“Ndiyom Ukeme man Efen-ono,” Kabaŋa Nsoŋonda eke Iwaad June 2021, 10–11.
Di, Tiene Mi
Ndiyom Ukeme man Efen-ono
Jehovah omowuk nnyin ete ifen-ino mbon efen. Enye eyenwam nnyin ndinim mme mbet Esie, kpa ye enye emi nko.
Uwutnkpo emi otode James Madsen
Ndi mme ubak ewuho esoŋ ndinam ekan eken?
Se mkpo kiet emi afinade ediwak owo mi ete: “Ami, Jehovah nyefen nno eke Ami ndifende nno, edi ana afo efen ono kpukpru owo” (Doctrine ye Covenants 64:10).
Bet. Ana nte nnyin ifen ino kpukpru owo ekeduede nnyin? Nte oro ekeme ndidi ntre?!
Edi nkpo kiet ke owo ndifen nno owo eke etiŋde idiok-iko nko adian fi mme nditie ke akpatre nkpo-itie ke okpokoro udia-mbubreyo. Kabaŋa mme ntotuŋo unan? Mme akamba ndudue emi ekemede ndibioŋo mme ndikpuho edu uwem nnyin?
Ke ubak-ini ukeme ke ndifen-nno owo emi ekenehede edue nnyin ekeme ndibe-ndaha nnyin.
Sese eti etop mi: Ye unwam eke Jesus Christ, akananam nnyin inyeneke adaŋa ke se nnyin ikemede ndinam ke idem nnyin.
Unwam Emi Enye Okoyomde
Ata-owo Abasi emi otode Netherlands ekerede Corrie ten Boom ama ebemiso odioŋo odudu emi odude ke ndibeŋe Abasi man anwam enye efen-ono owo kiet.
Enye ye eyeneka esie Betsy ekodu ke nkpokobi ke ini Ekong ofuri Ererimbot oyoho iba. Corrie ye mbon eken ema eyo ndutuho k’ubok mme ekpeme ufok mkpokobi eke Nazi. Betsy eyeneka esie akakpa ke ntak mfiomo oro. Corrie okosuho.
K’ini enwan ama ke okure, Corrie odioŋo odudu emi esinede ke edifen nno owo. Enye esiwak ndino etop esie k’otu owo. Edi k’usen kiet ema esin mme iko esie ke akakan udomo mkpo.
Oto se etiŋde k’otu owo, kiet kotu ata-idiok ekpeme nkpokobi owo kiet ama asanga-ekpere Corrie.
Enye odoho Corrie ete ke imo ima ikabare idi owo Abasi toŋo k’ini ekoŋ oro inyuŋ ikabare esit ibaŋa mme idioknkpo emi imo ikanamde nte ekpeme nkpokobi.
Enye anyan ubok esie onyuŋ odoho ete, “Ndi afo eyefen ono mi?”
Ke ofuri se enye ekekpepde onyuŋ eneme abaŋa edifen nno kiet eken, Corrie ikekemeke ndinyime ndikom owo kiet emi ubok nyuŋ mfen-nno enye—idihe ke idem esie, ke nte ededi.
Edikem enye ewet ete. “Nte ufiop-ufiop iyaresit, mme ekikere edisio usiene obopde ke esit mi, nkut idioknkpo eke kpukpru mmo. … Oboŋ Jesus, kpa nte mma nkebong akam, dahado nno mi ndien nnwam mi ndifen nno enye.
“Ami mma nnwana ndituak-inua-imam, [ndien] ami ndomo ndimenede ubok mi. Ami nkekemeke. Ami nkekopke nkpo baba kiet, esisit inemesit mme ata-ima ikoduhe. Ndien ke ntre ami mfiak mboŋ ndop-ndop akam. Jesus, ndikemeke ndifen nno enye. Nno mi erifen-nno eke Fo.
“Nte ami mmumde enye k’ubok, ata mkpo mkpaidem etibe. Toŋo k’afara asaŋa k’ubok mi onyuŋ osuhode ke ubok mi emireŋ-emireŋ oto ke ami osim enye, ndien ebe oduk ke esit mi asuan ima ono esenowo emi anamde mboribo ofuk mi idem.
“Ndien ami nnyuŋ ndioŋo nte iketoho ke edidahado ye ke mfon nnyin ke edikok edisim ererimbot, edi ke oto eke Esie. K’ini Enye odohode ete ima mme asua nnyin, Enye ono, ewuho, emi asaŋade ye ima ke idemesie.”1
Abasi mmodo ndinwam mbufo man enam ewuho Esie, kpa ye ewuho erifen-nno owo—kpa kini oro osongde ndinam. Enye ekeme ndinwam fi kpa nte Enye akawamde Corrie Ten Boom.
Edikok Emi Anade Mbufo Enyene
Uwem etie nkari nkari. Onyuŋ abiara. Ndien enehede oyoho ye mme owo emi Abasi okonode mbumek Esie.
Ke mme ini owo ekededi anamde mkpo eke adade ubiak ono fi—mme onyuŋ anamde ndudue—afo emekeme ndibo odudu edikok ke nte afo oboŋde-akam oyom unwam oyuŋ odomo ndifen-nno kiet eken.
Erifen-nno mbon efen ada edikok osok ukpong mbufo. Otode k’uwam Abasi, kpa nte afo efende-ono owo eke eduede fi, afo amayak edidobi mbiomo k’afara mbufo emi ekpeduride fi afiak edem oduok. Kpa kini usung ata edikok osoŋde, edi ye Abasi, afo udusaŋake ikpoŋ.
© 2021 otode Intellectual Reserve, Inc. Ekpeme kpukpru unen ndiming. Ekeming ke USA. Enyime edikabare ke Ikɔ Mbakara: 6/19. Enyime ndikabare: 6/19. Edikabare eke Etop Ofuri Ofiong Kabaŋa Nsoŋnda eke Iwaad, Ofiong June 2021. Efik. 17470 553