“Kev Tshwm Sim uas Tsis Tu,” For the Strength of Youth, Peb Hlis Ntuj 2021, 16.
Zaj Lus hauv For the Strength of Youth Txhua Hli, Peb Hlis Ntuj 2021
Kev Tshwm Sim uas Tsis Tu
Los ntawm zaj lus hauv lub tuam rooj sab laj thaum lub Plaub Hlis Ntuj xyoo 2020.
Kev kos duab los ntawm Ben Simonsen
Tus Yaj Saub Joseph Smith tau txais kev tshwm sim ntxiv rau kev tshwm sim. Muaj ntau yam kev tshwm sim uas tus Yaj Saub Joseph tau txais nyob hauv phau Lus Qhuab Qhia thiab Kev Khi Lus.
Tsis tas li ntawd, peb tau koob hmoov vim muaj kev tshwm sim tsis tu tsis tseg uas pub rau cov yaj saub uas muaj txoj sia nyob uas “tus Tswv sawv cev uas tau txoj cai hais lus rau Nws.”1
Kev tshwm sim los kuj yuav muab rau txhua tus uas txo hwj chim xav tau tus Tswv coj lawv. Yeej tseem ceeb npaum li cov yaj saub tej kev tshwm sim.
Kev tshwm sim yeej yog tej yam tseeb ntawm sab ntsuj plig uas yus txais los ntawm tus Vaj Ntsuj Plig Dawb Huv. Tus Vaj Ntsuj Plig Dawb Huv yog tus uas qhia thiab ua tim khawv txog txhua yam tseeb, qhov tseem ceeb yog hais txog tus Cawm Seej. Yog tsis muaj tus Vaj Ntsuj Plig Dawb Huv, peb yuav tsis paub tias Yexus yog tus Khetos. Nws txoj hauj lwm tseem ceeb tshaj yog kom ua tim khawv txog Leej Txiv thiab Leej Tub thiab Nkawd lub npe thiab Nkawd lub yeeb koob.
Kuv qhia tseeb rau nej tias peb txhua tus txais tau kev tshwm sim thaum peb txo hwj chim ua hauj lwm hauv tus Tswv lub vaj txiv hmab.
Kuv txo hwj chim thov Vajtswv tias peb txhua tus yuav nrhiav kev tshwm sim ntxiv kom coj peb lub neej thiab ua raws il tus Ntsuj Plig thaum peb teev tiam Vajtswv Leej Txiv thiab peb tus Cawm Seej, Yexus Khetos.
© 2021 los ntawm Intellectual Reserve, Inc. Ceev txhua txoj cai. Luam tawm hauv Teb Chaws Amelikas. Pub luam tawm ua lus Akiv: 6/19. Pub txhais ua lus Hmoob: 6/19. Kev txhais Monthly For the Strength of Youth Message, March 2021. Hmong 17466 295