គ្រូបង្រៀន, ការបង្រៀនតាមរបៀបរបស់ព្រះអង្គសង្គ្រោះ
ការបង្រៀនតាមរបៀបរបស់ព្រះអង្គសង្គ្រោះ ជាមួយអែលឌើរ អុជដូហ្វ
ថ្ងៃទី១២ ខែមិថុនា ឆ្នាំ២០២២
Chad Strang ៖ ក្នុងនាមជាឪពុកមួយរូប ខ្ញុំគិតអំពីទំនួលខុសត្រូវសំខាន់បំផុតមួយ ដែលខ្ញុំមានគឺត្រូវបង្រៀនកូនៗជំទង់របស់ខ្ញុំឲ្យទទួលស្គាល់សេចក្ដីពិត និងគោលលទ្ធិ ដែលមាននៅក្នុងគម្ពីរ ដើម្បីភ្ជាប់ទៅនឹងជីវិត និង ស្ថានភាពរបស់ពួកគេដោយផ្ទាល់ ។ ហើយនោះគឺ ជាមេរៀនដ៏សំខាន់បំផុតមួយ សម្រាប់ខ្ញុំ— ដើម្បីដឹងអំពីព្រះវិញ្ញាណ ហើយភ្ជាប់គម្ពីរទៅនឹងពួកគេ ដើម្បីដឹងពីតម្រូវការពួកគេ ប៉ុន្តែដែលសំខាន់ជាងនោះ គឺជួយពួកគេឲ្យរកឃើញការស្រឡាញ់ចំពោះបទគម្ពីរ ហើយយល់ដឹងថា គោលលទ្ធិអាចភ្ជាប់នឹងជីវិតរស់នៅរបស់ពួកគេ ។
Roberta Luz Pavanelo [ Subtitles ] ខ្ញុំគឺជាគ្រូបង្រៀនសិក្ខាសាលាម្នាក់មក ពីប្រទេសប្រេស៊ីល ។ នៅពេលខ្ញុំចាប់ផ្ដើមបង្រៀនថ្នាក់សិក្ខាសាលា ខ្ញុំពិតជាចង់ធ្វើជាគ្រូបង្រៀនល្អម្នាក់ ហើយចង់ឲ្យសិស្សរបស់ខ្ញុំរៀនចេះអ្វីៗគ្រប់យ៉ាងដែលខ្ញុំកំពុងបង្រៀន ។ ដូច្នេះខ្ញុំបានគិតអំពីរបៀបខុសៗ គ្នាដើម្បីបង្រៀនដូចជា ៖ បង្រៀនមានវីដេអូខ្លះៗ និងលេងល្បែងកម្សាន្ដ ។ ហើយគ្រាមួយ មានសិស្សម្នាក់អធិស្ឋានបើក ហើយគាត់បានទូលសូមថា ឲ្យគាត់អាចទទួលអារម្មណ៍ពីព្រះវិញ្ញាណអំឡុងពេលរៀន ។ ហើយខ្ញុំដឹងថារឿងនេះគឺជាក់ស្ដែងណាស់ មែនទេ ? យើងស្ដាប់ឮរឿងនេះគ្រប់ពេល ប៉ុន្តែនៅគ្រានោះ ការអធិស្ឋាន នោះបានផ្លាស់ប្ដូរដួងចិត្តខ្ញុំ ហើយខ្ញុំបានគិតថា « នោះជាអ្វីដែលសិស្សត្រូវការ ហើយ ពួកគេនៅទីនេះគឺដើម្បីទទួលអារម្មណ៍ពីព្រះវិញ្ញាណ » ។
Tyler Harris ៖ខ្ញុំជាគ្រូបង្រៀនថ្នាក់កុមារ ។ ខ្ញុំមានសិស្សច្រើន ។ ខ្ញុំមានសិស្សខ្លះមានតម្រូវការពិសេសមួយចំនួន តែសំណាងល្អ យើងមានការបំពាក់បំប៉នដ៏ល្អៗមួយចំនួនមកពីប្រធានថ្នាក់កុមាររបស់យើង ហើយគាត់បានបង្រៀនយើងអំពីរបៀបដែលកុមារគ្រប់រូបពុំរៀនតាមវិធីដូចៗគ្នានោះទេ ហើយមានកុមារខ្លះពូកែណាស់ ហើយចាំបាច់ត្រូវកាន់អ្វីមួយ ឬធ្វើអ្វីមួយ ។ កុមារខ្លះពិតជាចាំបាច់ត្រូវរៀនតាមរូបភាព និងអ្វីៗស្រដៀងគ្នានោះ ។ ដូច្នេះយើងជាបងប្អូនប្រុសបីនាក់នៅក្នុងថ្នាក់ គឺពិតជាខិតខំអធិស្ឋានអំពីរឿងនោះ ហើយគិតអំពីរបៀបដែលយើងអាចចាប់ផ្ដើមពីកន្លែងដែលកុមាររបស់យើង ឡើងជិះពីលើគ្នា ឬចេញតាមបង្អួច បែរមកជាអ្វីដែលពួកគេពិតជារៀនអំពីព្រះអង្គសង្គ្រោះ និងរៀនអំពីអ្វីដែលនឹងជួយពួកគេចូលរួមចំណែកនៅក្នុងថ្នាក់រៀន ។ ហើយយើងទើបតែមានបទពិសោធន៍ដ៏ល្អមួយជាមួយនឹងកុមារតូចៗទាំងនោះ ដើម្បីពិតជាបានចូលរួមចំណែកខ្លះៗនៅក្នុងមេរៀន ។
Kaion Constantino [ Subtitles ] ៖ខ្ញុំមកពីប្រទេសប្រស៊ីល ហើយខ្ញុំជាគ្រូបង្រៀនថ្នាក់វិទ្យាស្ថាន ។ អំឡុងជំងឺរាតត្បាត នៅថ្ងៃមួយក្នុងថ្នាក់វិទ្យាស្ថាន យើងត្រូវរៀនតាមអនឡាញ ។ ហើយខ្ញុំបានអញ្ជើញគ្រប់គ្នា ប៉ុន្តែមានសិស្សតែម្នាក់ប៉ុណ្ណោះដែលមានវត្តមាន ។ ហើយសិស្សនោះមានសំណួរជាច្រើន ដោយសារគាត់ជាសមាជិកថ្មី ។ ហើយនៅថ្ងៃនោះ ដោយការស្ដាប់តាមការខ្សឹបប្រាប់ពីព្រះវិញ្ញាណ ខ្ញុំអាចជួយ និងដោះស្រាយសំណួរជាច្រើនរបស់គាត់ ។ ខ្ញុំរីករាយណាស់ ដោយសារបច្ចុប្បន្ននេះ គាត់កំពុងរៀបចំខ្លួនដើម្បីបម្រើបេសកកម្ម ។
Sina Khoza ៖ថ្មីៗនេះ ខ្ញុំបានទទួលការចាត់តាំងឲ្យឡើងនិយាយអំពីគ្រាដ៏ងងឹតនៅក្នុងជីវិតរបស់ខ្ញុំ ដែលជាគ្រាដ៏សោកសៅមួយ ។ និងរបៀបដែលខ្ញុំទទួលយកការចាត់តាំងឡើងនិយាយនេះ គឺត្រូវផ្ដោតទៅលើគំរូរបស់ព្រះអង្គសង្គ្រោះ ។ ខ្ញុំនឹកគិតអំពីគ្រាសោកសៅជាច្រើន ដែលព្រះអង្គសង្គ្រោះបានឆ្លងកាត់ និងរបៀបដែលទ្រង់ប្រឈមនឹងវា ។ ខ្ញុំបានដឹងថា តាមរយៈការផ្ដោតទៅលើទ្រង់ និងរបៀបដែលទ្រង់ប្រឈមនឹងស្ថានភាពផ្ទាល់ខ្លួនទាំងនេះ អ្វីៗដែលខ្ញុំបានឆ្លងកាត់គឺពិតជាសម្រាប់ភាពល្អប្រសើររបស់ខ្ញុំ ។ ហើយខ្ញុំបានដឹងថា វាមានផ្នែកមួយនៃព្រះវរបិតាសួគ៌ជាទីស្រឡាញ់ដែលគង់នៅស្ថានសួគ៌ ដែលស្រឡាញ់យើង និងបានធ្វើយ៉ាងល្អឥតខ្ចោះ មិនថាយើងឆ្លងកាត់អ្វីនោះទេ ។
Lori Newbold ៖នៅក្នុងការបង្រៀនរបស់ខ្ញុំ ទីបំផុតខ្ញុំសួររកឧទាហរណ៍បន្ថែម ។ ខ្ញុំបានមើលឃើញនូវទំនាក់ទំនង ដែលយើងនឹងពិភាក្សាអំពីគោលលទ្ធិមួយ បន្ទាប់មកខ្ញុំនឹងសុំឲ្យពួកយុវនារីមើលពីទំនាក់ទំនងនោះ ។ ហើយឧទាហរណ៍មួយគឺ យុវនារីម្នាក់ដែលខ្ញុំទើបសួរសំណួរ ឧទាហរណ៍ « តើអ្នកមើលឃើញព្រះអង្គសង្គ្រោះនៅក្នុងពិធីសាក្រាម៉ង់ត្រង់កន្លែងណា ? » ហើយដូចយើងទើបបានពិភាក្សាអំពីសាក្រាម៉ង់ ហើយនាងក៏ — នឹកមិនឃើញ នៅពេលនាង [ ដកដង្ហើមធំ ] — ថា នៅពេលយើងមើលទៅតុសាក្រាម៉ង់ នោះយើងកំពុងមើលទៅរូបកាយរបស់ទ្រង់ហើយ ! ហើនាងគ្រាន់តែមានគ្រានេះ ដែលទោះជានាងមានអាយុ ១៧ ឆ្នាំក្ដី ក៏នាងពុំធ្លាប់ភ្ជាប់ទំនាក់ទំនងនឹងព្រះអង្គសង្គ្រោះនៅទីនោះទេ ។ ហើយដោយសារតែរឿងនោះ សម្រាប់ខ្ញុំផ្ទាល់ដែលកំពុងរៀបចំផ្លូវនោះ ខ្ញុំបានចាប់ផ្ដើមមើលឃើញទ្រង់កាន់តែច្បាស់ ហើយវាចេញមកពីក្នុងខ្លួនខ្ញុំតែម្ដង ។
Pandu Prasetyo ៖កាលពីខ្ញុំបម្រើបេសកកម្ម ខ្ញុំបានរៀនអំពីរបៀបត្រៀមខ្លួនស្ដាប់តាមការបំផុសគំនិតពីព្រះវិញ្ញាណជានិច្ច ។ នៅពេលខ្ញុំព្យាយាមស្តាប់តាមសំឡេងនៃព្រះវិញ្ញាណ វាជួយខ្ញុំឲ្យយល់អំពីអ្នករៀនរបស់ខ្ញុំ ហើយជួយបង្រៀនពួកគេស្របតាមព្រះវិញ្ញាណ ។
Tania M Diaz De Recio [ Subtitles ] ៖
ក្នុងនាមជាបងប្អូនស្រីផ្ដល់ការងារបម្រើ ខ្ញុំបានអធិស្ឋានសម្រាប់បងប្អូនស្រីដែលខ្ញុំចាត់តាំងឲ្យទៅ ដែលខ្ញុំត្រូវផ្ដល់ការងារបម្រើ នោះខ្ញុំអាចទទួលអារម្មណ៍ក្ដីស្រឡាញ់កាន់តែខ្លាំងចពោះពួកគេ ។ ហើយខ្ញុំអាចមានអារម្មណ៍ក្ដីស្រឡាញ់ដែលព្រះអង្គសង្គ្រោះមានផងដែរ ។
Alex Munoz [Subtitles] ៖យើងព្យាយាមផ្ដោតទៅលើព្រះយេស៊ូវគ្រីស្ទជានិច្ច ហើយខ្ញុំបានកត់សម្គាល់ឃើញថា នៅពេលយើងខិតខំឲ្យសិស្សផ្ដោតទៅលើព្រះយេស៊ូវគ្រីស្ទ និមិត្តរូបរបស់ទ្រង់— នោះស្រមោលដែលយើងមើលឃើញនៅក្នុងបទគម្ពីរដែលតំណាងឲ្យទ្រង់ វាធ្វើឲ្យសិស្សមានចេតនាមើលទៅព្រះយេស៊ូវគ្រីស្ទ នៅក្នុងខគម្ពីរ និងរបៀបដែលរឿងនេះជះឥទ្ធិពលក្នុងជីវិតរស់នៅរបស់ពួកគេ ។
Nuria Munoz ៖ពួកយើងមានកូនស្រីធំៗពីរនាក់ ដែលចូលរួមពិភាក្សាយ៉ាងច្រើននៅក្នុងការសិក្សា សៀវភៅចូរមកតាមខ្ញុំ របស់យើង ប៉ុន្តែកូនស្រីទីបីរបស់យើង គឺដូចជាខ្មាស់អៀន ហើយមិនសូវចែកចាយច្រើនទេ ។ ខ្ញុំបានមើលឃើញ អំឡុងសប្ដាហ៍ថា នាងកំពុងគូររូបនៃអ្វីដែលយើងពិភាក្សាគ្នានោះ ហើយខ្ញុំគិតថា វានឹងជាវិធីល្អមួយដើម្បីជួយនាងមានអារារម្មណ៍ថា នាងអាចចូលរួមចែកចាយ ។ ដូច្នេះខ្ញុំបានអញ្ជើញនឹងឲ្យចែកចាយជាមួយពួកយើងនូវគំនូរនោះ ហើយរាល់សប្ដាហ៍ នាងមានគំនូរថ្មីៗអំពីអ្វីៗដដែលយើងបានពិភាក្សា ។ បន្ទាប់មក នាងបានចាប់ផ្ដើមចែកចាយទីបន្ទាល់របស់នាង ព្រមជាមួយនឹងគំនូរទាំងឡាយនោះ ហើយកត់ត្រាវាទុក ។ ហើយវាជារបៀបមួយដ៏ល្អដើម្បីជួយនាងមានអារម្មណ៍ថានាងមានតម្លៃ ហើយថានាងអាចចូលរួមចំណែកតាមរបៀបជាច្រើន ដែលយើងបានពិភាក្សា និងជួយយើងទាំងអស់គ្នាឲ្យអភិវឌ្ឍទីបន្ទាល់របស់យើងកាន់តែខ្លាំង ។
Paola Segastume de Orellana [Subtitles] ៖ព្រះអង្គសង្គ្រោះបានបង្រៀនយើងឲ្យស្រឡាញ់សិស្សរបស់យើងទាំងអស់ ។ ដូច្នេះខ្ញុំចូលចិត្តត្រង់កន្លែង ចាប់អារម្មណ៍ទៅលើភាពពិសេសរបស់ពួកគេ នៅក្នុងសកម្មភាពរបស់ពួកគេនៅក្រៅព្រះវិហារ ។ ខ្ញុំពិតជាចាប់អារម្មណ៍អំពីថ្ងៃខួបកំណើតរបស់ពួកគេ រៀនស្គាល់ឈ្មោះពួកគេ ដើម្បីខ្ញុំអាចហៅពួកគេ ជាមនុស្សពិសេស ។ ក្នុងនាមពួកគេជាបុត្រាបុត្រីពិសេសរបស់ព្រះវរបិតាសួគ៌ ខ្ញុំខ្វល់ខ្វាយអំពីពួកគេ ។ បើមានពួកគេណាម្នាក់ពុំមកថ្នាក់រៀន ខ្ញុំចេញទៅស្វែងរកពួកគេដោយផ្ទាល់ ហើយខ្ញុំតែងតែដឹងអំពីពួកគេម្នាក់ៗ ។
Woodly LaFord ៖ក្នុងនាមជាប៊ីស្សព ខ្ញុំធ្វើការច្រើនជាមួយយុវវ័យ ហើយខ្ញុំជឿថារបៀបដ៏ល្អបំផុតដើម្បីជួយពួកគេ គឺការផ្ដោតទៅលើព្រះយេស៊ូវគ្រីស្ទ ។ ហើយខ្ញុំធ្វើដូចនោះ ដោយការប្រើកម្មវិធីអភិវឌ្ឍខ្លួន ដែលបានរៀបចំឡើងសម្រាប់យុវវ័យទាំងអស់គ្នា ។ ខ្ញុំមានយុវជនម្នាក់ ដែលពុំចូលរៀនថ្នាក់សិក្សាសាលា ហើយខ្ញុំបានគិតថា ការជួយគាត់ឲ្យយល់ពីតម្រូវការដើម្បីប្រែក្លាយដូចជាព្រះយេស៊ូវ នឹងជួយគាត់បានពិតប្រាកដ ។ ដូច្នេះយើងបានរៀបចំសកម្មភាពមួយអំពីការអភិឌ្ឍខ្លួន ។ ហើយបន្ទាប់ពីសកម្មភាពនោះ គាត់បានចូលរៀនថ្នាក់សិក្សាសាលាជាទៀងទាត់ ។ ដូច្នេះខ្ញុំយល់ថា បើយើងចង់ឲ្យយុវវ័យរីកចម្រើនខាងវិញ្ញាណ និងខាងសាច់ឈាម នោះយើងអាចជួយពួកគេឲ្យផ្ដោតទៅលើការប្រែក្លាយដូចជាព្រះយេស៊ូវ ។
Edwin Ramirez Guzman [Subtitles]: ៖សួរស្តី ខ្ញុំជាគ្រូបង្រៀនថ្នាក់កុមារ ។ ខ្ញុំបង្រៀនក្មេងតូចៗ ។ ខ្ញុំមកពីប្រទេស Guatemala ។ ។ ពួកគេទាំងអស់គ្នាគឺខុសៗពីគ្នា ហើយកុមារមួយចំនួន ពេលខ្លះរពឹសណាស់ ។
ហើយខ្ញុំអាចទទួលអារម្មណ៍ពីរបៀបដែលព្រះយេស៊ូវគ្រីស្ទសព្វព្រះទ័យបង្រៀនដល់ពួកគេម្នាក់ៗតាមរបៀបមួយ ដែលពិសេសចំពោះពួកគេ ។ ហើយខ្ញុំចាំនូវគ្រាមួយ ដែលកុមារម្នាក់រពឹសមិនចេះនៅស្ងៀម ។ ពិតណាស់ គាត់ជាក្មេងប្រុសតូចមានកម្លាំងច្រើន ហើយខ្ញុំអាចអញ្ជើញឲ្យគាត់ធ្វើជាជំនួយការរបស់ខ្ញុំនៅក្នុងថ្នាក់ ។ ដូច្នេះខ្ញុំឆ្លៀតឱកាសយកថាមពលនោះមកបង្រៀនដល់កុមារផ្សេងទៀត ។ ហើយតាមរបៀបនោះ ខ្ញុំដឹងថា ព្រះយេស៊ូវគ្រីស្ទ គឺគង់នៅជាមួយយើងម្នាក់ៗ ទ្រង់បង្រៀនយើងតាមរបៀបជាក់លាក់ ដើម្បីយើងអាចរៀនបាន ។ ខ្ញុំថ្លែងទីបន្ទាល់ថា ព្រះយេស៊ូវគ្រីស្ទ និងព្រះវរបិតាសួគ៌យើង ស្រឡាញ់យើងម្នាក់ៗ ។ ហើយយើងអាចមានអារម្មណ៍នោះ នៅពេលយើងចែកចាយដំណឹងល្អរបស់ទ្រង់ ។