“Panangsapul iti Pigsa a Mangpakawan,” Para iti Pigsa dagiti Agtutubo, Hunio 2021, 10–11.
Umaykayo, Sumurot Kaniak
Panangsapul iti Pigsa a Mangpakawan
Binilinnatayo ti Apo a mangpakawan iti sabali. Tulongannatayonto a mangtungpal kadagiti bilinna, agraman iti daytoy.
Panangiladawan ni James Madsen
Dagiti kadi sumagmamano a bilin ket kasla narigrigat a tungpalen ngem iti dadduma?
Daytoy ti maysa a makapadanag ti adu a tao: “Siak, ti Apo, pakawanekto ti pakawanek, ngem kadakayo nasken a pakawanenyo amin a tao” (Doktrina ken Katulagan 64:10).
Aguray. Masapul a pakawanentayo amin a nagbiddut kadatayo? Posible kadi dayta?!
Maysa a banag ti mangpakawan ti adda naibagana a maysa a banag a bastos kadakayo wenno maudi ti pagsuratan ti lamisaan a pangrabii. Ngem kasano met dagiti nauneg a sugsugat? Dagiti nakaro a nagbasolan a mangsinga wenno uray pay mangbalbaliw ti turong ti biagtayo?
No dadduma mariknatayo a ti kabaelan a mangpakawan ti nangpasakit kadatayo iti nakaro ket labes ti magun-odtayo.
Adda ditoy ti naimbag a damag: Babaen ti tulong ni Jesucristo, saantayo pulos a limitado iti no ania ti maaramidtayo iti bukodtayo.
Ti Kasapulanna a Tulong
Nasarakan ti deboto a Kristiano manipud iti Netherlands nga agnagan ti Corrie ten Boom iti bukodna a iti bileg iti panangkiddaw iti Apo a tulonganna isuna a mamakawan iti maysa a tao.
Isuna ken ti kabsat na a babai a ni Betsy ket naibalud iti concentration camp kabayatan ti Maikadua a Gubat ti Sangalubongan. Ni Corrie ken dagiti dadduma pay ket nagibtur iti nakaam-ames a panagabuso dagiti Nazi a guardia iti pagbaludan. Natay ti kabsatna a ni Betsy kas bunga dayta a panagabuso. Nagbiag ni Corrie.
Kalpasan ti gubat, maduktalan ni Corrie ti makapaimbag a bileg ti panangpakawan kadagiti dadduma. Masansan nga imbinglayna iti mensahena iti publiko. Ngem iti maysa nga aldaw dagiti balikasna ket naipan iti kangrunaan a pannubok.
Kalpasan ti bitlana iti publiko, inasitgan ti maysa kadagiti kauyongan a guardia ti pagbaludan kadagiti campo ni Corrie.
Imbagana ken ni Corrie a nagbalin isuna a maysa a Kristiano manipud iti gubat ken nagbabawin kadagiti nakaam-amak a banag a naaramidna a kas guardia iti pagbaludan.
Iniggamanna ti imana ket kinunana, “Mapakawannak kadi?”
Iti baet ti amin a nasursurona ken imbinglayna maipapan iti panangpakawan kadagiti dadduma, saan a kabaelan ni Corrie nga awaten ti ima daytoy a tao ken pakawanenna—saan nga iti bukodna, uray kaskasano
Idi agangay insuratna, “Kas iti makagura, agrebelde a pampanunot nga agburburek kaniak, nakitak ti basol kadakuada. …. Apo Jesus, nagkararagak, pakawanennak ket tulongannak a mangpakawan kenkuana.
“Pinadasko ti umisem, [ken], inkarigatak nga ingato ti imak. Diak kinabaelan. Awan nariknak, awan uray ti kalag-anan a rissik ti bara wenno panangngaasi. Ket kasta manen nga inyangesko iti naulimek a kararag. Jesus, saanko kabaelan a pakawanen. Itedmo kaniak ti Pammakawanmo.
“Bayat ti panangalak ti imana napasamak ti nakaskasdaaw a banag. Manipud iti abagak a simmurot iti takiagko ken babaen ti imak kasla adda kuryente a nagdaliasat manipud kaniak agingga kenkuana, nga iti pusok timmaud iti ayat para iti daytoy a ganggannaet a dumani nangsallukob kaniak.
“Ket isu a natakuatak a naggapu Kenkuana a saan ket a nagtaud iti pammakawan iti ania man nga ad-adu ngem iti kinaimbagtayo ti nagtaudan ti pannakaagas iti lubong. Idi imbagana kadatayo nga ayaten dagiti kabusortayo, itedna, karagpin ti bilin, ti mismo nga ayat.”1
Adda ti Dios dita a tumulong kenka a mangtungpal kadagiti bilinna, agraman ti bilin a mangpakawan—uray pay no narigat. Matulongannaka a kas iti panangtulongna ken ni Corrie ten Boom.
Ti Pannakapaimbag a Maikari Kadakayo
Nasikap ti biag. Nariribuk daytoy. Ket naan-anay ti pannapunno daytoy kadagiti tao nga innikkan ti Dios ti kinawaya nga agpili.
Kabayatan kadagita a panawen no adda iti pili a mangigapu iti nakaro a sakit—wenno uray pay saan a mairanta a kasta—maawatmo ti pangpaimbag a bileg no agkararagka para iti tulong ken ikarigatam ti mangpakawan.
Ti panangpakawan kadagiti dadduma ket mangyeg iti pannakapaimbag ti kararuam. Babaen ti tulong ti Dios, bayat ti panangpakawanyo iti maysa a tao a nagbiddut kadakayo, maikkat ti nakaam-amak a dadagsen manipud kadagiti abagayo a mabalin a manglapped kadakayo. Uray pay no ti dana ti pudno a panangagas ket marikna a narigat, babaen iti Dios, saanmunto pulos nasken a pagnaen a siksika laeng.
© 2021 ti Intellectual Reserve, Inc. All rights reserved. Naimaldit iti EUA. Pannakaanamongna iti Ingles: 6/19. Pannakaanamongna a maipatarus: 6/19. Pannakaipatarus ti Monthly For the Strength of Youth Message, June 2021. Ilokano. 17470 864