“Magustuak a Makita ti Templo,” Para iti Pigsa dagiti Agtutubo, Mayo 2021.
Sesion iti Bigat ti Sabado
Magustuak a Makita ti Templo
Naadaw
Ammok a nasantuan a lugar dagiti templo ti Apo. Panggepko ita iti panangisaritak kadagiti templo ti mangpadakkel iti tarigagaytayo a maikari ken nakasagana para kadagiti napadakkel a gundaway para iti padpadas iti templo nga umay kadatayo. …
No dakayo wenno siak ti mapan iti templo a di naan-anay a natarnaw, ditayo makita, babaen ti bileg ti Espiritu Santo, ti naespirituan a sursuro maipapan iti Mangisalakan a mabalintayo nga awaten iti templo.
No maikaritayo nga umawat iti kasta a sursuro, adda mapadur-as babaen ti padas iti templo a namnana, rag-o, ken panangnamnama iti nasayaat iti unos ti biagtayo. Magun-od dayta a namnama, rag-o, ken panangnamnama iti nasayaat laeng babaen ti panangawat kadagiti ordinansa a maannong iti nasantuan a templo. Iti uneg ti templo a makaawattayo iti pammatalged dagiti naayat a koneksion ti pamilia nga agtultuloyto kalpasan ti ipapatay ken agpaut iti kinaagnanayon. …
… Ken ammotayo nga agpannuray ti agnanayon a ragsaktayo iti panangaramidtayo iti kasayaatan a mangidiaya iti kasta met la a napaut a ragsak iti kas kaadu a kabagiantayo agingga a kabaelantayo.
Mariknak dayta met la a tarigagay nga agballigi iti panangawis kadagiti sibibiag a miembro ti pamilia nga agtarigagay a maikari nga umawat ken mangdayaw kadagiti pangilantip nga ordinansa ti templo. Paset dayta ti naikari a panaguummong ti Israel kadagiti maudi nga aldaw iti agsumbangir a belo.