“The Tree of Life,” Friend, Jan. 2024, 26–27.
ຂ່າວສານປະຈຳເດືອນ Friend, ເດືອນມັງກອນ 2024
ຕົ້ນໄມ້ແຫ່ງຊີວິດ
ພາບປະກອບ ໂດຍ ແອນດຣູ ໂບສ໌ລີ
ລີໄຮເປັນສາດສະດາ. ພຣະເຈົ້າໄດ້ບອກເພິ່ນໃຫ້ພາຄອບຄົວຂອງເພິ່ນໄປຫາແຜ່ນດິນແຫ່ງຄຳສັນຍາ. ຂະນະທີ່ເຂົາເຈົ້າໄດ້ເດີນທາງໄປນັ້ນ, ເພິ່ນໄດ້ຝັນກ່ຽວກັບຕົ້ນໄມ້ທີ່ງົດງາມຕົ້ນໜຶ່ງ. ມັນເອີ້ນວ່າ ຕົ້ນໄມ້ແຫ່ງຊີວິດ.
ຕົ້ນໄມ້ຕົ້ນນັ້ນໄດ້ເກີດໝາກສີຂາວທີ່ແຊບ. ລີໄຮຮູ້ສຶກດີໃຈຫລາຍເມື່ອເພິ່ນໄດ້ກິນມັນ! ເພິ່ນຢາກໃຫ້ຄອບຄົວຂອງເພິ່ນໄດ້ຊີມເຊັ່ນກັນ.
ລີໄຮຍັງໄດ້ເຫັນຮາວເຫລັກທີ່ນຳໄປຫາຕົ້ນໄມ້ນັ້ນ. ຜູ້ຄົນໄດ້ຈັບຮາວເຫລັກ ເພື່ອທີ່ຈະໄປຮອດຕົ້ນໄມ້ນັ້ນ ແລະ ກິນໝາກໄມ້.
ຕົ້ນໄມ້ໃນຄວາມຝັນຂອງລີໄຮ ເປັນເໝືອນດັ່ງຄວາມຮັກຂອງພຣະເຈົ້າ. ຮາວເຫລັກ ເປັນເໝືອນດັ່ງພຣະຄຳພີ. ເມື່ອເຮົາອ່ານພຣະຄຳພີ, ເຮົາກໍເຂົ້າໃກ້ພຣະບິດາເທິງສະຫວັນ ແລະ ພຣະເຢຊູຄຣິດຫລາຍຂຶ້ນ.
ໜ້າລະບາຍສີ
ພຣະຄໍາພີສິດສອນກ່ຽວກັບພຣະເຢຊູ
ພາບປະກອບ ໂດຍ ອາດາມ ໂຄຟອດ
ເລື່ອງລາວທີ່ເຈົ້າມັກຫລາຍທີ່ສຸດກ່ຽວກັບພຣະເຢຊູຄຣິດແມ່ນຫຍັງ?
© 2024 by Intellectual Reserve, Inc. All rights reserved. ຈັດພິມໃນສະຫະລັດອາເມຣິກາ. ສະບັບເປັນພາສາອັງກິດໄດ້ຮັບອະນຸຍາດ: 6/19. ການແປໄດ້ຮັບອະນຸຍາດ: 6/19. ແປຈາກ Monthly Friend Message, January 2024. Language. 19273 331