Raivotu kei na iVakarau
Lotu ni iTabagone Qase Cake e Vuravura Raraba • 2, ni Me, 2021 • Pioneer Center
Elder Stevenson: Kemuni na taciqu kei na yanequ lomani, keirau sa marau kei Lesa na kidavaki kemuni mai ki na lotu e vuravura raraba me baleti ira na itabagone qase cake. Meda tekivu, keirau talaucaka yani nai loloma mai vei Peresitedi Russell M. Nelson kei na Mataveiliutaki Taumada. Eratou lomani kemuni, ka keimami lomani kemuni, ka da duavata ena noda veidokai kei na veitokoni vei iratou.
Sister Lesa Stevenson: Ena gauna oqo, keitou sema yani vei kemuni mai na dua na vanua matalia ka digitaki ena noda itukutuku makawa ni Yalododonu Edaidai. Ka’u tukuna tiko na “vanua.”
Elder Stevenson: Keitou tiko ena iTikotiko Vakatabui vou ni Painia tikiva na ivakananumi ni Oqo na Vanua ni Heritage Park ena vei baba dela ni Siti e Salt Lake, Utah—na “vanua” e marautaka kina na ivakaro rogo vakayawa mai vei Peresitedi Brigham Young, “Oqo na Vanua,”1 ni oti mai e dua na lakolako dredre ena imatai ni lakolako ni painia voleka 175 na yabaki sa oti.
Sister Stevenson: Ena oca kei na ituvaki dredre, era drotaka mai na Yalododonu na veivakacacani kaukauwa mera mai tauyavu ike na buca ena lekutu. Raitayaloyalotaka na Buca e Salt Lake ka waraki ira tu. Na veivanua lala ka dravuisiga kei na co madu era cagina volita tu kaivakadinadinataka ni na sega ni rawarawa na tauyavu ena vanua oqo.
Elder Stevenson: Ia, era vakalougatataki ena dua na rai vakalomalagi sega ni vakatauvatani rawa, tokoni ena parofisai nei Aisea ena Veiyalayalati Makawa ni na Turaga ena “vakarewataka ko koya na kuila vei ira na veimatanitu vakayawa.”2 O ira na Yalododonu oqo era na kila tale na sautu kei na inaki, vata kei na vakacerei ni rai vakosipeli ka sivia na vei ulunivanua era cabeta mai mera yacova na Buca e Salt Lake.
Sister Stevenson: O ira na painia oqo kei ira era lako mai muri era vakairogorogo ena nodra tauyavutaka na vanua oqo ena lekutu. E vakalougatataki ira na Kalou ni sa tekevu na vakasokomuni Isireli.
Elder Stevenson: Me vaka na siga ni kua, na yalo ni painia vataga oya e kune vei ira na Yalododonu Edaidai ena veivanua kece e vuravura.
E vakatabuya na iTikotiko Vou ni Painia oqo ena vica ga na macawa sa oti, o M. Russell Ballard, na Peresitedi Tiko Vakawawa ena Kuoramu ni Apositolo Le Tinikarua.
Era rawa ni lako mai ka vulica na veika lelevu na tamata kei na matavuvale ena veika vakasakiti ni Yalododonu Edaidai ena nodra sotava na veidredre veivakatovolei. E veibinibini na dredre era sotava. Era na kaciva na Turaga ena siga kei na bogi ni ra tadu yani iliu ena tei kakana; vagolea na wai mai na loma ni ulunivanua; tara vale kei na ivakaruru, koronivuli kei na veivale ni soqoni, ka dua talega na valetabu.
Sister Stevenson: E vaka me sa rui sivia tale ni da vakasamataka na veika era cakava. Na raivotu vakalou—vakatikori mai vua na Turaga ki vei ira na parofita bula—vakalougatataka na nodra bula o ira na Luvena digitaki me vakayacori kina na Nona inaki.
Elder Stevenson: Vaka ni na raica, e vica ga na fiti mai na vanua au duri tiko kina ena iTikotiko ni Painia na lalaga iloilo ka raica sobu tu na ivakananumi ni Oqo na Vanua. E na veika oya, eda na raica na rairai ni dua na siti rarama era se tekevu tara e dua na gauna makawa sara. Ka sivita oya, sa tiko e dua na rai rabailevu, e dua na raivotu, kevaka o rawa, ka rai ki na ra kei na lomalagi ni dromu ni mata-ni-siga. Na rai vakacerei oqo, semati vata kei na noda kila baleta na veika sa oti, e vakarabailevutaka ka tukuna na noda raiyawa ni nodra raivotu na painia. E rawa talega ni vakatautauvatataka me vukea na vakatitobutaki ni noda rai vakosipeli yadua ka dusimaki keda ni da sotava na vei digidigi kei na ibolebole ena noda bula. Ena loma ni vica na siga ni vakaro ni parofita, “Oqo na vanua,”3na raivotu ni valetabu, valenivolavola ni Lotu, kei na vanua me mai vaka na kuila vei ira na veimatanitu sa tekevu na kena kabakaba taumada me yaco me mai ka dina.
Na yakavi nikua keirau na vakayagataka the veika sa oti, na raivotu nodra na vuda na painia, me vukei keda meda rawata e dua na rai matata ni noda siga ni mataka. Na nona vosa veivakauqeti nei Winston Churchill e veiganiti vakavinaka ki na noda veitalanoa e na bogi nikua: “Na yawa ni vanua o rawa ni raica kina e muri, na yawa ni vanua o na rawa ni rai kina e liu.”4
Sister Stevenson: E sega ni dua na taro ni da sotava tiko na veilecayaki ena vuravura. Ni sa oti e dua ka veimama na yabaki ni matedewa sega ni bau namaki, na cava sa wawa tiko mai e liu? Eda gadreva yadua na raivotu tautauvata vakalou kei na idusidusi vakalomalagi ka sotava o ira na Yalododonu taumada ni da rai tiko ki na noda siga ni mataka.
Elder Stevenson: O na veilecayaki beka ena sala cava mo gole kina. O na tautauri matua tiko ki na tatadra ni veiqaravi ena kaulotu, na rawati ni vuli, na tekevu ni cakacaka. Se o vakasamataka tiko na veidomoni, vakamau ka qarava e dua na matavuvale, ka raica kece na veivakalougatataki ni valetabu e gole mai vei iko kei ira o lomana. Se rairai o sa tekevutaka na nomu matavuvale tawamudu ka sa sotava tiko na gauna oqo na ibolebole ni susugi o ira na lalai.
Na noda usutu ni takete e tautauvata: meda tomana tiko ena salatu ni veiyalayalati, vakavakarau e na yalodina ki na bula vakacerecerei. Dua na raiyawa vakosipeli e vakarautaka na raivotu vei iko kei au meda raica vakamatata na sala.
Sister Stevenson: Ni vosa me baleta na tiko ena salatu ni veiyalayalati, E tukuna o Peresitedi Nelson: “Sai usutu me caka kei na maroroi ni veiyalayalati tabu. Eda sa digitaka meda bula ena salatu ni veiyalayalati ni Turaga ka toka dei kina. E sa sega ni dua na ka e buli vakatamata. Sai koya na sala ki na reki dina ena bula oqo kei na bula tawamudu ena gauna muri mai.”5
Elder Stevenson: Sa neirau nuinui me wasea vei kemuni e vica ne veika keirau sotava yadua ka na soli veidusimaki ni o sokota na veika kece e vinakata na nomu bula me vukei iko ena nomu toso e liu vata na raivotu kei na ivakarau.
“Dou lako mai”—lagata na matavuvale na Bonner:
Mai me da bau, ki lomalagi vou;
Oti nai tavi ga.
Qai vakacegu tawamudu tu,
Mai kea vei Jisu. …
Eda kidavaki ka marau tu
Tokari nai sala ni bula;
Ka qai marau na sere vou—
Ka Talei! Ka Talei!
Ni oti tu nai tavi kecega
Vakacegu vua;
Eda na veirai kei noda Turaga,
Mai kea, vei Jisu
Uvu na davui; kaila ni qaqa.
Ni tadu mai noda Tui Sau,
Nai ukuuku nei Jisu—
Ka Talei! Ka Talei!
Ko Jisu sa sureti keda tu,
Lako mai kivei au,
Na lomaocaoca kecega,
Jisu sa kaci tu,
Meda veivutuni ka vakarau,
Ko Jisu sa voleka mai,
Ko sa gadrevi talega—
Ka Talei! Ka Talei!
Eda na bula tawamudu tu,
Mai kea! Kei Jisu!
Elder Stevenson: “Mai Kea! Kei Jisu,”6 e, ka dina, dua na itukutuku ni raivotu totoka dina mai vei ira na painia e liu. Nodra raivotu ni “ka talei” ena loma ni ibolebole kei na vakalolomataki e rawa ena vuku ni nodra raiyawa vakosipeli.
E rawa ni vakayagataka e dua na auwa meda vosa me baleta na raivotuka eso e vakamacalataka na “walewale ni raica na veika eso tale na sega ni raica rawa.”7 Ka mua ki na dua na taro eda sa tarogi keda kina ena dua na gauna se duatale: “Na cava au raica vei au ena veiyabaki sa tu mai? Na vanua cava beka au a tu mai kina? Kei na vanua cava beka au sa lako tiko kina?”
Sister Stevenson: Ena so na gauna e gadrevi meda kila mai na rai vakosipeli kei na solisoli ni Yalo Tabu, e rabailevu cake sara na veika ena rawa. Oqori na ka o sa tekivutaka ki na nomu sasaga ni vuli ena gauna oqo se na sasaga vakacakacaka.
Elder Stevenson: Au kunei au ena vanua oqo ena tekevu ni noqu cakacaka. Au tekevu na noqu bula ni cakacaka vata kei dua na noqu itokani mai niu se gone ka tekevuna e dua na bisinisi ni keirau se gonevuli e na koronivuli torocake, vakau iyaya ni loloma mai Esia Ena 30 na yabaki tarava, na neirau bisinisi e veisau saraga ga vakalevu ka tubu vakalevu sara na kena ivakarau. Dua na taro dau tarogi wasoma vei keirau “Na gauna o tekevuna kina na nomu bisinisi, oqo beka a tiko ena nomu raivotu?” Io, na kena isau lekaleka ni “sega ni taucoko.”
Na raivotu e gadrevi me moici ena kena ivakarau e veigauna. Tekevu mai e dua na dauvakau iyaya mai ni loloma parasa lailai ka tubu me lai dua na dau vakarautaki ni iyaya ni tiko bulabula e gadreva e levu na kalougata kei na veisau ki na raivotu ena kena maliwa. Na biu tani kei na tauyavutaki e dua tale na ituvatuva vou, cakava tale, ka veimoiyaka e dua na kaukauwa, sega ni malumalumu.
Sister Stevenson: Ia, oqo na vanua keirau na dusimaka kina na kena yaga vakalevu ni keirau wasea na kune ni neirau raivotu. Baleta ni tiko vei iko na kila-ka ni kosipeli, me vakai ira na painia, o sa vakalougatataki vata kei na raiyawa vakosipeli. Na kena yaga vei iko ena nomu raica na nomu lakolako vakayago vata kei na rai vakaidina e vakalomalagi
Elder Stevenson: E dua na raiyawa tawamudu se vakosipeli e veivuke me vakarautaka na kena matata era sega ni marautaka na tani—ia ena veika ni vuli kei na cakacaka. Keirau na tovolea me vakaraitaka oqo ena iyaloyalo ka sega ni vosa wale tikoga.
Keirau kerei kemuni mo ni raica na itaba oqo. Na cava o sa raica oqo? O kila beka na cava e vakatakilakilataka na itaba oqo?
E vukei iko beka me vakamatatataka sara na kena irairai vou oqo? Oqo beka na ka kece o raica? Cava na nomu nanuma? Meda raica mada ni tadola mai na ituvatuva, raica mai vakavoleka.
Elder Stevenson: Ena vakaitovotovo oqo, o rawa ni raica—vakavinaka —sivita na veika e tu e matamu ena gauna sara ga oqo. Na nomu rai e sa vakalevutaki ena nomu gole tiko ga yani.
E dua na vosavosa lekaleka ka vuku ena Vola ni Vakaibalebale e tukuna, “Ni sa sega na ivakavuvuli, era sa rusa na tamata”8
Na ivakavuvuli dina oqo e vakamatatataka sara o Peresitedi M. Russell Ballard ni a tukuna, “O ira ka vakavotukana vakalevu sara ena vuravura oqo na ka era rawata sai ira ka tiko na raiyawa ena nodra bula.”9 Sa dina sara oya!
Na noda raivotu vakayalo e lako mai na noda raiyawa vakosipeli ka vakarautaka na veivakararamataki ki na veika kece e vakaliuci ena bula. E vakatarai keda meda vakadodonutaki keda ki na veika da vakaliuca ka maroroi keda meda tautauvata tiko. Oqo na vuna eda raica kina na veisemati voleka ni raivotu kei na ivakarau.
Au via wasea vata kei iko na ivakavuvuli ni ivakarau e na noqu wasea e dua na ka au sotava.
Dua na noqu itokani, kilai ena nona cakacaka, e pailate ni elikopita ka tu vua na kena kila ka matai sara kina. Ena dua na siga katakata ni vulaimago, a qiri mai ka kaya ni sa vuka tiko ki Salt Lake City ka taroga kevaka na noqu itokani ni bisinisi kei au via lai sobu ena dua na itikotiko ena ulunivanua.
Me yaco i kea ena lori e dau taura tiko e sivia e rua na auwa. Ena elikopita, e taura keirau ga e 15 na miniti. Keirau mani vakatulewataka me keitou lako.
A totoka tu na siga me caka kina na vuka. Keitou rawa ni raica na roka ni draunikau ni vulaimago ni keitou sa tekevu me ro. Sa lailai mai e dua na miniti me keitou ro sobu ni qai leqa na rota e buini elikopita. E sa kauta yani kina na elikopta oqo ki na dua na cawiri sega ni lewai rawa. Oqo sa dua na gauna dredre.
E vinaka vei keitou, na vuli ni leqa tubukoso vei ira na pailate ni iroro sa matau vei koya. E kila o koya ni kevaka e ro ena mua iliu, se ena kete ni elikopita, keitou na sega ni bula mai na kena voca sobu.
Ena loma ni cawiri sega ni lewai rawa, a moica na elikopita ki na tutuna, ka keitou mai voca sara yani ki na rara.
Sa turu tiko na benisini ka sa kama tiko mai na ijini. Sa mani bokoca rawa o koya na ijini, ka keitou biuta mai na elikoita ka sega ni kacabote. Ena veika e cakava o pailate kei na liga ni Kalou, keitou kalougata ni keitou bula mai na voca ni elikopita.
Au mai vulica e vuqa na ka me baleta na elikopita mai na siga oya. Na veika keitou sotava ena voca ni elikopita e lako mai ni sega ni tautauvata na vetikina bibi ka taura vata tiko na elikopita ena maliwa lala. Na gauna e sa rawati kina veiraurau ni totolo ni vocevoce levu, vocevoce e buina, kei na kena kala, na vuka ena elikopita e rawa ni dua na ka marautaki. Ke sega, sa vakarerevaki sara! Au sa rawa ni vakadinata oya.
Da taura mada na gauna me da vida vakamatalailai na vei tikina bibi.
Na imatai na vocevoce levu. Na levu ni cawiri kei na balavu ni tabana e vakavuna na tubu kei na kaukauwa. Ia, na kaukauwa e bulia na vocevoce levu e dodonu me veiraurau, se the elikopita ena sega ni lewai rawa na kena cawiri.
Sister Stevenson: Ya na vuna na elikopita e tiko na vocevoce e buina. E veisaqasaqa kei na kawakawa sa cawiri tiko kina mai na kena vukavuka. Na totolo ni vocevoce levu e vakatulewataka tiko o pailate ni dreta ena dua na ligana. Na vocevoce e buina e vakatulewataki mai na yavana kadua. Veisau e veigauna ki na totolo ni rau na vocevoce oqo e gadrevi vakaidina.
Kevaka e sega, vakadua tale, na sega ni vinaka na kena itinitini.
Elder Stevenson: Tarava yani na kena iuli. Na iuli e lewa na kena kala na elikopita, ka lewa na vanua e muataki kina na elikopita, na kena rawa ni veimoiyaki, kei na kena tudei, ni cakacaka vata na vocevoce levu kei na vocevoce e buina. Na pailate e vakayagataka ka ulia ena ligana matau.
Kena iotioti, na bibi ni veika vakavodoki kei na kala ni elikopita e vakatulewataka na totolo kei na kaukauwa gadrevi mai na vocevoce levu kei na vocevoce e buina.
Sister Stevenson: Na gauna sa duavata kina na vei tikina kece oqo, na ivakarau sa ka totoka. Rota levu, rota e buina, iuli, kena bibi, kei na kena kala—e vakacala na lutu sobu.
Ena rawa vakacava mo semata na totoka ni vuka ni dua na elikopita dina ni dredre ki me tiko na ivakarau e noda bula?
Elder Stevenson: Meu na vakamacalataka mada e so na vakasama veivakauqeti e na itukutuku mai vei Peresitedi Gordon B. Hinckley ena koniferedi ni veiliutaki au a tiko kina vica na yabaki sa oti. Ena rawa beka ni bucina na isema oqo.
E vakamacalataka o koya ni “vei keda yadua e wase vaka va na itavi. iMatai, na noda itavi ki vei ira na noda matavuvale. iKarua, na noda itavi ki vei ira na noda cakacaka. iKatolu, na noda itavi ki na Nona cakacaka na Turaga. iKava, na noda itavi vei keda yadua.”10
Me vakayagataki na veivakatauvatani ni ivakarau ena veiwekani ni vei tikina bibi ni elikopita, meda raica mada na va na itavi ena sala e tautauvata.
Sister Steveson: Meda tekevu mai vale kei na matavuvale, e vei tikina bibi e noda bula yadua. E sa ka bibi sara mo kakua ni vakawalena na nomu matavuvale o lewena. E sega na ka e tiko vei iko e vakasakiti vakalevu cake. Sai koya na veisemati ni matavuvale o na kauta yani ki na bula kadua.”11 E levu na ka sa vakayacora na iliuliu ni Lotu ena loma ni veiyabaki sa oti me vakadreta na bibi ni vale kei na matavuvale.
Na veidusimaki wale tiko ga oqo ki na veiraurau vou ni ivakavuvuli ni kosipeli e loma ni vale kei na lotu kei na veisau ni ituvatuva ni soqoni sa dua na ivakaraitaki levu ni na vale kei na matavuvale e dodonu me vocevoce levu ena noda bula.
E bolei keda o Peresited Nelson meda “cakacaka vagumatua mo vakatura vou [noda] itikotiko me vale ni vuli kosipeli.” Ni da cakava, e yalataka o koya “ena yaco nomuniSiga ni Vakacecegu me ka rekitaki vakaidina. Erana nanamaki na luvemuni mera vulica ka bulataka na ivakavuvuli ni iVakabula, ka me na yaco na veiuqeti nei vu-ni-meca ena nomunibula kei na nomuniitikotiko me malumalumu. Na veisau ena nomu matavuvale ena vakilai levu ka veitokoni.”3
Elder Stevenson: Kena tarava, meda vakasamataka na nomuni cakacaka se bula vakacakacaka—nomuni cakacaka, se vei ira na gonevuli, na vuli o vakasaqara ka liutaki iko ki na cakacaka tudei se vakacakacakataki. Na vuli, e dina, e vakalevutaka na nomu vakacakacakataki. Na cakacaka ena vukei iko mo qaravi iko, nomu matavuvale, kei ira tale eso. Na cakacaka e veimuataki ki na bula rawati iko, ena ka vakayago kei na vakayalo. Ena nomu vanua ni cakacaka sa tiko na nomu itavi ki vua na taukei ni cakacaka mo dina ka yalodina, mo cakava na veika lavaki baleta ni o saumi kina. Mo sasaga mo uasivi sara ena nomu cakacaka se bula vakacakacaka.
Me nodatou ivakaraitaki, vakasamataka na cakacaka me vocevoce e buini elikopita.
Sister Stevenson: Me rawa ni o vinaka duadua vei iko kei na nomu matavuvale, e veivuke mo vinaka duadua ena nomu cakacaka. Erau sema vakavoleka sara, kei na ivakarau vei rau na rua sa rui bibi. E levu vei ira na taukei ni cakacaka, kena dau ni matavuvale, kei na daunivakasala ni bisinisi sa vakatura tiko na vinaka ni ivakarau ni cakacaka‑bula.
Elder Stevenson: Na ikatolu ni tikina bibi ni ivakarau ni bula sa vua na Turaga kei na Nona cakacaka. Oqo e dua na inaki levu eda gole yadua mai kina ki vuravura. Eda sa tiko ike meda veilomani, veidokai, talairawarawa, ka qaravi Koya kei na luvena na Tamada Vakalomalagi, na tacida kei na ganeda ena vuravura kece. Sa gadreva na Turaga na noda igu kei na taledi me taraicake kina na Nona matanitu.
“Vakaituvatuvataka na nomu gauna me rawa ni ko qarava na nomu itavi ena Lotu.”13 Au raica ni vosa na Vakaituvatuvataki me veidusimaki sara. E gadreva vei keda meda cakava e dua na digidigi vakamatau me “vakarautaka na gauna” me qaravi na Turaga kei na Nona Lotu ka mo vakatulewataka na gauna oya.
Sister Stevenson: Na veiliutaki sega ni saumi kei na veiqaravi sa dua na tikina duatani ni Lotu vakalesui mai i Jisu Karisito. O kemuni yadua na kerei mo ni cau ki na matanitu ena vei sala eso. Na kaci e lako mai vei iko kei ira tale ena nomu matavuvale na lako mai ena gauna e sega beka ni namaki. E dina ga, “kevaka dou gadreva mo dou qarava na Kalou dou sa lesi ki na cakacaka.”14
Me kena ikuri, na noda parofita lomani, Peresitedi Nelson, e vakatavulici keda ni sa dau veisau na noda vuravura, me vaka na noda veiqaravi ena Lotu. E vakayaloqaqataki keda meda ciqoma “e dua na ivakarau tudei vou.” E bolei keda meda “dauveiqaravi vei ira na tani. Dau raica ga na veika e tawamudu [Ka] gumatua ki na [noda] ilesilesi.”15
Elder Stevenson: Na veivakayaloqaqataki oqo e solia vei keda na raivotu me caka na veika eda sa kacivi meda cakava ia e vakasalataki keda meda maroroya e dua na rai vakatawamudu, se ena vei vosa tale eso me veiraurau kei na vei itavi bibi tale eso. Au vakasamataka na veiqaravi ena Lotu me iuli ni elikopita, e vakatudonutaka ka muataki keda.
Sister Stevenson: Na otioti ni tikina me vakadeitaka na ivakarau sa noda itavi vei keda yadua.
E rawa ni osooso sara na bula. E ka bibi meda vakamalua ena so na gauna meda vakatakari tale ka raica vakavinaka na noda gagadre yadua, me vaka na cegu, tiko bulabula, veivakabulabulataki, kei na veivakatorocaketaki vakayalo. Era sa solia na iliuliu ni Lotu na ivakasala yaga ka cakacakataki me vukei keda meda cakava na veika oqo.
Elder Stevenson: Io ratou sa solia, Lesa. Ni qai oti tiko ga oqo a vakatura o Peresitedi Ballard na kena bibi meda vaqara na gauna vakanomodi. A kaya o Koya:
E tukuna o koya, “Dina na tekinoloji e sa veivakalougatataki ki na noqu bula, e rawa talega ni vagolea tani ka biuta e dua na tatarovi vei keda kei na noda rawa ni rogoca na domo ni Turaga. Au tukuna vei ira na makubuqu me ra biuta e dua na gauna e veisiga me gauna ni vakanomodi mera vakasamataka na nodra bula ka vakananuma vakatitobu na cava e vinakata vei ira na Turaga mera cakava. …
Au sega ni rawa ni veitaratara kei lomalagi ena kabuacara ni iyaya. … Ena gauna au … tovolea tiko meu [tu vakadua], oya na gauna au dau ciqoma kina na ivakatakila.”16
E tukuna o Elder Jeffrey R. Holland na veika me baleta na masu ena gagadre dina. E kaya o koya: “E dua na lesoni levu ena … masu vakatotolotaki, inaki dei me valuta na … veisaqasaqa nei vunica, na veika dau caka e veisiga, se na veika dau vagolea tani na noda vakasama.”18
Sister Stevenson: E vakamacalata o Sister Jean Bingham, Peresitedi ni Soqosoqo ni Veivukei, e tolu na ivakarau me vukei keda ka sa yaga sara vakayadudua:
iMatai, e sureta o koya na Yalo ena ivolanikalou. E kaya o koya, “E dua vei ira na imatai ni ka e caka e veimataka me tiko na Yalo sai koya na wiliki ni ivolanikalou. E vukei au meu tiko ena vakasama donu meu rawa ni ciqoma na ivakatakila.”
Na nona ikarua ni ivakarau na sokalou ena valetabu. “Duatale na sala veivakakurabuitaki me rawa ni da rogoca na domona na iVakabula vakamatata sara” kaya o koya “oya meda dau lako ki na valetabu. Eso na gauna niu dau dabe voli ena valetabu, au na ciqoma na isau-ni-taro ki na dua na masu se dua na ka ena lako mai ki na noqu vakasama niu se tiko vakanomodi meu rogoca na Yalo.”
iKatolu, kaya o koya, “Na sere … e vukei au meu rogoca na domo ni iVakabula. Au dau taleitaka na rogoca na sere ni lotu, dina madaga kevaka au rogoca na sere ka sega na qaqana. Au kila na vei qaqana oya baleta au sa lagata vakabalavu mai, era dau lako mai ena noqu vakasama.”18
Elder Stevenson: E vaka na noda dau taura na gauna vei keda e dau dredre sara, ia e bibi. Au sa rogoca ni vakamacalataki ni cegu vakarauta mai na cakacaka osooso ni varovaro me faile mada na batini varo.
Sister Stevenson: Me da nanuma ni sa tiko noda itavi vei keda ka curumaka yani ena veikalawa ni noda bula ena veivakalougatataki. Au sa kunea niu vakavinakataki au vakayago, vakasama, kei na vakayalo, e sega ga ni kauta mai vei au na vinaka, ia e vakatarai au meu qarava na noqu matavuvale kei na veitokani.
Raica na va ni veitiki ni noda bula oqo e cici vinaka kevaka e caka ena raivotu kei na ivakarau! Eratou na lako vata vakavinaka, e sega beka?
Elder Stevenson: E yaco sara vakakina. Dina ni da veitalanoataka na ivakarau ni vei tiki duidui ni noda bula, e gadrevi meda biuta oqo ena raiyawa donu.
E vakamacalataka vakalekaleka sara o Elder David A. Bednar ena sala e veidusimaki ena taba ni vakauitukutuku raraba. E kaya o koya: “Eso na gauna eda vakananuma na noda itavi kece e vale, koronivuli, cakacaka, kei na lotu ka vakasamataka eda na rawata vakacava na ivakarau ni vuqa na veika e gadreva na noda gauna. Ia me kua ni veivakaleqai vei keda ni da tovolea me da cakava na veika kecega ena gauna vata ga, e dodonu me da raica e vica na veika bibi eso ka da vakaliuca duadua. Eda na qai saga meda solia vei ira yadua na nomu gauna era gadreva—yadudua.”19
Lesa, oqo e vakananuma vei au e dua na ka au sotava kei tamaqu e guilecavi dredre. Au a dua na tama gone, ka kacivi vou me bisopi vata kei na osooso ni bisinisi. Dua na bogi au gole bera yani ki na dua na soqo ni siganisucu ni matavuvale. Na neirau gone kei ira veitatacini era tu ena veivanua kece. Ia au taubale yani e loma ni vale yali tu ena vakanananu ka qai dabe ena tutu ni rumu, vakaocai ena leqataki ni bisinisi ena veika e yaco ena siga oya kei na veika e yaco tiko ena tabanalevu.
Gole mai o tamaqu vei au ka kaya ena domo rogo kaukauwa ka sega ni matau, “Gary, na cava o cakava tiko?” Niu tukuna vua na lomaleqa ni itavi ni lotu kei na cakacaka, sa rairai o koya me vaka vei au e dauloloma sara. Io, e segai. Ka dina, ni dabe e yasaqu ka tukuna vei au ni sa leqataki au ka sa gadrevi meu vakayacora eso na veisau meu kua kina ni yali noqu isema vei iratou na noqu matavuvale ena gauna au tiko kina kei iratou. O nanuma beka oqo, Lesa?
Sister Stevenson: Au nanuma vinaka tu.
Elder Stevenson: E tukuna o koya, “Na gauna o sa tiko kina i vale, vakaliuca na vale, sega ni lotu kei na cakacaka. Na gauna o sa tiko kina ena cakacaka, digia mo vakaliuca na cakacaka, sega ni vale kei na lotu. Na gauna o sa tiko kina ena lotu, digitaka mo vakaliuca oqori, sega ni cakacaka kei na vale.”
Oqo, na ivakasala e veibolei sara na kena sagai me vakayacori, me yacova mada mai oqo au se yawa sara mai na uasivi, ia e vukei au sara. E kauta laivi na icolacola oya ka sa saumi vakalevu sara ena noqu bula. Au sa sureti kemuni mo ni vakasamataka mada oqo ka tovolea mo cakava.
E veivakurabuitaki, ni oqo saraga na veika e veivakasalataki kina o Elder Bednar ena nona itukutuku ena tabana ni vakauitukutuku raraba. E wasea o koya, “e na rogorogo rawarawa, ia meda kakua ni cudru ka vakalusia noda igu kei na gauna ni da tovolea tiko meda rawata na veisemati vinaka duadua mai vei ira kece na veika bibi e gadrevi meda cakava. Ni da masuta na veivuke ni Kalou ena yalodina me vakaraitaka na cava e bibi duadua, ena dusimaka o Koya ka vukei keda meda vakanamatataka na noda igu e veisiga.”20
Sister Stevenson: Ia oqo, sa tiko eso na itukutuku ca meu wasea. Kevaka o vakamuria na ivakasala oqo ka toso ki liu ena ivakarau kei na raivotu, o se rawa ga ni sotava eso na leqa. O na ciqoma eso na drakusi kei na mavoa.
E tiko na gauna ena vakabuwawataki na nomu rai, se rawa ni yali na nomu ivakarau. Ia oqo na tukutuku vinaka: o iko na luvena tagane kei na yalewa na Tamada Vakalomalagi dauloloma.
“Ni sa sega ni solia mai vei keda na Kalou na yalo ni rere; a yalo ni kaukauwa ga, kei na yalololoma, kei na yalomatua.”21 Kakua ni guilecava na veika sa yalataka kina na Turaga, “O koya mo dou marau kina, ka kakua ni rere, niu sa tiko vata kei kemudou koi Au na Turaga, kau na tu e yasamudou.”22 Ka sa tiko kina e dua na ivurevure mana ni kaukauwa mai Vua na noda iVakabula—sai Jisu Karisito.
Elder Steveson: Rogoca mada na veivakauqeti veivaka yaloqaqatai vei kemuni yadua mai vei Peresitedi Nelson. E kaya o koya: “E kila na Kalou, ni na sega ni rawarawa na lakova na salatu ni veiyalayalati, ka meda tiko ga kina. A tala mai o Koya na Luvena Duabau Ga me mai isoro ena vukuda ka vakaraitaka vei keda na sala. Na kaukauwa vakalou e vakarautaki tu vei keda kece na lomana ka muri Jisu Karisito sai na kaukauwa me vakabulai keda, vakaukauwataki keda, savati keda mai na ivalavala ca, ka vagumatuataki keda meda cakava na veika da sega ni rawa ni cakava vakai keda.”23
Sister Steveson: Laiva na kila-ka ni ocei o iko dina, kei ocei e tiko e na nomu yasana, vukei iko mo bulataka na nomu bula ena rai matata kei na ivakarau tudei. Na turaga “ena vakalevutaka na ka o na rawata, vakarabailevutaka nomu rai, ka na vakaukauwataki iko.”24
Elder Stevenson: Sa talei dina na tiko kei kemuni nikua. Keirau sa na mai tinia ena neirau vakaraitaka na neirau vakavinavinaka kei na veisureti vei kemuni yadua ka solia tale ga na neirau ivakadinadina. Au sureti kemuni mo ni vakasamataka mada se sa vakadeitaka vakacava vei iko na nomu rai vakosipeli na nomu ivakatakilakila ni ko luvena yalewa se tagane na Kalou.
iKarua, vakasamataka mada se ko sa qarava tiko vakacava na nomu itavi wasei vaka va ki na vuvale, vuli kei na cakacaka, ki na Lotu, kei na nomu bula vakataki iko.
iKatolu, au sa sureti iko mo vasaqara e dua na vanua vakanomodi ka vola eso na veivakauqeti o sa vakila ena soqoni lotu oqo. Nanuma, me vaka ni ko sa lewe ni Lotu i Jisu Karisito ni Yalododonu Edaidai, sa soli vei kemuni na isolisoli ni Yalo Tabu me nomu itokani.
Sister Stevenson: Ni ko na vakayacora na veika sa sureti kemuni kina o Elder Stevenson, kakua ni guilecavi ira na painia era liu mai vei keda—o ira eda sa veitalanoataka era mai vakaitikotiko ena buca oqo vakakina vei ira ena nomuni vuvale yadua kei na nomuni vanua. Na nodra yalo vaka painia kei na ivakaraitaki ni ra vakayacora na veika dredre e rawa ni solia vei iko na yalo nuidei mo vakayacora na veika dredre.
Elder Stevenson: Me vaka na Yalododonu Edaidai eliu, eda rai yani. Eda rai cake. Eda rai matua yani ki lomada meda raica na rai vakosipeli kei na ivakarau.
Sister Stevenson: Au wasea noqu ivakadinadina ni rawa ni ko ciqoma na “taucoko ni nomudou vakanuinui.”25 Ni kila yadua na yacamuni na Tamada Vakalomalagi ka lomani kemuni sa o Koya. Au wasea niu vakadinadinataki Jisu Karisito na Luvena Dua Bau ga na Kalou bula, kau vakayacora oqori ena yacai Jisu Karisito, emeni.
Elder Stevenson Emeni. Vinaka vakalevu, Lesa. Au wasea talega vei kemuni na noqu ivakadinadina vei kemuni na taciqu kei na ganequ gone totoka. Au wasea na ivakadinadina ni da luvena na itubutubu vakalomalagi dau loloma, ni lomani kemuni na Tamada Vakalomalagi, ka sa ivunau nei Tamada ni gadreva o Koya me ra lesu kece tale yani vei Koya o ira na Luvena.
Na ivunau oqo, e mai vakavotukana baleta na Luvena, na noda iVakabuala dau loloma, o Jisu Karisito. Ena vuku ni Nona Veisorovaki sa rawa kina meda lesu tale ki na Nona iserau na Tamada Vakalomalagi dau loloma. Au wasea vei kemuni na noqu ivakadinadina ni veika oqori vei iko. Au wasea talega na noqu ivakadinadina baleti Jisu Karisito, kei na Nona itavi vakatabui ni sa noda iVakabula ka Dauveivueti. Ena Yacana tabu o Jisu Karisito, emeni.