ jān ro jet. Ejeja an waļo̧k ilo kijejeto eo emake iaan. Kobaļo̧k ippān ro jet kajeded lan̄lōn̄ eo im kōm̧m̧an bwe en ļapļo̧k an aitok ankilan. Im bōlen men eo eaorōktata, kōjerbal tōmak ilo Rilo̧mo̧o̧r eo, rekōm̧anm̧an eo im jipan̄ eo an aolep lem̧ōņōņō otemjej, ej karuwaineneiktok iakwe emool an Anij, eo ej ļaptata iaan aolep menin leļo̧k im em̧ool ej jipan̄ eo an lan̄lōn̄ ejjeļo̧k jem̧ļo̧kin.

M̧ool eo ilo menin kar likūt m̧wilaļ in būruwōd ilo juon season an iiō in Kūrijm̧ōj ālkin kam̧ōņōņō eo ad kōn barometer eo.

Iaar kālet n̄an āje im kōm̧m̧ane juon chest n̄an kōrā eo ippa. Iaar aikuj jipan̄ ko rejouj an ro jet ro ewōr aer kein jerbal im kapeeļ ko ejabwe Ippa. Iaar jerbal ippāer ium̧win wiik. Iaar barāinwōt aikuji jipan̄ eo an Jetōb Kwojarjar n̄an lo wāween ko n̄an kwaļo̧k iakwe im tōmak ilo ko̧jpeļ eo ilo menin letok in.

Ioon māj eo Iaar āje ej kōkaļļe eo an baam̧le eo am. Ilo tum̧aan Iaar likūt ruo pānōļ ko. Ioon juon pānōļ Iaar je eta, im pānōļ eo juon etan kōrā eo ippa. Bo̧k eo emaron̄ in peļļo̧k kōn kōjerbal ruo kii ko reoktak, juon n̄an kōpeļļo̧k ļak turin āt eo eta im ļak eo juon turin etan kōrā eo ippa.

Kiiō kōm̧ij kōjerbal menin letok in āinwōt juon bo̧k eaorōk an baam̧le. Kōn menin ilo Kūrijm̧ōj n̄e ekar pād ium̧win wōjke eo, im ilo aolepen ran ko, lo bo̧k in ekobrak kōļmenļo̧kjeņ ko am im bōro ko kōn iakwe n̄an doon im kōn en̄taan eo an Rilo̧mo̧o̧r me eletok indeeo an baam̧le. Kiiō, bo̧k eo eobrak kōn pija in baam̧le ko im jiit in al in Kūrijm̧ōj, pād itūrin piano eo em̧ōr ilo ettōņaak eo am. Ejaake bwe menin letok in ebōk tok juon en̄jake in iakwe an baam̧le im M̧aajta eo.

Jān iien n̄an iien Ikab de lo im kam̧oolol armej ro raar jipan̄ eō ejake bo̧k eo. N̄e Ij bar lo er, Imaron̄ in en̄jake lan̄lōn̄ eo kōm̧ ar kwaļo̧ke ilo ejake juon menin letok an iakwe n̄an juon baam̧le im juon kōkkaļļe in iakwe eo kōm̧ ar kwaļo̧k n̄an Rilo̧mo̧o̧r. Ij lo lan̄lōn̄ in ettōn̄ dikdik ippān ro m̧ōttam̧, āinwōt aō kar lo ke kōm̧ ar kōm̧m̧ane bo̧k eo ippān doon.

Kom̧ jeļā jān en̄jake ko ami ilo tōren iien Kūrijm̧ōj me kain kwaļo̧k lan̄lōn̄ in emaron̄ itok jān ejake im leļo̧k aaet menin leļo̧k ko relemwaan an iakwe. N̄an waanjon̄ak, elōn̄ iami raar jipan̄ juon ajri n̄an bōk pileij in kukiij ko n̄an ro rajimakeke ilo iien Kūrijm̧ōj. N̄an armej eo ej bōk menin letok in em̧m̧an jān juon ajri, emaron̄ in waļo̧k āinwōt kam̧oolol eo eaiboojoj. Im ajri eo ej bōkļo̧k kain menin letok in emaron̄ in kakememej er kōn an Magi bōkļo̧k menin leļo̧k ko jān East n̄an ippān Rilo̧mo̧o̧r. Erro jim̧or rej rileļo̧k im ribbōk remaron̄ in kememej Kraist im en̄jake iakwe im kam̧oolol.

Ļikao ro im jiron̄ ro an Kabun̄ in, ippānļo̧k ritōl ro aer, remaron̄ leļo̧k menin leļo̧k ko an iakwe im naan in kam̧ool ilo jikin peptaij ko ad ilo tampeļ ko. Ewōr tampeļ ko repaak n̄an armej ro n̄an kōm̧m̧an bwe en̄jake in leļo̧k en wōr n̄an aolep ļikao ro im jiron̄ ro, im lōn̄ in emakijkij. Bisop ro remāletlet im ritōl ro an jodikdik rejipan̄ kōn aer kije; jet remaron̄ pād ippān jodikdik ro ilo jerbal in tampeļ. Rej aolep kwaļo̧k kōjeram̧m̧an in leļo̧k eo erreeo im ekwojarjar kōm̧m̧an jen Rilo̧mo̧o̧r eo, n̄an ro rejjab maron̄ in bōk menin leļo̧k in tōre in rej mour.

Juon ļapļok in oraņ mijenede ro rej bōk kūņaer ippān Rilo̧mo̧o̧r eo im ro m̧ōttaer n̄an leļo̧k menin letok eo an mour indeeo. Kōn oktak in iiō in mijenede ro rekōrbab n̄an jerbal, elōn̄ ro renaaj en̄jake lan̄lōn̄ in leļo̧k eo ejjeļo̧k wōņāān. Mijenede ro rej leļo̧k Bok in Mormon n̄an kajjojo ro rej ioer. Ej juon menin letok an iakwe im juon menin letok an naan in kam̧ool, kar ejaake kōn im̧we an Anij n̄an rikanaan ro retōmak etto. Rilo̧mo̧o̧r ar aikuj rikanaan rein n̄an jipan̄ ejake menin letok ko an naan in kam̧ool ilo Bok in Mormon, im E ej aikuji jipan̄ eo an mijenede n̄an kwaļo̧k e.

Baam̧le ko rebarāinwōt leļo̧k menin letok ko an iakwe ejjej wōņāān im naan in kam̧ool ilo iien Kūrijm̧ōj kōn al im barāinwōt ilo naan. Āinwōt juon ļaddik edik, Ikōn kobaļo̧k ippān baam̧le eo aō itūrin Winkler piano eo am̧, kiiō emaron̄ jibuki iiō m̧ōrin. Piano eo ej pād ilo ettōņaak eo am, itūrin bo̧k eo eaorōk. Piano eo ej pād wōt ilo an heirloom kōnke kar leļo̧k n̄an jinō āinwōt juon menin letok jān ļeo ippān ke raar jeram̧ōl. Ro jinō im jema raar mour ilo jeram̧ōl im lukkuun kar tiljek. Menin letok ko an Kūrijm̧ōj kōm̧ij būki raar kāāl. Ak jinō ar juon soprano. Ar kōjan̄ piano eo nejin ilo Kūrijm̧ōj ilo an tōl kōm ilo al kōm̧ jeļā kaki im al in jar ko.

Iaar jab jeļā eļan̄n̄e ar ļōmņak kōn e make ilo an kūr kōm n̄an kwaļo̧k juon laajrak in menin letok. Ak men̄e āinwōt juon ļaddik edik, Iaar en̄jake lan̄lōn̄ ilo al ko. Al eo ar jepo̧o̧l m̧weo im̧ōm̧ edik kōn juon jetōb in aenōm̧m̧an. Imaron̄ in en̄jake iakwe eo ejjab wōt an jinō im jema im būratōr ro ruo aō, ak kōn Jemedwōj Ilan̄ im Rilo̧mo̧o̧r Jisōs Kraist.

Ijeļā bwe iakwe eo Iaar en̄jake eaar juon me Iaar en̄jake—m̧okta jen mour in ilo laļ eo an Jetōb. Iaar kōņaan eļapļo̧k jen jabdewōt men n̄an en̄jake juon raan ilo m̧weo im̧ō make. Im Iaar kōņaan mour bwe In maron̄ jepļaakļo̧k ippān baam̧le eo aō make n̄an jikin kapijuknen eo aō ilan̄, ijo Ijeļā Jemedwōj Ilan̄ im Rilo̧mo̧o̧r rej kōttar. Kiiō n̄e Ij lo bwe bo̧k eo eaorōk im piano eo, ememļo̧kjeņ ko an iakwe, ippān baam̧le, im iakwe jān Rilo̧mo̧o̧r eo eaar kobrak eō.

Ilo ad al ilo choir ko, baam̧le ko, im kūlaj ko, im barāinwōt ilo ad ron̄jake ippān doon jotenin, al in Kūrijm̧ōj ko rekakememej kōj kōn ad lam̧ōj kōn lan̄lōn̄ ke jaar jeļā bwe jenaaj itok n̄an laļ in im letok juon Rilo̧mo̧o̧r bwe en lo̧mo̧o̧ren kōj. Juon raan jenaaj al al ko kōn jeram̧m̧an ko an lan̄.

En̄in ej aō jar bwe Jetōb enaaj kōjeram̧m̧an kōj, Kūrijm̧ōj in im ilo iiō ko rej itok, kōn kajoor n̄an leļo̧k menin letok ko jet an iakwe im naan in kam̧ool an Jisōs Kraist im ko̧jpeļ eo An em̧ōj an bar jepļaaktok. Ijeļā bwe Jetōb emaron̄ tōl kōj kajjojo ilo elōn̄ wāween ko n̄an leļo̧k iakwe, tōmak, im lan̄lōn̄ n̄an ro jet ilo iien in ekam̧ōņōņō.

Ij kam̧ool bwe Jisōs Kraist ar lukkuun Nejin Anij im Rilo̧mo̧o̧r in laļ. E ar menin letok eo ewāppen jān Jemed eo eiakwe. Ilo iien in im kajjojo season, Rilo̧mo̧o̧r eo ad ej kūr kōj n̄an kobaļo̧k Ippān im ro jet n̄an leļo̧k menin letok eo an lan̄lōn̄ ejjeļo̧k wōņāān. Ij jar bwe jenaaj ilo etan Jisōs Kraist, amen.