“Ruthe le Naomi,” Molaetsa oa khoeli Motsoalle Phuptjane 2022
Ruthe le Naomi
Molaetsa oa khoeli Motsoalle Phuptjane, 2022
Ruthe le Naomi
Litśoantśo ka Apryl Stott
Naomi le lelapa la hae ba tla lefatśeng le lecha ka lebaka la tlala. Ba kopana le mosali ea monyenyane ea bitsoang Ruthe. Ruthe a nyala mora oa Naomi.
Eaba molelane oa Ruthe o oa shoa. Ruthe o ne a saretsoe haholo.
Naomi o ne a saretsoe haholo le eena. O ne a se na lelapa le setseng ho mo hlokomela. O ile a etsa qeto ea ho khutlela lefatśeng leo a neng a tsoa ho lona.
Naomi o ile a bolella Ruthe ho khutlela ho ba habo. Empa Ruthe o ne a rata Naomi. O ile a tśepisa ho tla le Naomi hore a tle a mo hlokomele.
Ruthe le Naomi ba ne ba sotlehile. Joale Ruthe a sebetsa ka thata ho ba fumanela lijo.
Ka letsatsi le leng monna ea bitsoang Boaze a bona Ruthe a ntse a thonaka mafoforetsane a koro masimong a hae.
Boaze o ne a le mosa. O ile a bolella basebeletsi ba hae ho tlohela lijo tse ling bakeng sa Ruthe.
Hamorao Ruthe le Boaze ba ile ba nyalana. Ba eba le ngoana oa moshanyana. Naomi o ile a thusa ka ho mo hlokomela.
Nka thusa ho hlokomela ba bang. Nka ba mosa ho ba hlokang.
Leqephe La Ho Taka
Nka Hlokomela Ba Bang
Tobetsa setśoantśong ho khoasolla.
Setśoantśo ka Apryl Stott
U ka thusa mang?
© 2022 by Intellectual Reserve, Inc. All rights reserved. E hatisitsoe USA. Tumello ea Senyesemane: 6/19. Tumello ea phetolelo: 6/19. Phetolelo ea Monthly Friend Message, June 2022. Sesotho. 18315 739