Ang Templo sang Kirtland

Ginsugo sang Dios si Joseph Smith nga magpatukod sang isa ka templo. Ginpakita sa isa ka rebelasyon kon ano ang mangin hitsura sini. Mangin balay ini sang Dios.

Ang mga Santos nagbinuligay sa pagtukod sang templo. Ang mga lalaki nagpatindog sang matag-as nga mga dingding. Ang mga babayi naghimo sang mga kurtina kag alpombra. Ang mga kabataan nagbulig sa pagdala sang mga galamiton kag tubig sa mga trabahador.

Sang matapos ang templo, nagsulod ang mga Santos. Nagkanta sila sang himno kag nagsinggit “Hosana!” Si Joseph nagpangamuyo agud idedikar (bendisyunan) ang templo.

Si Jesucristo nga nagabisita sa Templo sang Kirtland

Pagligad sang isa ka semana, ginbisitahan ni Jesucristo si Joseph Smith kag Oliver Cowdery sa templo. Si Jesus nagsiling nga ginbaton Niya ang templo bilang Iya balay.

Sa karon may mga templo na sa bilog nga kalibutan! Ang kada templo isa ka balaan nga lugar. Pila ka adlaw masulod ako kag maghimo sang promisa upod ang Dios.

bata nga nagapaambit sang kopya sang Friend sa isa ka bata — I-klik ang litrato para i-download.