“The Kirtland Temple,” Phooj Ywg, Cuaj Hlis Ntuj 2021.
Zaj Lus hauv Phooj Ywg Txhua Hli, Cuaj Hlis Ntuj 2021
Lub Tuam Tsev Kirtland
Vajtswv txib kom Joseph Smith txua ib lub tuam tsev. Ib zaj lus tshwm sim tau qhia seb lub tuam tsev yuav zoo li cas. Lub tuam tsev no yog Vajtswv lub tsev.
Haiv Neeg Ntseeg ua hauj lwm ua ke pab ua lub tuam tsev. Cov txiv neej ua phab ntsa siab. Cov poj niam xaws cov ntaub dai ntawm qhov rais thiab ntaub pua hauv av. Cov me nyuam pab nqa cov cuab yeej thiab dej rau cov ua hauj lwm.
Thaum ua lub tuam tsev tiav lawm, Haiv Neeg Ntseeg nkag mus haud. Lawv hu ib zaj nkauj thiab qw, “Hauxanas!” Joseph tau thov Vajtswv kom muab lub tuam tsev fij tseg (foom koob hmoov).
Ib lub lim tiam tom qab ntawv, Yexus Khetos tuaj xyuas Joseph Smith thiab Oliver Cowdery nyob hauv lub tuam tsev. Yexus hais tias Nws txais lub tuam tsev los ua Nws lub tsev.
Hnub no, muaj cov tuam tsev nyob thoob plaws lub ntiaj teb! Txhua lub tuam tsev yog ib qhov chaw dawb huv. Muaj ib hnub, kuv yuav nkag mus haud thiab cog lus rau Vajtswv.
Phab Ntawv Tha Xim
Lub Tuam Tsev Yog Ib Qhov Chaw Dawb Huv
Nias daim duab kom muab download.
Daim duab los ntawm Apryl Stott
Vim li cas lub tuam tsev tshwj xeeb?