“Ruth and Naomi,” Monthly Friend Messages, June 2022
“Ruth and Naomi”
ຂ່າວສານປະຈຳເດືອນ Friend, ເດືອນມິຖຸນາ 2022
ນາງຣຸດ ແລະ ນາງນາໂອມີ
ຮູບພາບປະກອບ ໂດຍ ເອໂພ ສະຕ໋ອດ
ນາງນາໂອມີ ແລະ ຄອບຄົວຂອງລາວໄດ້ມາຫາແຜ່ນດິນໃໝ່ຍ້ອນເກີດມີການອຶດຢາກ. ເຂົາເຈົ້າໄດ້ພົບກັບຍິງໜຸ່ມຄົນໜຶ່ງຊື່ວ່ານາງຣຸດ. ນາງຣຸດໄດ້ແຕ່ງງານກັບລູກຊາຍຂອງນາງນາໂອມີ.
ແລ້ວສາມີຂອງນາງຣຸດກໍໄດ້ຕາຍໄປ. ນາງຣຸດເສຍໃຈຫລາຍ.
ນາງນາໂອມີກໍຮູ້ສຶກເສຍໃຈຫລາຍເຊັ່ນກັນ. ລາວບໍ່ມີຄອບຄົວເຫລືອຢູ່ເພື່ອເບິ່ງແຍງລາວ. ລາວໄດ້ຕັດສິນໃຈວ່າຈະກັບຄືນໄປແຜ່ນດິນທີ່ລາວຈາກມາ.
ນາງນາໂອມີໄດ້ບອກໃຫ້ນາງຣຸດກັບຄືນໄປຫາຄອບຄົວຂອງນາງ. ນາງຣຸດຮັກນາງນາໂອມີ. ນາງໄດ້ສັນຍາວ່າຈະໄປກັບນາງນາໂອມີ ແລະ ເບິ່ງແຍງລາວ.
ນາງຣຸດ ແລະ ນາງນາໂອມີທຸກຍາກຫລາຍ. ສະນັ້ນນາງຣຸດຈຶ່ງໄດ້ເຮັດວຽກໜັກເພື່ອຊອກຫາອາຫານໃຫ້ພວກຕົນ.
ມື້ໜຶ່ງມີຊາຍຄົນໜຶ່ງຊື່ໂບອາດໄດ້ເຫັນນາງຣຸດກຳລັງເກັບຮວງເຂົ້າທີ່ຕົກເຮ່ຍໃນທົ່ງແຫ່ງໜຶ່ງຂອງລາວ.
ໂບອາດເປັນຄົນໃຈດີ. ລາວໄດ້ບອກພວກຄົນງານຂອງລາວໃຫ້ປະຮວງເຂົ້າໄວ້ຕື່ມອີກສຳລັບນາງຣຸດ.
ຕໍ່ມານາງຣຸດ ແລະ ໂບອາດໄດ້ແຕ່ງງານກັນ. ເຂົາເຈົ້າໄດ້ມີລູກຊາຍຄົນໜຶ່ງ. ນາງນາໂອມີໄດ້ຊ່ວຍເບິ່ງແຍງລູກນ້ອຍ.
ເຮົາສາມາດຊ່ວຍເບິ່ງແຍງຄົນອື່ນ. ເຮົາສາມາດເປັນຄົນໃຈດີກັບຜູ້ທີ່ຕ້ອງການຄວາມຊ່ວຍເຫລືອ.
ໜ້າລະບາຍສີ
ເຮົາສາມາດດູແລຄົນອື່ນ
ໃຫ້ກົດຮູບເພື່ອດາວໂຫລດ.
ຮູບພາບປະກອບ ໂດຍ ເອໂພ ສະຕ໋ອດ
ເຈົ້າສາມາດຊ່ວຍໃຜແດ່?
© 2022 by Intellectual Reserve, Inc. All rights reserved. ຈັດພິມໃນສະຫະລັດອາເມຣິກາ. ສະບັບເປັນພາສາອັງກິດໄດ້ຮັບອະນຸຍາດ: 6/19. ການແປໄດ້ຮັບອະນຸຍາດ: 6/19. ແປຈາກ Monthly Friend Message, June 2022. Laotian. 18315 331