“Kuv yuav ua li cas paub tias kuv hnov tus Tswv lub suab hauv kuv lub neej?” For the Strength of Youth, Ob Hlis Ntuj 2021, 29.
Zaj Lus hauv For the Strength of Youth Txhua Hli, Ob Hlis Ntuj 2021
Kuv yuav ua li cas paub tias kuv hnov tus Tswv lub suab hauv kuv lub neej?
Thawj Tswj Hwm Russell M. Nelson tau hais kom peb “xav xav ntau zaus” txog qhov uas peb hnov Yexus Khetos li cas thiab kom peb “ua tej yam mloog tau Nws zoo ntxiv thiab mloog Nws ntau ntxiv” (“‘How Do You #HearHim?’ A Special Invitation,” Ob Hlis Ntuj 26, 2020, blog.ChurchofJesusChrist.org).
Peb hnov tau Nws los ntawm cov vaj lug kub thiab cov yaj saub tej lus. Tiam sis qhov tseem ceeb tsis yog qhov peb hnov los sis nyeem tej lus ntawd xwb. Dhau los ntawm tus Yaj Saub Joseph Smith, tus Tswv piav hais tias:
“Twb yog kuv lub suab uas hais tej [lus] no rau nej; vim tau muab tej no rau nej los ntawm kuv tus Ntsuj Plig … ;
“Yog li ntawd, nej muaj peev xwm ua tim khawv tias nej tau hnov kuv lub suab, thiab paub kuv tej lus” (Lus Qhuab Qhia thiab Kev Khi Lus 18:35–36).
Tsis tas li ntawd xwb, qhov uas peb xav hnov Nws hais lus yog ib yam uas peb ua tsawg tsawg xwb. Thawj Tswj Hwm Nelson tau hais tias, “Yuav tsum rau siab txhua hnub kom muaj Nws tej lus” (“Mloog Nws Hais,” Plaub Hlis Ntuj 2020 lub tuam rooj sab laj [Ensign los sis Liahona, Tsib Hlis Ntuj 2020, 89])
Thaum nej kawm ntawv, thov Vajtswv, teev tiam Nws, pab lwm tus, thiab mloog tus Tswv tej lus txib, Nws yuav foom koob hmoov rau nej los ntawm Nws tus Ntsuj Plig, thiab, los ntawm Yexus Khetos txoj Kev Theej Txhoj, Nws yuav hloov koj lub siab. Ces koj yuav paub tias koj tau hnov Nws lub suab.
© 2021 los ntawm Intellectual Reserve, Inc. Ceev txhua txoj cai. Luam tawm hauv Teb Chaws Amelikas. Pub luam tawm ua lus Akiv: 6/19. Pub txhais ua lus Hmoob: 6/19. Kev txhais Monthly For the Strength of Youth Message, February 2021. Hmong. 17464 295