“A Fiti emon Anuon an Angasano ewe Sopw,” Ren Pochokunen Serafo, Apr. 2021, 10–11.
Iteiten maram Ren Pochokunen SerafoPorous, April 2021
A Fiti emon Anuon epwe Angasano ewe Sopw
Tom Fanene 12 chok ierin, nge nupwen eu waten semwen epwe tori sopwunwe non Samoa, a koko ngeni eu watten mettoch.
Sassing seni James Madsen; sassing seni Getty Images
Usun met itenapen sarafo non ei ier a apasa, en “ewe nongonongen ewe waten angang” (Doctrine and Covenants 64:33). Unusen ewe uruon Mwichefen, ekkewe serafo ra soun fori eu auchean wis non fansoun weires ne auweta ewe muun Kot. Iei ew awewe.
Semwenin Fonu
Nuseni 100 ier ano, non fonuwen Samoa seni ewe Setin Pacific, emon anuon itan Tom Fanene a fokkun aninisoch non ena fansoun nenfinen manau-me-mano ren memeprun ewe Mwichefenin Jises Kraist ren Aramas mi Pin non Fansoun Soponon.
Tom a nom non ewe sopw itan Sauniatu, ewe ie ekkewe Aramas mi Pin non Fansoun Soponon ra chufengen ian me forata eu choo. Usun chok Souneng noun Kot non ekkoch fansoun me neni, ra kuna sosot pwan manaman nupwen ra angang fengen ne auweta ewe muun Kot. Eu sosot a torir non 1981, nupwen ewe semwen a tori ewe sopw.
Nupwen chok ewe semwen a torir, amen wesen wate, me mwitir ne paras. A ukukun 400 chon non ewe sopw ra apwangapwang fetan ngeni mano pokiten ei semwen. Ruemon chok me neir ra tufichin ekis pochokun ne fein fetan: emon mwan chinap me ewe anuon Tom 12 ierin.
Nuku me Angang Weires
An Tom we famini ra aea ar nuku ne pwaracho ngeni ewe semwen me mwan me ra kuna waten manaman. Pwin Tom we kukun Ailama a semwen non ekkoch ier me mwan. Semer we, Elisala, a tan me angei eu tichikin emwen ren met epwe fori an epwe tumunu Ailama: epwe kuta ewe ira wili-wili, etika ekkoch unuchan, me pwonau chonun. Elisala a fori ei me a uwei ewe chonun ngeni Ailama, ewe a unumi mwirin chok a chikar. Iwe Tom a kuna usun angangen nuku an epwe tongeni echikara kich seni semwen.
Non ewe 1918 fansoun semwen, Tom a anganga an nuku nupwen a angang weires ne tumunu ekkewe aramas non ewe sopw. “Iteiten nesosor ua ne ngeni eu me eu imw ai upwe amongoni me nimeti ekkewe aramas me katon ion a mano,” A apasa.
A etifi eu pwekiten konik seni eu nenien konik me uweiano ngeni eu me eu ekkewe imw. A toki ekkewe nuu, ne kinikin nuu, a fana, me sukir ne ioni chonun pwe unumen ekkewe mi semwen. A pwan ni meinisin chun ewe sopw ne fori sup pwe unumen eu me eu ekkewe famini.
Fori eu Ekesiwin
Non ei pandemic, a ukukun eu-ruanu aramas meinisin non Samoa ra mano ren ewe semwen. Ekkoch aramas non sopwun Tom we ra pwan mano. Tom a tu ekkoch pwang iwe a irereno ra nap seni 20, pachenong saman we, Elisala.
Nge kinisou ngeni Tom ren an angang weires me tumunun tong, chommong aramas me non sopwun we ra manau. A fori eu waten ekesiwin ngeni ekkewe aramas me ngeni ewe koutan ewe muun Kot non Samoa. A “fori ewe nongonongun waten angang.”
Me non pusin om, en mi pwan fori.
Enip kosapw koko ngeni ewe sokun angang mine Tom a fori, nge en mi, non ennetin, anganga om nuku non ekkoch aan mine epwe eu waten ekesiwin ngonuk, ngeni ekkoch, me ngeni ewe angangen kautan ewe muun Kot.
Kopwe eu nenien apiru ngeni om ewe famini, chiechiom, me ekkoch ren om angang och, nikitu, aramas och, me tong. Om angang ngeni ekkoch. Om achocho ne anea pukefen me iotek. Om afanafana ewe ennet ren ewe niwisefaniton ewe kapas allimen Jises Kraist.
Non ekkei ier ano, chommong me neimi opwe fori ekkei ren ami nikitu ngeni ei riafou ren ei pandemic. Enip kosapw etit konik me kinikin nuu me tumunu 400 aramas ar repwe pochokun, nge en mi oururu aramas, epinukunuk, pwapwa, me kinamwe non ekkoch chommong aan.
Ese pwan nifinifin ika mwoierum mi chok kukun nap seni om nuku me mochen angang me anisi ekkoch. Awewe seni ekkewe fansoun nom, usun Tom Fanene, a tongeni anisuk om kopwe kuna pwe ka auchea om kopwe fori ewe nongonongen an Kot we angang mi murino.
© 2021 seni Intellectual Reserve, Inc. Meinisin pung mi kawor. A för non Merika. Kapungunon non fosun Merika: 6/19. Kapungunon chiakun: 6/19. Chiakun Monthly For the Strength of Youth Message, April 2021. Chuukese. 17467 901.