« ’Aua’a a’e te mau tuahine Rollins ! » Hoa, Tiunu 2021
Parau poro’i tā’āva’e nō te Hoa ’ Tiunu 2021
’Aua’a a’e te mau tuahine Rollins !
Faʼahōho’araʼa nā Apryl Stott
’Ua parau Iesu Mesia i te peropheta Iosepha Semita e rave rahi mau mea faufa’a rahi nō te tauturu ia tātou. ’Ua fa’anaho te ’Ekalesia i te tahi mātini nene’ira’a nō te nene’i i te mau parau a Iesu. Mai te reira e ti’a ai i te mau ta’ata ’ia tai’o i te reira.
I te hō’ē mahana, ’ua haere mai te hō’ē pupu ta’ata ma te riri. ’Ua vāvāhi rātou i taua mātini nene’ira’a ra. ’Ua fa’aru’e rātou i te mau ’api parau o te pāpa’ira’a mo’a i ni’a i te purōmu.
E piti tuahine, ’o Mary Elizabeth ’e ’o Caroline Rollins te i’oa, tei ’ite i te ’ohipa i tupu. ’Ua horo mai rāua ’e ’ua ha’aputu i te mau ’api parau i roto i tō rāua nā rima.
’Ua tāpuni rāua i roto i te hō’ē fa’a’apu tō papa’ā ē tae roa ’atu i te taime ’a ma’ue ai teie nau ta’ata. ’Ua fa’aora rāua i te mau pāpa’iraa mo’a ! ’A ri’a, riro mai nei taua mau pāpa’ira’a mo’a ra ’ei tuha’a i roto i Te Parau Ha’api’ira’a ’e te mau Parau Fafau.
E nehenehe iā’u e tai’o i te mau pāpa’ira’a mo’a. E nehenehe iā’u e fa’aitoito ’e ’ia ti’a i ni’a nō te mau mea tā’u e ti’aturi nei.
ʼApi fa’a’ūraʼa
E nehenehe iā’u e riro ’ei ta’ata pūai.
E aha te mea e tauturu ia ’oe ’ia itoito noa ’oe ?
© 2021 nā Intellectual Reserve, Inc. Fatura’a pāruruhia. Nene’ihia i te Fenua Marite. Parau fa’ati’a nō te reo Peretāne : 6/19. Parau fa’ati’a nō te ’īritira’a : 6/19. ’Īritira’a nō Monthly Friend Message, June 2021. Tahitian. 17470 895