“Rut im Neomi,” Kajjojo Allōn̄ Eo M̧ōtta Ennaan ko, Juun 2022
“Rut im Neomi”
Ennaan eo an Kajjojo Allōn̄ an Eo Jera, Juun 2022
Rut im Naomi
Kōmeļeļe ko jān Apryl Stott
Naomi im baam̧le eo rekar itok n̄an juon āne ekāāl kōn kar juon n̄ūta. Rekar ioone juon jiron̄ etan Rut. Rut ekar m̧areiki ļaddik eo nejin Neomi.
Innem ļeo pāleen Rut ekar mej. Rut ekar lukkuun burom̧ōj.
Neomi ekar bar lukkuun burom̧ōj. Ejeļo̧k an bar baamle n̄an lale er. Ekar kālet bwe en rool n̄an āne eo me ekar itok jān e.
Neomi ekar ba n̄an Rut bwe en bar jepļaak n̄an ippān baam̧le eo an. Ak Rut ekar iakwe Neomi. Ekar kallim̧ur bwe enej bar itok ippān Neomi bwe en lale.
Rut im Neomi rekar jeramōļ. Kōn menin Rut ekar lukkuun buuļ jerbal im kate n̄an kakkijenļo̧k kijeer.
Juon raan juon em̧m̧aan etan Boaz ekar lo Rut ej aiintok aolep bwe in grain ko ilo juon iaan meļaaj ko an.
Boaz ekar jouj. Ekar ba n̄an rijerbal ro an bwe ren likūt bween m̧ōn̄ā ko n̄an Rut.
Tokālik Rut im Boaz rekar m̧are. Ekar wōr juon nejierro ļaddik. Neomi ekar jipan̄ lale ļaddik eo.
Imaron̄ jipan̄ lale ro jet. Imaron̄ jouj n̄an ro rej pād ilo aikuj.
Peij in Kōļar
Ij Kea kōn Ro Jet
Jiped pija in n̄an downloadi.
Kōmeļeļe jān Apryl Stott
Wōn eo kwomaron̄ jipan̄ e?
© 2022 jān Intellectual Reserve, Inc. Aolep jim̧we ko rej pād ie. Kar būriin ilo USA. Kōmālim ilo kajin English: 6/19. Kōmālim ukook eo: 6/19. Ukook eo an Monthly Friend Message, June 2022. Marshallese. 17467 874