“Si Jesus Nagbendisyon sing Tinag-isaisa,” Abyan, Oktubre 2024, 26–27.
Bulanan nga Mensahe sa Abyan, Oktubre 2024
Si Jesus Nagbendisyon sing Tinag-isaisa
Mga ilustrasyon ni Andrew Bosley
Gintudloan sang mga propeta ang mga Nefinhon sang mga tanda sang kamatayon ni Jesucristo. Sang napatay Sia, may kadulom sa duta sa sulod sang tatlo ka adlaw. Pagkatapos, nabatian sang mga tawo ang tingug sang Amay nga Langitnon nga nagahambal halin sa langit.
Ang Amay nga Langitnon nagsiling, “Tan-awa ang akon Hinigugma nga Anak” (3 Nefi 11:7). Si Jesus nagpakita sa mga Nefinhon. Nabanhaw Sia! Gintudloan Niya ang mga Nefinhon sang madamo nga butang. Ginhambalan Niya sila nga maghinulsol kag sundon Sia.
Nagsiling Sia sa mga tawo nga dal-on ang mga nagamasakit sa Iya agud mapaayo. Ginbendisyunan Niya sila.
Ginbendisyunan man Niya ang tanan nga kabataan sing tinag-isaisa. Ginpalibotan sang mga anghel ang kabataan.
Ginakoloran nga Pahina
Palangga sang Manluluwas ang Tagsa ka Anak sang Amay nga Langitnon.
Ilustrasyon ni Adam Koford
Paano mo mabatyagan ang pagpalangga sang Manluluwas?
© 2024 iya sang Intellectual Reserve, Inc. All rights reserved. Gin-imprinta sa Pilipinas. Petsa sang pagtugot sa Ingles: 6/19. Petsa sang pagtugot sa paglubad: 6/19. Paglubad sang Monthly Friend Message, October 2024. Hiligaynon. 19291 861