“Luv thiab Na-aumis,” Zaj Lus hauv phau Phooj Ywg Txhua Hli, Rau Hli Ntuj 2022
“Luv thiab Na-aumis”
Zaj Lus hauv phau Phooj Ywg Txhua Hli, Rau Hli Ntuj 2022
Luv thiab Na-aumis
Na-aumis thiab nws tsev neeg tau los rau hauv ib thaj av tshiab vim tias muaj kev tshab kev nqhis. Lawv ntsib ib tug ntxhais hluas hu ua Luv. Luv tau yuav Na-aumis tus tub.
Ces Luv tus txiv tas sim neej no. Luv nyuaj siab heev.
Na-aumis kuj nyuaj siab heev. Nws tsis muaj tsev neeg saib xyuas nws ntxiv. Nws txiav txim siab rov qab mus rau nws lub qub teb chaws.
Na-aumis tau hais kom Luv rov qab mus nrog nws tsev neeg nyob. Tiam sis Luv hlub Na-aumis. Nws cog lus tias nws yuav nrog Na-aumis mus thiab saib xyuas nws.
Luv thiab Na-aumis pluag heev. Yog li ntawd Luv tau khwv ua hauj lwm nrhiav noj nrhiav haus rau nkawd.
Muaj ib hnub ib tug txiv neej hu ua Npau-am pom Luv khaws cov qoob loo uas nyob hauv nws ib daim teb.
Npau-am siab zoo heev. Nws qhia nws cov neeg hlais nplej kom lawv tseg cov nplej rau Luv khaws.
Tom qab ntawd Luv thiab Npau-am sib yuav. Nkawd muaj ib tug me nyuam tub. Na-aumis pab tu tus me nyuam.
Kuv muaj peev xwm pab saib xyuas lwm tus. Kuv txawj ua siab zoo rau cov neeg uas xav tau kev pab.
Phab Ntawv Tha Xim
Kuv Txawj Saib Xyuas Lwm Tus
Nias daim duab kom muab download.
Daim duab los ntawm Apryl Stott
Koj pab tau leej twg?
© 2022 los ntawm Intellectual Reserve, Inc. Ceev txhua txoj cai. Luam tawm hauv Teb Chaws Amelikas. Pub luam tawm ua lus Askiv: 6/19. Pub txhais ua lus Hmoob: 6/19. Kev txhais Monthly Friend Message, June 2022. Hmong. 18315 295