« ព្រះយេស៊ូវបានបង្ហាញផ្លូវដល់យើង » ទស្សនាវដ្តី ប្រិយមិត្ត ខែ សីហា ឆ្នាំ ២០២៣ ទំព័រ ៤–៥ ។
សារលិខិតទស្សនាវដ្តី ប្រិយមិត្ត ប្រចាំខែ ខែ សីហា ឆ្នាំ ២០២៣
ព្រះយេស៊ូវបានបង្ហាញផ្លូវដល់យើង
រចនារូបភាពដោយ ដេន ប៊ើរ
ព្រះយេស៊ូវគ្រីស្ទគឺជាព្រះរាជបុត្រារបស់ព្រះវរបិតាសួគ៌ ។ ទ្រង់បានយាងមកផែនដីដើម្បីបង្ហាញយើងអំពីរបៀបដែលយើងអាចត្រឡប់ទៅរកព្រះវរបិតាសួគ៌វិញនៅថ្ងៃមួយ ។ ព្រះយេស៊ូវបានទទួលពិធីបុណ្យជ្រមុជទឹក ។ ទ្រង់បានបង្រៀនថាយើងក៏គួរតែទទួលពិធីបុណ្យជ្រមុជទឹកផងដែរ ។
ព្រះយេស៊ូវបានបង្ហាញយើងអំពីរបៀបរស់នៅ ។ ទ្រង់ស្រឡាញ់ និងជួយដល់មនុស្សគ្រប់រូប ។ ទ្រង់ចង់ឲ្យយើងធ្វើតាមទ្រង់ ។
ព្រះយេស៊ូវជ្រាបដឹងពីអារម្មណ៍ឈឺចាប់របស់យើងទាំងអស់ ហើយបានរងទុក្ខវេទនាសម្រាប់អំពើបាបរបស់យើងផងដែរ ។ បន្ទាប់មកទ្រង់បានសុគតជំនួសយើង ។ ការណ៍នេះត្រូវបានហៅថា ដង្វាយធួនរបស់ព្រះយេស៊ូវគ្រីស្ទ ។ ទ្រង់បានមានព្រះជន្មរស់ឡើងវិញ ។ នោះមានន័យថាទ្រង់មានព្រះជន្មរស់សព្វថ្ងៃនេះ ! ដោយសារព្រះយេស៊ូវគ្រីស្ទ នោះយើងក៏នឹងរស់ឡើងវិញម្ដងទៀតបន្ទាប់ពីយើងស្លាប់ទៅផងដែរ ។
ព្រះយេស៊ូវបានធ្វើនូវកិច្ចការទាំងអស់នេះសម្រាប់យើងពីព្រោះទ្រង់ស្រឡាញ់យើង ។ ដោយសារទ្រង់ នោះយើងអាចរស់នៅជាមួយព្រះវរបិតាសួគ៌របស់យើង និងក្រុមគ្រួសាររបស់យើងនៅថ្ងៃមួយ ។
យើងអាចធ្វើតាមព្រះយេស៊ូវតាមរយៈការទទួលពិធីបុណ្យជ្រមុជទឹក ។ យើងក៏អាចធ្វើតាមទ្រង់ជារៀងរាល់ថ្ងៃបានផងដែរ នៅពេលយើងស្រឡាញ់ និងជួយអ្នកដទៃ ហើយរក្សាបទបញ្ញត្តិរបស់ទ្រង់ ។
©២០២៣ by Intellectual Reserve, Inc. All rights reserved. បោះពុម្ពនៅ ស.រ.អា. ។ ការអនុម័តជាភាសាអង់គ្លេស ៖ ៦/១៩ ។ ការអនុម័តឲ្យបកប្រែ ៖៦/១៩ ។ ការបកប្រែនៃ Monthly Friend Message, August 2023.Language.19046 258