Sel Kot el Ues

Ng sebechem el menguiu er tial cheldecheduch el ngara Joseph Smith—History 1:1–20.

Joseph Smith el omes er a chad el olisechakl er a rechad

A Joseph Smith er sera le kekerei, eng betok el ikelesia ulsisechakl a kakerous el tekoi el kirel a Jesus Kristo. A Joseph a dimlak lodengei el kmo ngera el ikelesia a le borngii.

A tara klebesei, eng milnguiu er a Jakobus 1:5 el ngara Bibilia. Ng melekoi el kmo alsekum e kede ousbech a llomes, eng sebeched loker er a Dios. A Joseph a tilbir el mo meruul er ngii.

Joseph Smith el merael el mora chelsel oreomel.

Ng mle klebokel el sils, ea Joseph a milrael mora chelsel oreomel el mo meluluuch el mora Chedam er a Babeluades.

A Joseph a mlo outubaruach e omuchel meluluuch. Eng di mlo melchesiu er a ilkolk el iliuekl er ngii. A Joseph a mlo medakt. Ng ullengit a ngesou er a Dios.

A Demad ra Babeluades ma Jesus Kristo a olecholt er tir el mora Joseph Smith.

Di mle mereched, ea Joseph a milsa a medidiich el llomes el mlara babeluades el me metengel. Ng milsa a Chedam er a Babeluades me a Jesus Kristo el dechor rebab er a chutem. A Chedam er a Babeluades a dilii a ngkel a Joseph. E okor e millutk el mora Jesus Kristo e kmul kmo, “Ngka a Betik er a Renguk el Ngelekek. Mrengesii!”

A Jesus a dilu er a Joseph meng diak el bol teloi er a ngii di el ikelesia.

Joseph Smith el outubaruach e omes el bedul bab

A Joseph a molengeseu lolutii a cherrungel ebangkelio el mei er a beluulechad.

Joseph Smith el klikmechur e tobeda er a choreomel.

A Joseph a merkong el dikea el rrau a rengul. Ngii a mlo mui er a deureng! Ng mle medengei el kmo a Dios a betik a rengul er ngii. A rebebil er a rechad a dimlak el oumerang el kmo ng milsa a Chedam er a Babeluades me a Jesus Kristo, eng di ngii a mle medengei el kmo ng klemerang.

© 2024 lokiu Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/19. Kengei er a Oidel: 6/19. Oidel a Monthly Friend Message, January 2025.Palauan19632 881