Mukenji wa ku Ngondo wa Liahona Ngondo Muitanu 2021
Kilisto Mmubika; Ditabuja mu Yeya Didi Ditentemuna Mikuna
Ditabuja mu Yezu Kilisto didi bukola bunene kutudi mu matuku etu a moyo Bintu bionso bidi bikubana kudi aba badi bitabuja.
Bananga banyi baluma ne bakaji, ndi ne disanka bua kuakula nenu mu Dialumingu edi dia Pasaka.1 Mulambu ewu wa bupikudi ne dibika dia Yezu Kilisto ku lufu bidi bikudimuna muntu yonso bua kashidi. Tudi bamunanga ne bikala ne tshivulukilu mua kumusambila yeya ne Tatu wetu wa mu Diulu.
Mu ngondo isambombo mishala eyi, tuvua bikala batunguluka ne kuluangana ne tshipupu tshia bulomba bujima. Ndi muikala ne disanka bua mushindu ne makanda enu a mu nyuma kumpala kua disama, madilu, ne lutatu lua kushala nkaya. Ndi nsambila bikola bua, kupitshila ku bionso ebi numvua dinanga dia Mukalenga buenu. Panuikala bandamuna ku ntantu yenu bu bayidi bashindama, tshidimu tshishala etshi katshiena mua kuikala tshipita tshianana.
Mu dinda emu, tudi bateleja balombodi ba Ekelezia bumbukila ku nseka yonso ya buloba ne bisamba. Bulelela, mabenesha a lumu luimpa adi bua dikoba, muakulu, ne bantu bonso. Ekelezia wa Yezu Kilisto ngua buloba bujima . Yezu Kilisto ki mfumu wetu.
Diakalenga, tshipupu ki tshikubana bua kupangisha luendu lua bulelela. Lumu luimpe lua Yezu Kilisto ke ludi buloba ebu bua tunyinganyinga, ntatu, ne bilumbu,buikala natshi dijinga.
Muana yonso wa Nzambi udi mukumbana pende mua kupeta tshipolo tshia kunvua ne kuitaba mukenji wa londopu, ne busungidi bua Yezu kilisto. Kakuena mukenji mukuabo wa mushinga bua disanka dietu mpindiewu ne tshiendelela.2 Kakuena mukenji mukuabu udi muikala ne ditekemena. Kakuena mukenji mukuabu udi mua kujikija matandu mu nsombelu yetu.
Ditabuja mu Yezu Kilisto didi nshindamenu wa bonso badi bitabuja ne njila wa bukola bua ku diulu. Bua mu Postolo Polu,“Pikalaku kakuyi ditabuja muntu kena muakusankisha Nzambi; budi nabu bua kumanya yonso udi uya kudi Nzambi udi mufutshi wa bonso badi ba mukeba.”3
Bintu bionso bimpa bia mu muyo, mabenesha onso a tshiendelela, adi abanga ne ditabuja. Kuitabuja bua Nzambi akokesha mu matuku etu a moyo bidi bibanga ne ditabuja didiyi ujinga bua kutulombola. Ditonda didi dibanga ne kuitabuja Yezu Kilisto ne udi ne bukole bua kutukezula, kutondopa ne kutukolesha.4
“Kuvidi bukola bua Nzambi to,”muambi Molone wakamba ne,“kadi udi wenza ne bukola, kupitshila ku ditabuja dia bana ba bantu.”5 Didi ditabuja dietu didi dikangula bukola bua Nzambi mu moyi muetu.
Kadi, kuteka kua ditabuja mutshienzedi kudi kumueka kukola. Bidi muakufika mua kudikonka ne tudi ne ditabuja dikubana bua kupeta mabenesha a tudi nawu dijinga. Kadi, Mukalenga muikala utalaja bowa ebu ku meyi mamba mu mukanda wa Molomo kudi muambi Alama.
Alama udi utulomba mua kuteta kuenzela mu tshienzedi diyi ne “kuenzela katupa kakesa ka ditabuja nansha katuyi ne dijinga dia kuitaba.”6 Muaku ewu “katupa kakesa ka ditabuja” udi unvuluija mulayi ewu wa Mukalanga wa mu mukanda wa Nzambi ne tuetu bikala ne ditabuja bu luteta lua seneve,” netuambila “mukuna ewu, umbuka muabewu;ne neumbuka; kakuena tshintu tshia [nukolela] to.”7
Mukalenga udi umvua buteketa buetu bua mubidi. Tutu tuenza mibi minga misangu. Kadi mumanya kabidi makanda etu. Luteta lua seneve ndukesa, kadi ludi lulua mutshi munena bua nyunyi kuasa masua mu matamba awu. Luteta lua seneve ludi luleja bukesa kadi lukolesha ditabuja.8
Mukalenga kena ulomba ditabuja dijalame kutudi bua tetu kupeta bukola buenda bujalame . kadi udi utulomba bua kuitabuja.
Bananga balume ne bakaji,dibikila dianyi kunudi mudinda edi dia Pasaka ndia kubangila ku lelu bua kubandisha ditabuja dienu. Kupitshila ku ditabuja dienu, Yesu Kilisto neabandishe bukola buenu bwa kutentemuna mikuna mu matuku enu a moyo,9 nansha ntatu yenu mikala minene bu mukuna wa Eveleste.
Mikuna yenu idi mua kuikala kudiunvua nkayeba, mpata, masama eshi malu ankaya. Mikuna yenu neyikala mivule kadi, diandamuna ku ntatu yenu didi ne dikolesha ditabuja dienu. Bidi bilomba mudimu. Balongi ba lulengu ne bayidi bashadile ne bikala ne lutatu lukola bua kuikala nansha ne katupa kakesa ka ditabuja.
Kuenza kua tshitu bimpa kudi kulomba tshisumi. Kulua muyidi mulela wa Yezu Kilisto kakuena kuenza dishintuluka nansha. Kukolesha ditabuja dienu ne dituishibua mu yeya bidi bilomba tshisumi. Ndi nduleja mishindu itanu idi mua kunuambuluisha bua kukolesha ditabuja ne dituishibua
Tshiakumpala, longa. Ikala mulonyi wa tshisumi. Dibuika mu mifundu bua kumvua bimpa kipatshila ka Kilisto ne mudimu wenda. Manya dilongesha dia Kilisto nanku diumvua ne dikala bukola mu moyo wenu. Teyayi ntema bua bulelela bua lupandu lua Yezu Kilisto luikala kunudi. Wakangata yeya nkayenda makenga enu, mapanga enu, buteketa buenu, ne mibi yenu. Wakafuta mushinga wa kalolu ne kufila bukola bua nutentemuna mikuna yonso inua peta. Bukola ebu nudi nubupeta ku ditabuja dienu, dituishibua, ne ku dimulonda dienu.
Ditentemuna dia mikuna yenu didi dilomba tshishima. Longa pa bishima. Bishima bidi biennzeka kupitshila ku ditabuja dietu mu Mukalenga. Nshindamenu wa ditabuja udi dituishibua dia ngasa ne diba Bienda—mushindu ne diba kayi diatubeneshaye ne diambuluisha dia bishima diudi ujinga. Anu bua kubengauitaba kuenu nekuenza bua Nzambi kanupeshi bishima bia kutentemuna mikuna mu matuku a moyo wenu.10
Misangu mivule neulonga bwa Mupandishi, tsia mushinga nku muitabija bwa lusa luenda, bwa dinanga dienda dinene, ne makande a londopu, ne bukola bua busungidi. Mukalenga utu muikala pabuipi nenu panutu bikala nubanda mukuna ne ditabuja.
Bualu buibidi, sungula bwa kuitaba Yezu Kilisto. Adi muikala ne mpata bwa Nzambi Tatu ne Muanende Musuibwe nanha bwa dibika dia kulufu eshi bwa dibikidibua dia Joseph Smith bu muambi, sungula bua kuitabija11 shala mulamata. Ela Mukalenga lukonku lueba ne keba mishindu mikuambo ya ditabuja. Longa ne kipatshila ka kuitaba lekela dikeba dia tshilema mu buikadiangane bua muambi nansha dishilangana dia malu mu mifundu. lekela dikolesha dia mpata ne kudi fuanyikiji ne aba badi ne mpata. Anyisha bua Mukalenga akulombola mu luendu lueba lua dikeba ne nyuma.
Tshisatu, Enza ne ditabuja. Tshinyi tshiudi muakuenza paudi udi ne ditabuja divula? Ela meji. Ubifunda. Nanku neupeta ditabuja dikola mudienza tshitu tshikuabo tshidi tshilomba ditabuja dikola.
Tshinayi, enza milulu misantu mu buakana. Milulu idi ikangula bukola bua Nzambi bwa moyo weba.12
ne tshitanu, lomba Tatu weba wa Mudiulu,mudina dia Yezu Kilisto bwa diambuluisha.
Ditabuja didi dilomba mudimu. Dipeta dia dibuluidibua didi dilomba mudimu. Kadi “ewu yonso wa lomba ne a peta; ne ewu udi ukeba ne apeta; ne ewu wa kokola ne ba munzuluiae.”13 Nzambi mumanya tshidi mua kuambuluisha ditabuja dienu bua kutanta. Lomba ne lomba kabidi.
Mpanganu udi muakuamba ne ditabuja dia bafubala. Kadi dijadika edi dipua muoyo bukola bua ditabuja. Bapostolu ba Mupandishi ba katunguluka kulongesha dilongesha Dienda panyima pa lufu Luenda, bakashipibua, bu biobio bikala ne bavua bamuela mpata?14 Joseph ne Hyrum Smith bakenga mu lufu lua dipanda mu kuluila Ekelezia wa Mukalenga muibakulula kintshianana to bavua bikala ne bujadiki ne bulelela. Basantu batua ku 2000 bafua bu babangi15 kadi bu bobu kabayi ne ditabuja mu lumu luimpe lua Yezu Kilisto luenzulula? Bushuwa, ditabuja didi dikala bukola budi bukubana bwa aba badi bikala kabayi ne makanda a kuenza bualu.
kanupetudi ditabuja dinudi nadi to. Bidi bikengela ditabuja bua kubuela mu Ekelezia nekuikala ne lulamatu. Bidi bikengela ditabuja bwa kulonda bambi eshi muenenu wabo bua bantu. Bidi bikengela ditabuja bwa kuenza bukenji mukatshi mua tshipupu. Bidi bikengela ditabuja bwa kuikala munonoka padi matunga mikala elanga ne mukenji ewu wa Nzambi kenguapanu. Bidi bikengela ditabuja bua kulongesha bana lumu luimpe mu matunga a malu makola. Bidi bikengela ditabuja bua kusambila bua londopu lua muanetu bidi bikengela ditabuja dikola bua kuitaba diandamuna dibi.
Kukadi bidimi bibidi mpidiewu, Muanetu mukaji Nelson ne mema baya mu Samoa,Tonga, Fiji, ne mu Tahiti. Matunga onso aa mapeta mvula mikola milokibua. Bidimba bia kenza tshijila ne kulomba bua nsangilu ivua mikala yenzekela mpabelu ikala mikubibua ku mvula.
Mu Samoa, Fiji ne mu Tahiti pamue ne dibanga dia nsangilu, mvula wakakama. Kadi mu Tonga, mvula kakakama to . Basantu 13.000 baditabuja bavua balua kumpala kua diba bua kupeta muaba, bindila ne lutulu bua meba abidi a nsangilu.
Tuakamona ditabuja dikola mukatshi muabu—ditabuja dikubana dia kukamisha mvula.
Mikuna itudi tusambakana nayi kayena anu itentemuka ku dijinga dietu nasha. Kadi ditabuja dietu ne diya kumpala. Ditabuja nedikala dikola a tuikala batangila ku bukola bua mu diulu.
Bua lusa manyayi nunku: ikala bitu bionso ne binga mu buloba panudi bikala nuitaba bikala bapangila Yezu Kilisto ne Ekelezia kakunulekela to. Mukalenga kena ulala to, nansha ubungila16 Udi mumue makelela , lelu ne [malaba].”17 kakulekela ndondu wenda,18 milayi yenda nansha dinanga dienda kutudi. Udi wenza bishima lelu, ne neenza kabidi malaba.19
Ditabuja mu Yezu Kilisto tshidi bukola bunene buikala kutudi Bionso bidi bikala bikumbana kudi aba badi bitabija20
Dikola dienu dia mu ditabuja mu yeya ditentemuna mikuna —ki mikuna ya mabua idi mikala ilengeja buloba nansha, kadi mikuna ya makenga mu muoyo wenu. Ditabuja dilenga nedinuambuluisha bua kuandamuna ku malu makola alua mpunga wa diya kumpala.
Mu dituku edi dia Lumingu dia Pasaka, ne dimvua dianyi dia dinanga, ndi njadika ne Yesu Kilisto mmubika. Mmubika bua kulombola Ekelezia Wenda. Mmubika bua kubenesha bana bonso ba Nzambi, miaba yonso idibu. Mu ditabuja mu Yeya, tudi mua kutentemuna mikuna. Ndi njadika nunku mu dina dia Yesu Kilisto, amen.
© 2021 kudi Intellectual Reserve, Inc. All rights reserved. Mupatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly Liahona Message, April 2021. Tshiluba. 15056 760
Miaba ya bindidimbi