Etinda ya Sanza Mpo na Bokasi ya Bilenge , Sanza ya yambo 2021

Yoka, Tia matoyi, mpe Tia Bokebi

Na Mokambi Russell M. Nelson

Mokambi ya Eklezia ya Yesu Klisto ya Bansantu ba Mikolo mya Nsuka

Uta na Lisukulu ya likita linene ya sanza ya minei.

Bilili na Guev Design

Liloba ya yambo mpenza na Malongi mpe Mayokani ezali Tia matoyi (tala Doctrine and Covenants 1:1). Elingi koloba “koyoka na mokano ya kotosa.” Koyotia matoyi elingi koloba “koyoka Ye”—mpo na koyoka nini Mobikisi alobi mpe nsima kotia bokebi na toli na Ye. Na maloba mibale wana—“Yokela Ye”—Nzambe apesi biso ndakisa mpo na elonga, esengo, mpe bosepeli na bomoi oyo. Tosengeli koyoka maloba ya Nkolo, koyokemela yango, mpe kotia bokebi na nini Ye alobeli biso!

Wapi ekoki biso kokende mpo na koyokela Ye?

Tokoki kokende na makomi. Tokoki lisusu koyokela Ye na tempelo. Biso mpe tokoyokelaka Ye na polele mingi koleka ntango topetoli makoki na biso mpo na koyeba banungunungu ya Molimo Mosantu. Mpe, na nsuka, biso tokoyokelaka Ye ntango totie bokebi na maloba ya baprofeta, bamoni, mpe mamonisi.

Nini ekosalema ntango oyoki na mayele nyonso, oyokemeli, mpe otie bokebi na maye Mobikisi alobi, mpe maye Azali koloba sikawa na nzela ya baprofeta na Ye? Nalaki ete okopambolama na nguya mosusu mpo na kolonga masenginia, bitumba, mpe bolembu ya bomoto. Nalaki makamwisi na mikangano ya mabota na bino mpe mosala na bino ya mokolo na mokolo. Mpe nalaki ete makoki na bino ya koyoka bosepeli ekobakisama atako mobulu ebakisami na bomoi na bino.

Na Bomoi na Bino.

Lokola Mokambi Russell M. Nelson ateyaki biso “toyokemeli” ntango tozali koyoka mpe kolanda mateya tozali kozwa uta na Nkolo mpe basali na Ye. Nini bokoki kosala mpo na koyokemela malamu mingi maloba ya Nkolo na bomoi na bino?

© 2020 by Intellectual Reserve, Inc. All rights reserved. Ebetami na USA. Bondimami na lokota ya Angele: 6/19. Bondimami ya bobongoli: 6/19. Bobongoli ya Monthly For the Strength of Youth Message, January 2021. Language. 17463 000