“Deɛ enti a Asɔre ho Hia,” Laehona,, Obubuo 2022.
Bosome bosome Laehona Nkransɛm, Obubuo 2021
Deɛ enti a Asɔre ho Hia
Tɔfabɔ nsɛm
Ɛnnɛ, me nsɛm no fa nnipa pa a nyamesom adi wɔn ti, na wɔagyae asɔre kɔ anaa wɔmmfa wɔn ho nnhyɛ wɔn nsɔre mu. Sɛ meka sɛ “nsɔre” a, mede Yudafoɔ hyiadan, nkramodan, anaa nyamesom nhyehyɛeɛ afoforɔ ka ho. Ɛha yɛn sɛ nnipa dodoɔ a wɔhyiam wɔ weinom nyinaa mu kɔ fam koraa, baabiara.
Nnipa dodoɔ a wɔhyiam ne asɔre mu dwumadie boa ma yɛbɛyɛ nnipa pa na yɛnya nkɛntɛnsoɔ pa wɔ afoforɔ abrabɔ so.
Yɛkɔ asɔre a yɛne nnipa nwanwasoɔ a wɔrepere sɛ wɔbɛsom Onyankopɔn bɔ fekuo. Yei kae yɛn sɛ yɛnnyɛ ankonam wɔ yɛn nyamesom dwumadie ahodoɔ mu. Yɛn nyinaa hia afoforɔ afekubɔ, na asɔre afekubɔ yɛ nea ɛyɛ papa pa ara a yɛbɛtumi anya no mu bi.
Asɔremma a wɔgyae Asɔre nhyiamu kɔ na wɔde wɔn ho to ankorankorɛ honhon nko ara so te wɔn ho firi saa nsɛmpa atitire yi ho: tumi ne nhyira a ɛwɔ asɔfodie no mu, nkyerɛkyerɛ a wɔasan de aba no mayɛ, ɛne nkuranhyɛ ne akwanya a ɛma yɛde nkyerɛkyerɛ no di dwuma.
Nea ɛka asomdwoeɛ atenka ne anigyeɛ a yɛnam Honhom no ayɔnkofa so nya ho ne sɛ, yɛn Asɔremma a wɔhyia nya asɛmpa abrabɔ so aba, te sɛ nhyira a yɛnya no Nyansasɛm so die mu ɛne honam ne honhom mu yiedie ho bɔhyɛ a ɛwɔ hɔ ma ntotosoɔ du du so die.
Nkyerɛkyerɛ mayɛ ɛne ne gyeɛ ne mmasoɔ ayɛyɛdeɛ no wɔ Asɔre a wɔasan de aba bio no nko ara mu.