“Ngerang mla Rulii a Osobeled el Mei er Kid??,” Kirel a Klisichir a Rengeasek, Ongeim el buil 2021.
Ongdibel er a Priesthood
Ngerang mla Rulii a Osobeled el Mei er Kid?
Dertelkib
A Jesus Kristo ngerang mla rulii el mera derta er kid? Ngii a mla remuul a rokui el ngii a ulsbechall er tial omeroled er a klechad el bedul a basio el ngii a beldukl er a chelsel sel uldesuel a Demad er a Babeluades. Ak mo melekoi a eua er a ikal osisechakl el ngii a nga er tial uldasu. …
A Okiis a meskid a ues me a klisiich el mo otekengelii a ringelel a klengar el chelbangel er ngii a derta er kid me a rebetik er a rengud. Ng meskid a beches el osenged er a bedenged, uldesued, me a domelchesiu er a ngelsengesed el de ngilai er a de bechell malechub a kede ngilai er tial omerolel klengar er kid. Ng meskid a klisiich el mo outekangel a klengit el reng, rebet, me a kngtil a rengud.
A Okiis a dirrek el meskid a mesisiich el omeksuled el mo urekodel a llechul a Rubak er chelechal de ngar tial klengar. …
A Osobeled e Olsobel a uluutekangel er a diak el mudasu el ongarm el mo tenget el kirel a kngterir a rokui el chad el tir a mo ouchel a rengrir. Tial tenget el tngakireng a odersii a ngarbab lungil, el klikiid el ngelekel a sib el diak a mekngit er ngii, el kirel a ngarbab el telkelel a klengit, el klengit er tial rokir el beluulechad. …
… A Jesus a mla osisecheklid er a uldasu er a mo suobel. Tial uldasu a uldimukl er ngii a Omeob er a beluulechad, moktek er a klengar, ulsbechellel a erbita lomeruul, me a sengk er a omelilt. Ng dirrek el mla osisecheklid ra llach me a telbiil el kired el mengull me a chedaol ruoll el kired el ngmai el ngii a mo ngoikid el lmuut el mora rdemad me a rdelad el ngara babeluades. …
A Osobel a melchesuar e medengei a de ngibes er ngii, odechelakl el de ngarngii, kngtil a rengud, ongarm el de ngarngii, e le Ngii e mle mimokl el soiseb er a chelsel a ikal rokui leng tebedechel a Tngakireng er Ngii. … A rokui el ngara ringel el kirel a ngiidi el chelitechut a kirel melebedebek el kmo a Osobeled a dirrek el siliseb er tial bedengel a ringel, me ngokiu a Tngakireng er Ngii, e Ngii odersii el mera derta er kid a klisiich el mo sebeched el otekau.