“Nahita an’i Jesoa Zazakely i Nefia,” Namana, desambra 2024, 26–27.
Hafatra isam-bolana ao amin’ny Namana, desambra 2024
Nahita an’i Jesoa Zazakely i Nefia
Sary nataon’i Andrew Bosley
Nahita fahitana momba an’i Jesoa Kristy i Lehia rain’i Nefia. Te hahita io fahitana io koa i Nefia. Nivavaka izy ary nangataka mba hahita ny zavatra hitan-drainy.
Nasehon’ny Fanahy Masina tamin’i Nefia ny fahitana mitovy tamin’io ihany. Nahita zatovovavy iray nantsoina hoe Maria i Nefia. Nilaza ny Fanahy Masina fa izy no ho renin’ny Zanak’ Andriamanitra, dia i Jesoa Kristy.
Hitan’i Nefia i Jesoa zazakely niaraka tamin’i Maria. Nilaza ny Fanahy Masina fa ho tonga eto an-tany i Jesoa mba hanampy ireo zanaky ny Ray any An-danitra.
Hitan’i Nefia ny fiainan’i Jesoa Kristy. Nahita Azy nanompo sy nampianatra olona izy. Nianatra zavatra maro momba ny Mpamonjy i Nefia. Afaka mianatra momba Azy koa ianao amin’ny alalan’ny famakiana ny soratra masina.
Pejy holokoina
Momba an’i Jesoa ny Krismasy
Sary nataon’ i Adam Koford
“Fa Zaza no teraka ho antsika, Zazalahy no omena antsika” (Isaia 9:6).
© 2024 by Intellectual Reserve, Inc. All right reserved. Natonta tany Etazonia. Fankatoavana ny tamin’ny teny anglisy: 6/19. Fankatoavana ny fandikana: 6/19. Fandikana ny Monthly Friend Message, December 2024.Malagasy.19350 654