Padahk en Sounpwung kan Kempoakepah, Septempe 2022

Aiseia Padahngki duwen Sises Krais

Aiseia intintingih

Kilel en kasansal sang Apryl Stott

Aiseia wia soukohp men. E momour mwohn Sises Krais ah ketin ipwidi. Apw e ese me Sises pahn ketdo.

Aiseia mamahsen

Aiseia kohpada me Sises pahn ipwidi wia Sapwellimen Koht Iehros. Sises pahn ketin sewese oh kamwauihla mehteikan.

Sosep, Mary, oh seri Sises

Aiseia pil kohpada me Sises pahn ketdo pohn sampah. E pahn ketin kahdaneki Sapwellimen Nahnmwarki Pwutak en Kameleilei. E pahn ketin meirongkihla Sapwellime mour ong kitail pwehki Ah ketin poakoang kitail laud.

Sises Krais ketin iasadahr

Soang kan me Aiseia padahnki pweidahr. Mwurin pahr kei, Sises ketdo pohn sampah. E ketin kasaleieng kitail ahlo. E ketin pwoula oh pwurehng ieias. E ketin ieias rahnwet.

nohno wie wadawad ong serih kan duwen Sises Krais

I kak esehla duwen Sises Krais. Ni ahnsou me I kin tamanda dahme E ketin wiahier ong ie, I kak kehn meleilei oh koapwoaroapwoar!

Kumwail kak kalaudehla amwail wadawad sang ni padahk en Aiseia kan me pid duwen Sises Krais nan pwuhk en Aiseia 7:14; 9:6; 11:2-4; oh 53:4-5.

Doaropwehn Koaler

I Kak Esehla duwen Sises Krais

Sises Krais kelepwikihdi oh mahseniong lih emen

Padik pohn kilel pwehn alahldi.

Kilel en kasansal sang Apryl Stott

Mehnia soai en Sises me kumwail keieu pwungki?

© 2022 sang Intellectual Reserve, Inc. Kolokol pwuhng koaros Ntingda nan USA. Kamanaman ong ni lokaiahn Wai: 6/19. Kamanaman ong kawehwe: 6/19. Kawehwepen Padahk en Sounpung kan, Septempe 2022. Mahsen en Pohnpei. 18299 885