ໂມເຊ ແລະ ເຂົ້າມານາ

ໂມເຊເປັນສາດສະດາ. ເພິ່ນໄດ້ນຳພາຜູ້ຄົນຂອງພຣະເຈົ້າໄປຫາແຜ່ນດິນແຫ່ງຄຳສັນຍາ. ພວກເຂົາໄດ້ຍ່າງເປັນເວລາຫລາຍມື້.

ຜູ້ຄົນຫິວເຂົ້າ. ພວກເຂົາບໍ່ມີອາຫານ. ສະນັ້ນພຣະເຈົ້າຈຶ່ງໄດ້ສົ່ງອາຫານມາໃຫ້ພວກເຂົາຈາກສະຫວັນ. ມັນຖືກເອີ້ນວ່າ ມານາ.

ແຕ່ລະເຊົ້າ, ຜູ້ຄົນໄດ້ເກັບເອົາເຂົ້າມານາມາກິນ. ແຕ່ວ່າມັນຈະບູດເນົ່າຖ້າປະໄວ້ຂ້າມຄືນ. ພວກເຂົາຈຳຕ້ອງໄດ້ເກັບເອົາໃໝ່ໃນມື້ຕໍ່ໄປ.

ເຂົ້າມານາເຕືອນເຮົາເຖິງພຣະເຢຊູຄຣິດ. ພຣະເຈົ້າໄດ້ສົ່ງເຂົ້າມານາມາເພື່ອຊ່ວຍຊີວິດຜູ້ຄົນ. ພຣະອົງໄດ້ສົ່ງພຣະເຢຊູມາສູ່ໂລກນີ້ເພື່ອຊ່ວຍຊີວິດເຮົາເຊັ່ນກັນ. ເຮົາຕ້ອງການພຣະເຢຊູທຸກມື້, ເຊັ່ນດຽວກັນກັບທີ່ເຮົາຕ້ອງການອາຫານທຸກໆມື້.

ເດັກນ້ອຍກຳລັງແນມເບິ່ງຮູບພາບຂອງພຣະເຢຊູຄຣິດ

ເຮົາຈະຕິດຕາມພຣະເຢຊູ. ພຣະອົງຈະເພີ່ມຄວາມເຂັ້ມແຂງ ແລະ ຊ່ວຍເຮົາໃຫ້ຮູ້ສຶກເຖິງຄວາມຮັກຂອງພຣະອົງໃນແຕ່ລະວັນ.

ພຣະເຢຊູຄຣິດກັບເດັກນ້ອຍ — ໃຫ້ກົດຮູບເພື່ອດາວໂຫລດ.

© 2022 by Intellectual Reserve, Inc. All rights reserved. ຈັດພິມໃນສະຫະລັດອາເມຣິກາ. ສະບັບເປັນພາສາອັງກິດໄດ້ຮັບອະນຸຍາດ: 6/19. ການແປໄດ້ຮັບອະນຸຍາດ: 6/19. ແປຈາກ Monthly Friend Message, April 2022. Laotian. 18314 331