ນີໄຟເຫັນກຸມມານນ້ອຍເຢຊູ

ລີໄຮກຳລັງສິດສອນນີໄຟ, ແລະ ນີໄຟກຳລັງອະທິຖານ

ລີໄຮພໍ່ຂອງນີໄຟ, ໄດ້ເຫັນພາບນິມິດກ່ຽວກັບພຣະເຢຊູຄຣິດ. ນີໄຟກໍປາດຖະໜາທີ່ຈະເຫັນພາບນິມິດນີ້ເຊັ່ນກັນ. ເພິ່ນໄດ້ອະທິຖານ ແລະ ຂໍໃຫ້ເຫັນສິ່ງທີ່ບິດາຂອງເພິ່ນໄດ້ເຫັນ.

ພຣະວິນຍານບໍລິສຸດໄດ້ສະແດງໃຫ້ນີໄຟໄດ້ເຫັນພາບນິມິດອັນດຽວກັນ. ນີໄຟໄດ້ເຫັນຍິງໜຸ່ມຄົນໜຶ່ງຊື່ ມາຣີ. ພຣະວິນຍານບໍລິສຸດໄດ້ກ່າວວ່ານາງຈະເປັນມານດາຂອງພຣະບຸດຂອງພຣະເຈົ້າ, ພຣະເຢຊູຄຣິດ.

ນີໄຟກຳລັງເຫັນນາງມາຣີ ແລະ ກຸມມານນ້ອຍເຢຊູໃນພາບນິມິດ

ນີໄຟໄດ້ເຫັນກຸມມານນ້ອຍເຢຊູຢູ່ກັບນາງມາຣີ. ພຣະວິນຍານບໍລິສຸດໄດ້ກ່າວວ່າ ພຣະເຢຊູຈະສະເດັດມາສູ່ໂລກນີ້ເພື່ອຊ່ວຍເຫລືອລູກໆຂອງພຣະບິດາເທິງສະຫວັນ.

ນີໄຟກຳລັງຂຽນພາບນິມິດຂອງເພິ່ນລົງໄວ້; ເດັກຍິງກຳລັງອ່ານພຣະຄຳພີ

ນີໄຟໄດ້ເຫັນຊີວິດຂອງພຣະເຢຊູຄຣິດ. ເພິ່ນໄດ້ເຫັນພຣະອົງກຳລັງຮັບໃຊ້ ແລະ ສິດສອນຜູ້ຄົນ. ນີໄຟໄດ້ຮຽນຮູ້ຫລາຍສິ່ງຫລາຍຢ່າງກ່ຽວກັບພຣະຜູ້ຊ່ວຍໃຫ້ລອດ. ເຈົ້າສາມາດຮຽນຮູ້ກ່ຽວກັບພຣະອົງໄດ້ເຊັ່ນກັນໂດຍການອ່ານພຣະຄຳພີ.

© 2024 by Intellectual Reserve, Inc. All rights reserved. ຈັດພິມໃນສະຫະລັດອາເມຣິກາ. ສະບັບເປັນພາສາອັງກິດໄດ້ຮັບອະນຸຍາດ: 6/19. ການແປໄດ້ຮັບອະນຸຍາດ: 6/19. ແປຈາກ Monthly Friend Message, December 2024. Laotian. 19350 331