“Agtultuloy a Paltiing,” Para iti Pigsa dagiti Agtutubo, Mar. 2021, 16.
Binulan a Mensahe iti Para iti Pigsa dagiti Agtutubo , Marso 2021
Agtultuloy a Paltiing
Manipud iti mensahe iti Abril 2020 sapasap a komperensia.
Panangiladawan ni Ben Simonsen
Inawat ni Propeta Joseph Smith ti adu a paltiing. Adu a paltiing nga inawat ni Propeta Joseph ti nataginayon para kadatayo iti Doktrina ken Katulagan.
Mainayon pay, naparaburantayo iti agtultuloy a paltiing kadagiti sibibiag a propeta a “nabilin nga agtignay ti Apo, a napusgan nga agsao para Kenkuana.”1
Sidadaan pay a magun-od ti personal a paltiing iti amin a sipapakumbaba nga agkiddaw iti pannarabay manipud iti Apo. Napateg daytoy kas iti paltiing ti propeta.
Maibatay kadagiti naespirituan a kinapudno a naawat manipud iti Espiritu Santo ti personal a paltiing. Ti Espiritu Santo ti mamaltiing ken mamaneknek iti amin a kinapudno, nangnangruna iti dayta maipapan iti Mangisalakan. No awan ti Espiritu Santo, ditayo talaga maammuan a ni Jesus ti Cristo. Ti seminal nga akemna ti mangpaneknek iti Ama ken ti Anak ken dagiti tituloda ken ti dayagda.
Ipanamnamak kadakayo a ti naipaltiing a pannarabay mabalin a maawat ti tunggal maysa kadatayo no sipapakumbaba nga agtrabahotayo iti bangkag ti Apo.
Napakumbaba a pakaasik nga agkalikagum ti tunggal maysa kadatayo a manggun-odto iti agtultuloy a paltiing a mangiwanwan iti biagtayo ken mangsurot iti Espiritu bayat ti panagdaydayawtayo iti Dios nga Ama ken ti Mangisalakantayo, ni Jesucristo.
© 2021 ti Intellectual Reserve, Inc. All rights reserved. Naimaldit iti EUA. Pannakaanamongna iti Ingles: 6/19. Pannakaanamongna a maipatarus: 6/19. Pannakaipatarus ti Monthly For the Strength of Youth Message, March 2021. Ilokano. 17466 864