Messaġġ ta’ Kull Xahar Ħabib, Jannar 2025

L-Ewwel Dehra

Tista’ taqra din l-istorja f’ Joseph Smith—Storja 1:1–20.

Meta Joseph Smith kien żgħir, bosta knejjes kienu jgħallmu ħwejjeġ differenti dwar Ġesù Kristu. Joseph ma kienx jaf ma’ liema knisja kellu jingħaqad.

Darba waħda, huwa qara Ġakbu 1:5 fil-Bibbja. Kienet tgħid li jekk neħtieġu l-għerf, nistgħu nistaqsu lil Alla. Joseph iddeċieda li jagħmel dan.

F’jum sabiħ tar-rebbiegħa, Joseph mar fil-masġar biex jitlob lil Missierna fis-Smewwiet.

Joseph niżel għarkupptejh u beda jitlob. Iżda mbagħad ħass dalma madwaru. Joseph kien beżgħan. Huwa talab lil Alla għall-għajnuna.

F’daqqa waħda, Joseph ra dawl jiddi ġej mis-smewwiet. Huwa ra lil Missierna tas-Smewwiet u lil Ġesù Kristu wieqfa fl-arja. Missierna fis-Smewwiet qal isem Joseph. Imbagħad huwa pponta lejn Ġesù Kristu u qal, “Dan hu Ibni l-Għażiż. Isimgħu!”

Ġesù qal lil Joseph li m’għandux jingħaqad mal-ebda waħda mill-knejjes.

Joseph kellu jgħin biex jirrestawra l-milja tal-evanġelju fid-dinja.

Joseph ma kienx aktar konfuż. Huwa kien mimli bil-ferħ! Huwa kien jaf li Alla kien iħobbu. Xi nies ma emmnux li kien ra lil Missierna fis-Smewwiet u lil Ġesù Kristu, iżda huwa kien jaf li dan kien veru.

Paġna biex Tingħata l-Kulur

Missierna fis-Smewwiet Jisma’ u Jwieġeb it-Talb Tiegħi

Illustrazzjonijiet ta’ Corey Egbert

Missierna fis-Smewwiet wieġeb it-talba ta’ Joseph Smith. Huwa jisma’ t-talb tagħkom ukoll!

© 2025 minn Intellectual Reserve, Inc. Id-drittijiet kollha riservati. Stampat fl-Istat Uniti. Approvazzjoni bl-Ingliż: 6/19. Approvazzjoni tat-traduzzjoni: 6/19. Traduzzjoni ta’ Monthly Friend Message, January 2025. Maltese. 19632 159