Rongorongo Ibukin Kakorakoraia Kairake ni Katoa Namakaina, Beberuare 2021

N na kanga n ataia bwa I ongo bwanaan te Uea inanon maiu?

Beretitenti Russell M. Nelson e kaoira bwa ti na “iango mwaaka ao n taainako” n arora n ongo iroun Iesu Kristo ao n ”anai kawai n te aro are ti na kona n ongo raoi riki Irouna ao n taainako” (“‘Ko kanga Ngkoe #Ongo Irouna?’ Te Kakao ae Onoti,” Beb. 26, 2020, blog.ChurchofJesusChrist.org).

Ti kona n ongo Irouna rinanon booki aika tabu ao n aia taeka burabeti. Ma tiaki tii te ongora ke man warekan taeka akanne ae bon anne te king. Rinanon te Burabeti, Iotebwa Timiti, te Uea e kabwarabwaraa:

“Bon bwanaau are e taekini [taeka aikai] nakoimi; bwa kam anganaki au jtaeka ma iiroun Tamneiu …;

“Mangaia are, kam kona ni kakoaua bwa kam a tia n ongo bwanaau”(Reirei ao Berita aika Tabu18:35–36).

Ni ikotaki ma anne, kakaean te ongo Irouna bon tiaki te bwai are ti karaoia ni kabaitii. Beretitenti Nelson e taku, “E tangira te atatai ao te reitinako ni karaoaia” (“Ongo Irouna” Apr. 2020 maungatabu ni kabuta [Ensign ke Riaona, May 2020, 89]).

Ngkai kam kamatebwai, tataro, ni beku, ao n ongeaba nakon ana tua te Uea, E na kakabwaiai ngkami n Tamneina ao, rinanon Ana mwakuri ni Kamaiu Iesu Kristo, e na bitiko. Ngkanne ko a ataia bwa ko a tia n ongo Bwanana.

© 2021 iroun Intellectual Reserve, Inc. A bane n tauaki mwiin taian kariaia ibukin katootongana. Boretiaki i USA. Kariaiakaki n te Ingiriti: 6/19. Kariaiakaki rairana: 6/19. Rairan te Monthly For the Strength of Youth Message, February 2021. Kiribati. 17464 859