“Thingari t’uf Pagal ni Ayuweg e Binaw Rok,” Fan ko Gelngin e Pi’in ni Fal’ Yangren, Apr. 2021, 10–11
Mulwol ni Fan ko Gelngin e Pi’in ni Fal’ Yangren ko, April 2021
Thingari t’uf Buchi Pagal ni Ayuweg e Binaw Rok
Tom Fanene ni ragag nge l’agruw e duw rok, napan ni yib fare m’ar ko binaw rok u Samoa, min yol’og ni nge rrin’ bugi banan nib mangil.
Ke dag ya’an i James Madsen; sassing ni ke yib ko Getty Images
Mulwol ko biney e duw ni fan ngak e fal’yangren e be ga’ar, “toy fare def ko ba murwel ni rib mangil” (Doctrine and Covenants 64:33). Ko ga’angin cheppin e Galasia, gidii’ nib fal’yangren e bo’or yay ni ma pi’ e ayuw ko murwel ni ngan toy gul’ilungun Got. Ba’aray reb kanawo’en.
M’ar ni yib nga ba Donguuch
Go napan ra’ay e duw kafram, fare Donguuch u Samoa ni bay ulan e Pacific Ocean, bay buchi pagal riy ni ka nog i Tom Fanene ngak ni pi’ e ayuw nib gel ngak pi Gidii’en Fare Galasia ku Yesus Kristus ni Fan ko Gidii’en Got ko Tin Tomur e Rran.
Tom e i par ulan bangi binaw ni ka nog u Sauniatu ngay, ni ireram e gin ni ke dugliy Gidii’en e Galasia ni ngar gak gaed ngay ni ngar mu’ulungaed u ta’abang. Ku wod pi Gidii’en Got nib thil e gin ni buch riy fa ngiyal’ riy, ke yib e gafgow ngoraed nge ma’ang’ang ko napan ni yaed be toy gul’ilungun Got u ta’abang. Biney e gafgow e yib ko 1918, napan ni yib fare m’ar ko influenza ngalan fare binaw.
Napan ni yibi taw fare m’ar, ma rib gel e gafgow ntay, me garar ni rib alamrin mab papay. Ma urngin e gidii’ nib gaman e 400 nima par ulan fare binaw e aw nga bet ni bachan e re m’ar ney. Ma karimus ni in ni yaed e kab fel’ rogon ni be yag ni be mithmith: ban nib mo’on nge buchi pagal ni ragag nge l’agruw e duw rok ni ka nog i Tom ngak.
Mich nge Murwel nib Gel
Tabinaw rok Tom e kar gayed rogon e mich ni ke gel ni bachan e m’ar ni yib ngalan e tabinaw roraed ko som’on nge ma’ang’ang ni kar guyed. Walagen Tom nib bitir ngak ni buchi pagal ni ka nog i Ailama ngak e m’ar in a duw kafram. Chitamanginraed, ni ka nog i Elisala ngak, e lik’ay nag rogon ni nge rrin’ me ayuweg Ailama: gay bake gek’iy ni floras riy e wod ya’an e sakura, mag luf biyang u kenggin, mug pirdi’iy nge yib logwen. I rrin’ Elisala e ran’ey me fek logwen i yib ngak Ailama, ni n’um me de n’uw napan ngay me gol. Ere ke guy Tom rogon nran rrin’ u fithik e mich ma rayag ni ngan gel ko m’ar.
Napan e 1918 ni bay e re m’ar ney ko influenza, Tom e rrin’ ni wod rogon e mich rok nge ayuweg fapi gidii’ ulan farengi binaw. “Gubin e kadbul mug waen u mit e na’un nggu pi’ ggan e gidii’ mu gu pi’ e ayuw u tabinaw mu guy ko mini’ e ke yim,” ni yog.
Ma fek e ran u luputh ulan e bakit ngabi pi’ ngak e tabinaw ni gubin. Ma fil e uchub, fa yi’og, me fathiy keru’, me bing nge fek e loguwen e uchub riy nge pi’ ngak e gidii’ nib m’ar. Ma ki lii’ gubin e nimen ulan farengi binaw nge fal’ag e tham’ag riy nra reb ma fan ngak reb e tabinaw.
Ngongliy ninge Mon’og
Napan e ngiyal’ ko re m’ar ney, go napan ta’areb ko aningeg e gidii’ ni yim’ u Samoa ni bachan e re m’ar ney ko influenza. Boch e gidii’ ulan fare binaw ku Tom e yim’. Tom e pi’ e ayuw ko mi ker low me ke’yag go napan ril’iw fa boch e gidii’, nib mu’un e chitamangin ngay, Elisala.
Machane bachan e murwel rok Tom nib gel nge tu’ufeg rok, bo’or fapi gidii’ ulan fare binaw ni gol. Ke gol nag e pi gidii’ ney ma ke pi’ e ayuw ngak ni be toy gul’ilungun Somoel u Somoa. Ke pi’ e ayuw ko “toy fare def ko ba murwel ni rib mangil.”
Ka en nge gur, ko rogon ni gabe pi’ e ayuw riy.
Sana dabin pinngem ngam rrin’ e tin ni ke rrin’ Tom, machane, i gur, e rayag ni ngam mithmith nag fare nich rom nib thil ni fan ngom, fan ngak e gidii’, fa fan ko murwel ni ngan toy gul’ilungun Got.
Gabe dag fare wo’ nib mangil ngak e tabinaw rom, pi tafagar rom, nge ku boch e gidii’ ni gabe dag e tin nib machalbog, gumaen’, munguy, nge tu’ufeg ngoraed. Gabe pigpig ngak e gidii’. Gabe fil fapi thin nib thothup ma gabe meybil. Gabe weliy e tin nib riyul’ ni mornga’agen fare gospel rok Yesus Kristus nike sulyarmen.
Napan e biney e duw nike thumur, oren ni gamaed e ke rrin’ e biney ko napan ni yib fare m’ar. Sana dawrum fek e ran nge uchub ma kam ayuweg 400 e gidii’ nge gol, machane kam pi’ e ayuw ko gidii’ ni ngar thamiyed e, athap, falfalaen’, nge gapas nib thil rogon.
Duw rom e dani ga’fan ko mich rom nge rogon ni ga ba’adag ni ngam murwel ni ngam pigpig ngak e gidii’. Wod e biney, i Tom Fanene, e ke dag ngom kam guy ni ayuw rom e btu’uf ko fare mitoy def ko fare murwel rok Got ni rib mangil.
© 2021 ko Intellectual Reserve, Inc. Gubin ma bay mat’won. Kan yoloey u Mariken. Kan micheg nag ko thin nu Ngalis: 6/19. Micheg i pilyeg: 6/19. Pilyeg ko Mulwol ni Fan ko Gelngin e Pi’in ni Fal’ Yangren, April 2021. Yapese.17467 905.