Shaanti ka Susamachaar
Is Bada Din ke avsar par, pura Isaai duniya Ishu Masih ka janam ki khushi manata hai, woh “Shaanti ka Raajkumaar.” Hum sab khushi manate hai us janam ke aelaan par jo farishte ne kiya tha.
“Ki aaj David ke shahar me ek Uddhaarkarta janma hai, yahi Masih Prabhu hai.
“Aur achanak us farishte ke saath kayi farishte swarg se ikattha huwe aur Parmeshwar ke jayjaykaar karne lage, aur kaha,
“Ki aakaash me Parmeshwar ki Mahima, aur dharti par jin manushyon me woh prasann hai shaanti ho.”1
Ek achcha uddhaaran jisse dikhta hai kis tarah se Isaai log Uddhaarkarta ka sammaan karte hai Charles Dickens ke shabdon me hai jo usne apne hi bachchon ke liye likha tha:
“Mere pyaare bachchon, hum bahut utsuk hai aapke kuch jaankaari Ishu Masih ke Itihaas ke baare me batawe ke liye. Kyunki sab ko Uske baare me jaanna chahiye. Kabhi koi aysa insaan nahi raha, jo itna achcha, itna dayalu, itna vineet tha, aur sab galat kare la log ke liye udaas raha.”
Yahi raha Dickens ke parichay. Yeh raha uska samaapti:
“Yaad rakho!—Isaai dharam ke matlab hai sab samay achchaai karna—uske liye bhi jo hamare liye bura karta hai. Yeh Isaai dharam hai ki hum apne padosi se apne samaan pyaar karein, aur dusre ke prati waise pesh aana jaisa hum chahate hai woh hamare liye Kare. Yeh Isaai dharam hai vineet, dayalu, aur chama karne waala banna, aur woh sab gun apne dilon me vinamrata se rakhna, aur kabhi uski badaai nahi karna, ya hamare praathnaaon ya Parmeshwar ke prati hamare pyaar ki, par hamesha yeh karke dikhana ki hum Unse pyaar karte hai vinamrata purwak sab kuch me sahi karne ki koshish karne se. Agar hum aysa karenge, aur Hamare Prabhu Ishu Masih ke jiwan aur paathon ko yaad rakhenge, aur koshish karenge usi tarah karna, hum saahas ke saath aasha kar sakte hai ki Parmeshwar hamein chama karega hamare paapon aur galtiyon se, aur hamein maoka dega Shaanti se jeene aur marne me.”2
Jaise Dickens likhis hai, jo “Hamare Prabhu Ishu Masih ke jeewan aur paathon” pe tha hamein shaanti dega. Devdut Paul hum log ke Uddhaarkarta ke shikshan ke naam dees “shaanti ka susamachaar.”3
Yeh shabd shaanti ke kayi alag alag matlab hai dharamshaastron me. Jab Ishu bolis, “Aapko shaanti mile,” Usne us tarah ke shaanti ki baat ki jiske baare me Prophet Isaiah ne kaha tha: “Aur dhaarmikta ka kaam hoga shaanti, aur dhaarmikta ka prabhaao hoga shaantipan aur hamesha ka ashuwaasan.”4 Uddhaarkarta ne is bhavishyevaani ko pura kiya. Usne kaha: “Mai ne yeh baatein tum se isliye kahi hai, ki tumhe mujh me shaati mile.”5
Apne antim seekh me, Prabhu Ishu Masih ne apne Chelon ko bataya, “Mai tumhe apni shaanti diye jaata hoon, Apni shaanti tumhe deta hoon: jaise sansaar deta hai, mai tumhe nahin deta. Tumhara mann vyakul na ho, aur na dare.”6
Uske thoda din baad, jab Woh naye duniya me dhaarmik logon se milne gaye, Uddhaarkarta ne Isaiah ke yeh shabd kahe: “Aur tere saare bachchon ko Prabhu ke baare me sikhaaya jaaega; aur tere bachchon ko mahaan shaanti praapt hogi.”7
Hamare Uddhaarkarta ne hamare jiwanon me shaanti ke baare me jo bataya hai wahi ek parivaar me shaanti, desh me shaanti, aur duniya me shaanti se taallukh rakhta hai.
Uddhaarkarta aur Uske Chelon ke koi chinta nahi raha duniya me shaanti laane ka woh sirf niji dhaarmikta chahate the. Woh rule of Rome ka virodh karne ki koshish nahi kar rahe the na toh unke sthaaniye atyachaariyon netaaon ka. Woh niji dhaarmikta ka prachaar karte the aur sikhaate the ki Parmeshwar ke bachchon ko apne shatruwon se pyaar karna chahiye8 aur “sab manushyon ke saath shaanti se rehna.”9
Yudh aur jhagda buraai ka natija hai; shaanti dhaarmikta ka natija hai. Susamachaar ke ashirwaadein sab ko milta hai, aur usi tarah shaanti ka nuskha bhi hai: Parmeshwar ke aagyaaon ka paalan karna.
Pradhaan Howard W. Hunter ne yeh sikhaaya:
“Jis shaanti ka intazaar duniya karti hai woh kam shatruta ka samay hai; par insaan yeh nahi jaan paate ki shaanti jiwan ka woh stithi hai jo insaan ko Parmeshwar ke tay kiye sharton aur dasha se hi milta hai, aur kisi tarike se nahi.
“ Agar hum insaan aur duniya ke tarikon ki or dekhenge, hamein shorgul aur ghabraahat hi milega. Agar hum Parmeshwar ki or mudenge, hamein ashaant hriday ke liye shaanti milegi.
“Yeh shaanti hamein duniya se aane waale shorgul se dhaakta hai.”10
Aadhunik praktikaran me hum padhte hai: “Lekin seekho ki woh jo sachchaai ke kaarye ko karenge weh ashirwaad praapt karenge, is duniya me shaanti, aur aanewaale jiwan me anant jiwan.”11
Shaanti hamare Uddhaarkarta ka vaada hai, aur shaanti hamara maksad hai. Yeh vaada kiya hua shaanti swasth-jiwan aur shaant bhaona hai jo Unke aagyaaon ka paalan karne se milta hai. Pradhaan Spencer W. Kimball ne kaha:
“Shaanti dhaarmikta ka natija hai. Ise paese se nahi kharida jaa sakta, aur na toh becha ya badla jaa sakta hai. Ise kamaana hota hai.”12 Hum gaate hai, “ Sweet is the peace the gospel bringsMadhur hai woh shaanti jo susamachaar laata hai),”13 aur ek dusre mahaan geet me hum is surile praathna ko gaane me shaamil honge:
“Aa chale dharti pe shaanti laae
Aur woh mujhse shuru hoga.”14
Hamare deshon me shaanti nahi rahegi agar hum aam taur pe wahan ke logon me dhaarmikta nahi laaenge. Vishwa Yudh II ke kathinaai ke samay me Elder John A. Widtsoe ne yeh seekhaaya:
“Ek shaant samaaj banane ka ek hi tarika hai ayse purush aur mahilaaon ko banana jo shaanti ke premi aur banane waale hai. Har ek insaan, Masih aur Uske Girjaghar ke us dharamsidhaant ke vajah se, apne haathon me duniya ki shaanti liye hai.
“Isse mai zimmedaar leta hoon is duniya ke shaanti ka, aur aap me se har ek bhi zimmedaar hai is duniya ke shaanti ke liye. Yeh zimmedaari kisi aur ko nahi diya jaa sakta hai.”15
Lagbhag tees(30) saal baad, ek aur maha adhikaari, Eldred G. Smith, ne wohi sachchaai sikhaaya:
“Agar har ek insaan apne hirday me shaanti laaega. tab parivaar me shaanti rahegi. Agar har ek parivaar me shaanti rahegi, tab desh me shaanti rahega. Agar deshon me shaanti rahega, tab duniya me shaanti rahega.
“Chalo hum sirf gaae nahi, ‘Aa chale dharti pe shaanti laae aur woh mujhse shuru hoga,’ par aao hum aysa karke dikhaae. Ise mai apna maksad banaau—aap apna maksad banaae.”16
Hamaar ek pasandida Bada Din ke kahani chapa raha Deseret News 30 se zyaada saal pehle. Isme ek 11-saal-ke ladki ke kahani hai ki usne kya seekha apan dukh me jab uske man-chaaha uphaara nahi mila aur uske shaanti ke baare me jab usne jaana Bada Din pe uphaaron se khushi ka matlab kya hai. Hum yeh khaas taur pe hamare beech jo bachche aur yuva hai unke liye batlaane jaata hoon.
Ek 11-saal-ki ladki dukhi thi kyunki use woh naya gudiya nahi mila tha jo woh itne dinon se chahate thi.
Use sahanubhuti dene ke liye, uske maa ne usse kaha, “Gudiya khelne ke umar se toh aap badi ho rahi ho.” Kya woh sach me Bada Din ke umra se badi ho gayi thi? uski beti ne socha. Uske pita ne samjhaaya:
“Meri pyaari, pyaari choti beti. Badha hone me kitna zyaada peeda, aur khushi hai. Nahi, bachche, aap Bada Din ke umra se badi nahi hui ho. Aapke saath kuch ho raha hai jo isse zyaada zaroori hai. Aap badh rahi ho yeh jaanne ke liye ki kayi baaton me aur gehra aur zyaada mahatvapurn matlab hai jise aap ek bachche ke rup me nahi samajhti thi. Aap sab ke bolte suna hoi ki hum Bada Din par uphaar dete hai kyunki charwaahe aur wise men Chote Masih ke liye uphaar laaye the, par aao mai aapko bataaun Bada Din ke pehle sachche uphaar ke baare me.”
Uske pita ne tab gawaahi di us mahaan pyaar ke baare me jo hamare Swarg ke Pita ka Uske bade Putra ke liye tha, “jo Unke prati wafadaar tha itne musibaton aur vidroh ke baad bhi aur jisne Unka madad kiya tha yeh duniya banane me jispar hum rehte hai.” Usne use bataaya kaise hamare Swarg ke Pita ne hamein woh Putra diya tha, Prabhu Ishu Masih ko, hamara Uddhaarkarta banne ke liye.
Usne Mormon Dharamshaastra me se padha kaise yeh Putra “swarg se utar kar manushye ke bachchon me aaega, aur mitti ke ek shareer me rahega. “Aur suno, uh behkaawa, aur sharir ke peera, bhukh, pyaas, aur thakaan sahi, jitna insaan nahin sahe sake, khali maut se kamti; kaae ki dekho, rom-rom se khoon bahi, itna jaada rahi takleef, apan log ke dushtta aur bure kaam ke dukh ke kaaran. Aur uske Ishu Masih bulaya jaai, Parmeshwar ka Putra, swarg aur dharti ka Pita” (Mosiah 3:5, 7–8).
Kitaab bandh karte huwe, usne samjhaaya:
“Bhale hi hamare Swarg ke Pita jaante the Unke priye Putra ke saath yeh sab hoga, Usne, Apne aprampaar pyaar aur buddhi se, Use is duniya ko diya. Aur is ashcharyejanak uphaar ka dusra bhaag ki Masih, jo Putra hai, sab jaante huwe, ne bhi, Apne aap ko balidaan kiya taaki hamein anant jiwan mil sake.”
Saalon baad, is choti ladki se jo mahila bani ne yeh shabd likha,
“Mujhe yaad hai ki woh mera pehla Bada Din ka raat tha jismein mai apne takiye par apni gudiya ke saath nahi so paai. Mere paas usse behtar kuch tha. Mere dil me ek naya aur dhadakta shaanti tha. Maine ek uphaar paaya tha jo kabhi puraana nahi hoga ya khoega nahi, ek uphaar jisse mai kabhi badi nahi ho paaungi, par aysa uphaar jo, Parmeshwar ke madad se, mujhe uske kaabil banna hai. Aur maine praathna kiya ki kisi din mere paas sach me bachche rahenge, aur tab mai Pyaar ka baaki ka Uphaar ko jaan paaungi.”17
Mai pichle saal ke Pratham Adhyakshta ke Bada Din Sandesh ke Pradhaan Russell M. Nelson ke seekh se samaapt karunga: “Ishu Masih hi Parmeshwar ka sabse shresht uphaar hai—Pita ka uphaar Uske sab bachchon ke liye.”18
“Kyunki Parmeshwar ne jagat se aysa pyaar kiya, ki usne apna iklauta Putra diya, taaki jo koi uspe vishwaas kare woh naash na howe, parantu anant jiwan paaye.”19
Mai praathna karta hoon ki anant sachchaai Bada Din ke avsar par hum jo bhi kare usme faele, Ishu Masih ke naam se, amen.