“Die Kirtland-tempel,” Vriend, Sept. 2021.
Maandelikse Vriend-boodskap, September 2021
Die Kirtland-tempel
God het vir Joseph Smith gesê om ʼn tempel te bou. ʼn Openbaring het getoon hoe dit sou lyk. Dit sou ʼn huis van God wees.
Die Heiliges het saamgewerk om die tempel te help bou. Mans het hoë mure gebou. Vroue het gordyne en matte gemaak. Kinders het gehelp om die gereedskap en water na die werkers te bring.
Toe die tempel klaar was, het die Heiliges binnegegaan. Hulle het ʼn gesang gesing en uitgeroep: “Hosanna!” Joseph het ʼn gebed gedoen om die tempel toe te wy (te seën).
ʼn Week later het Jesus Christus vir Joseph Smith en Oliver Cowdery in die tempel besoek. Jesus het gesê dat Hy die tempel as sy huis aanvaar.
Daar is vandag tempels regoor die wêreld! Elke tempel is ʼn heilige plek. Eendag sal ek binnegaan en beloftes maak met God.
Inkleurbladsy
Die Tempel Is ʼn Heilige Plek
Kliek op die prentjie om dit af te laai.
Illustrasie deur Apryl Stott
Waarom is die tempel spesiaal?