« ’Ua topa Iesu Mesia i te i’oa o tāna ’Ēkālesia », Hoa, ’Ātopa 2021.
Parau poro’i tā’āva’e nō te Hoa, ’Ātopa 2021
’Ua topa Iesu Mesia i te i’oa o tāna ’Ēkālesia
’Ua parau Iesu Mesia ia Iosepha Semita i te i’oa e pi’i i te ’Ēkālesia. ’Ua parau ’oia ē, ’ia pi’ihia te reira « Te ’Ēkālesia a Iesu Mesia i te Feiā Mo’a i te mau Mahana Hope’a nei. »
’O te mau ta’o Iesu Mesia te tuha’a faufa’a roa a’e o te i’oa o te ’Ēkālesia. Nō te mea ho’i ē e ’Ēkālesia teie nā Iesu Mesia, ’ua topahia ïa i tōna i’oa.
Te Feiā Mo’a i te mau Mahana Hope’a nei, ’o te mau melo ïa o te ’Ēkālesia i teie mahana.
’Ua ha’api’i te mau peropheta ’e te mau ’āpōsetolo ē, e mea faufa’a roa te fa’a’ohipara’a i te i’oa ti’a o te ’Ēkālesia. E tauturu te reira i te tahi atu mau ta’ata ’ia ’ite ē, tē ti’aturi nei tātou ia Iesu Mesia.
’Ia ui mai vetahi iā’u e aha tā’u e ti’aturi nei, e nehenehe au e parau : « Tē ti’aturi nei au ia Iesu Mesia. E melo vau nō Te ’Ēkālesia a Iesu Mesia i te Feiā Mo’a i te mau Mahana Hōpe’a nei. »
ʼApi fa’a’ūraʼa
Tē tiʼaturi nei au ia Iesu Mesia
Tāumi i ni’a i te hōho’a nō te fa’auta uira mai.
Fa’ahōho’ara’a nā Apryl Stott
E aha te mea e tauturu ia ’oe ’ia ’apo mai i te parau nō ni’a ia Iesu ?
© 2021 nā Intellectual Reserve, Inc. Fatura’a pāruruhia. Nene’ihia i te Fenua Marite. Parau fa’ati’a nō te reo peretāne : 6/19. Parau fa’ati’a nō te ’īritira’a : 6/19. ’Īritira’a nō Monthly Friend Message, October 2021. Tahitian. 17474 895