“Nso Ke Andinyanga Nnyin Akanam Ono Nnyin?,” Kabanga Nsongidem eke Iwaad, Ofiong May 2021.
Ikpehe mme Enyene Itie Oku
Nso Ke Andinyanga Nnyin Akanam Ono Nnyin?
Esisit esiode
Nso ke Jesus Christ akanam ono nnyin owo kiet-kiet? Enye amanam kpukpru nkpo edide akpan ke isang nnyin kini uwem emi ndika akanga emi esinede ke uduak Ete nnyin eke Heaven. Ami nyeting mbanga inang kotu mme nkpo uduak oro. …
Eriset ke mkpa ono nnyin mbufiok ye odudu ndiyo ke mme idomo ikutde kuwem nnyin kiet kiet ye eke mbon ima nnyin. Ono nnyin obufa ndaha ndikut ikpokidem, nkike, mme unana ekikere inyenede ke emana me emi inyenede kini uwem emi. Enye ono nnyin ukeme ndiyo mfuho, edikpu, ye mme nditaba.
Eriset nko ono nnyin akamba nkpo kabanga ndinim mme item Abasi kini uwem isong emi. …
Andinyanga ye Andifak nnyin oyo akwa ndutuhore ke ndidi uwa nno idiok nkpo man mbon oro edude uwem ekeme ndikabare esit. Uwa usio isop emi ono ata eti, eyen erong minyeneke ndo, ke ata udomo idiok, idioknkpo ofuri ererimbot. …
… Jesus ama ekpeb nnyin uduak erinyanga ukpong. Uduak emi esine Obot, ntak uwem, ntak ndinyene ubine, ye eno edimek ke idem. Enye nko ama ekpep nnyin mme mbet ye ediomi anade nte nnyin ikpono ye ndutim anade nte inyene emi edimende nnyin ifiak isok ete ye eka nnyin eke heaven. …
Andinyanga nnyin okop onyung ofiok mme idomo nnyin, osongo-ukeme nnyin, ubiak-esit nnyin, ye mme ndutuho nnyin, koro Enye ama enyime ɔyɔ mmɔ kpukpru nte kiet ke otu Erisio-isop Esie. … Kpukpru emi ekopde ndutugho uwem emi ana eti ete ke Andinyanga nnyin ama okop oruk ubiak oro nko, nko otode ke Uwa erisio isop Esie, Enye ono nnyin kiet kiet ukeme ndiyo enye.