Bosome bosome Liahona Nkrasɛm, Kɔtɔnima 2023
Rehwehwɛ Ankasa Asomdwoeɛ
Nyifirimu
Ɛnnɛ mɛkasa afa deɛ masua fa anwanwadeɛ a ɛwɔ ankasa asomdwoeɛ hwehwɛ ho, sɛdeɛ yɛn tebea teɛ biara.
Masua anyɛ koraa nokorɛ num firi Agyenkwa no adekyerɛ mu.
Ɛdi kan, wɔde asomdwoeɛ akyɛdeɛ no ma berɛ a yɛwɔ gyidie sɛ yɛbɛkora Ne mmaransɛm.
Ɛtɔ so mmienu, Sunsum Kronkron no bɛba ne yɛn abɛtena.
Ɛtɔ so mmiɛnsa, Agyenkwa no hyɛ bɔ sɛ sɛ yɛkora yɛn apam a, yɛbɛtumi ate ɔdɔ a Agya no ne Ɔba no wɔ ma wɔn ho ne yɛn.
Ɛtɔ so nan, Awurade mmaransɛm kora hia boro setie. Ɛwɔ sɛ yεde yɛn akoma, ahoɔden, adwene, ne yɛn kra nyinaa dɔ Onyankopɔn.
Ɛtɔ so num, ɛyɛ pefee sɛ Awurade dɔɔ yɛn ara maa ɔtuaa yɛn bɔne ho ka sɛdeɛ yɛbɛtumi—nam yɛn gyidie wɔ Ne mu ne yɛn adwensakyera so, nam Ne Mpata nsunsuansoɔ so—anya asomdwoeɛ akyɛdeɛ kronkron a “ɛtra nteaseɛ nyinaa so” [Filipifoɔ 4:7], wɔ asase yi so ne Ne nkyɛn wɔ daapem.
Asɔre yi mma anya Awurade ankasa asomdwoeɛ akyɛdeɛ no atenka. Ɔrehyɛ yɛn nkuran sɛ yɛmmoa afoforɔ ma wɔnnya akwanya mmra Ne nkyɛn na wɔn nso mfata saa asomdwoeɛ korɔ no ara. Wɔn nso bɛyi, sɛ wɔbɛhwehwɛ nkanyan a ɛbɛma wɔahunu sɛdeɛ wɔde saa akyɛdeɛ no bɛkɔ akɔma afoforɔ.
Mmɔfra a wɔrenyini no bɛyɛ nteteeɛfoɔ ama awoɔntoatoasoɔ a ɛbɛba. Mfasoɔ a ɛbɛfiri mu aba bɛyɛ anwanwadeɛ. Ɛbɛtrɛ na anyini akyire yi, na wɔbɛsiesie Awurade ahemman wɔ asase so na ayɛ krado sɛ ɛde ayɛyie nne bɛhyia No. Asomdwoeɛ bɛwɔ asase so.
© 2023 by Intellectual Reserve, Inc. All rights reserved. Wɔtintimm wɔ USA Borɔfo Kasa ho kwan-ma: 6/19. Nkyerɛaseɛ ho kwan-ma: 6/19. Nkyerɛaseɛ ma Bosome bosome Liahona Nkransɛm, Kɔtɔnima 2023. Language. 19025 000