“Milagro ni Tabita,” Friend, Septiembre 2023, 46–47.
Binulan a Mensahe iti Friend , Septiembre 2023
Milagro ni Tabita
Dagiti panangiladawan ni Apryl Stott
Ni Tabita ti maysa a pasurot ni Jesucristo. Nagdait kadagiti kawes ken amerikana ken adu ti naimbag a banag nga inaramidna para kadagiti dadduma.
Ngem kalpasanna nagsakit ni Tabita ket natay. Adu dagiti tao a nagladingit.
Ti propeta, ni Pedro, napan ken ni Tabita. Pinagungarna manipud kadagiti natay babaen ti bileg nga inted kenkuana ni Jesucristo.
Nagbiag manen ni Tabita! Isu ket makapagdait ken makapagserbi manen. Maysa a milagro daytoy.
Panid ti Panagkolor
Makapagserbiak kadagiti Dadduma
Panangiladawan ni Apryl Stott
Mabalinko ti agayat kas ken ni Jesucristo babaen iti panangserbik iti dadduma.
© 2023 ti Intellectual Reserve, Inc. All rights reserved. Naimaldit iti EUA. Pannakaanamongna iti Ingles: 6/19. Pannakaanamongna a maipatarus: 6/19. Pannakaipatarus ti Monthly Friend Message, September 2023. Language. 19047 864