“Nakita ni Nefi ang Lapsag nga si Jesus,” Abyan, Disyembre 2024, 26–27.
Bulanan nga Mensahe sa Abyan, Disyembre 2024
Nakita ni Nefi ang Lapsag nga si Jesus
Mga ilustrasyon ni Andrew Bosley
Nakakita si Lehi, tatay ni Nefi, sang palanan-awon parte kay Jesucristo. Gusto man ni Nefi nga makita ini nga palanan-awon. Nangamuyo sia kag nangayo nga makita ang nakita sang iya tatay.
Ginpakita sang Balaan nga Espiritu kay Nefi ang pareho man nga palanan-awon. Nakita ni Nefi ang dalaga nga ang ngalan Maria. Siling sang Balaan nga Espiritu nga sia ang mangin nanay sang Anak sang Dios nga si Jesucristo.
Nakita ni Nefi ang lapsag nga si Jesus upod kay Maria. Siling sang Balaan nga Espiritu nga magakari si Jesus sa kalibutan para buligan ang mga anak sang Amay nga Langitnon.
Nakita ni Nefi ang kabuhi ni Jesucristo. Nakita niya Sia nga nagaserbisyo kag nagatudlo sa mga tawo. Kadamo sang natun-an ni Nefi parte sa Manluluwas. Makatuon ka man parte sa Iya paagi sa pagbasa sang balaan nga mga kasulatan.
Ginakoloran nga Pahina
Ang Paskwa Parte kay Jesus
Ilustrasyon ni Adam Koford
“Kay sa aton natawo ang isa ka bata, sa aton ginhatag ang isa ka anak nga lalaki” (Isaias 9:6).
© 2024 iya sang Intellectual Reserve, Inc. All rights reserved. Gin-imprinta sa Pilipinas. Petsa sang pagtugot sa Ingles: 6/19. Petsa sang pagtugot sa paglubad: 6/19. Paglubad sang Monthly Friend Message, December 2024. Hiligaynon. 19350 861