Yaka, Landa Ngai

Kozwa Bokasi ya Kolimbisa

Na David Dickson

Bazulunale ya Eklezia

Nkolo atindaki biso ete tolimbisa basusu. Akosunga biso tobatela mitindo na Ye, kobakisaka moko oyo.

Doctrine et Alliances 64:10

Liyemi na James Madsen

Mitindo misusu mimonanaka lokola mpasi mpo na kobatela koleka misusu?

“Tala moko oyo ebangisaka bato mingi: “Ngai, Nkolo, nakolimbisa oyo Nasengeli kolimbisa, kasi mpo na bino bosengeli kolimbisa bato nyonso” (Doctrine et Alliances 64:10).

Bozela. Tosengeli kolimbisa bato nyonso oyo basalaki biso mabe? Wana kutu ekoki kosalema?!

Ezali eloko moko kolimbisa moto moko mpo ete alobeli yo likambo moko ya mabe to mpo ete azwi eteni ya limpa ya nsuka na mesa ya elambo ya monene. Kasi nini na oyo etali bampota minene? Botuki ya mpasi wana oyo ekoki kokata to kutu kobongola lolenge ya bomoi na biso?

Ntango mosusu makoki ya kolimbisa moto moko oyo asali biso mpasi mabe ekoki komonana lokola mosika na biso.

Tala nsango malamu: Na lisungi ya Yesu Klisto, tosuki mokolo moko te na maye tokoki kosala na biso moko.

Lisungi Ye Asengelaki na Yango

Moklisto moko amipesa ya Hollande babengi Corrie ten Boom amonaki mbala ya liboso nguya ya kosenga Nzambe asunga ye alimbisa moto moko.

Ye na ndeko na ye ya mwasi Betsy bakangamaka na baka ya bato ya boloko na Etumba ya Mokili mobimba II. Corrie mpe basusu banyokwamaki bokakemi ya nsomo uta na basinzili ya boloko ya Banazi. Ndeko na ye ya mwasi Betsy kutu akufaki lokola mbano ya bokakemi wana. Corrie atikalaki na bomoi.

Nsima ya bitumba, Corrie amonaki nguya ya kobikisa ya kolimbisa basusu. Akabolaki mbala mingi nsango na ye na bisika ya bato. Kasi mokolo moko maloba na ye etielamaki ntembe.

Nsima ya lisukulu liboso ya bato, sinzili moko ya motema mabe mpenza ya ka asololaki na Corrie.

Ayebisaki Corrie ete akomaka Moklisto uta bitumba mpe ayambolaka mpo na makambo mabe asalaka lokola sinzili ya boloko.

Atombolaki loboko na ye mpe alobaki, “Okolimbisa ngai?”

Atako nyonso oyo ayekolaka mpe akabolaka etali kolimbisa basusu, Corrie akokaki te kondima loboko ya moto oyo mpenza mpe kolimbisa ye—na ye moko te, solo.

Nsima akomaki, “Atako lokola nkanda, makanisi ya bozongisi mabe etokaki kati na ngai, namonaki lisumu na yango. … Nkolo Yezu, nasambelaki, limbisa ngai mpe salisa ngai mpo na kolimbisa ye.

“Namekaki koseka moke, [mpe] namekaki kotombola loboko na ngai. Nakokaki te. Nayokaki eloko te, ata mwa moto ya bolingo to elembo ya bolingani. Mpe lisusu nasalaki losambo na bonkutu. Yezu nakoki kolimbisa ye te. Pesa ngai bolimbisi na Yo.

“Ntango nazwaki loboko na ye eloko ya kokamwa esalamaki. Kobanda na lipeka na ngai kolanda na loboko na ngai mpe tii na misapi na ngai lotiliki moko ezalaki lokola koleka uta na ngai epai na ye, ntango kati na motema na ngai bolingo ebimaki mpo na mopaya oyo pene elekelaki ngai.

“Mpe namonaki solo ete ezali na bolimbisi na biso moko mingi lisusu te koleka na bolamu na biso nde lobiko ya mokili eyekami, kasi na ya Ye. Ntango Ayebisi biso tolinga banguna na biso, Apesaki, nzela elongo na mobeko, bolingo yangomei.”¹

Nzambe azali awaa mpo na kosunga yo kobatela mitindo, kobakisa motindo ya kolimbisa—ata ntango ezali mpasi. Akoki kosunga yo kaka lokola Asungaki Corrie ten Boom.

Lobiko Oyo Ekoki Na Yo

Bomoi ezali mpasi. Ezali mobulu. Mpe etonda solo na bato oyo bazali na bosomi ya kopona epesama na Nzambe.

Na bangonga wana ntango moto moko asali boponi oyo esali yo mpasi makasi—to kutu na kokana te asali yango—okoki kozwa nguya ya kobikisa ntango ozali kosambela mpo na kosunga mpe komeka kolimbisa.

Kolimbisa basusu ememaka libiki na molimo na yo. Na lisungi ya Nzambe, ntango ozali kolimbisa moto moko oyo asalaki yo mabe, obwaki mokumba mabe uta na mapeka na yo oyo ntango mosusu ezali kozongisa yo nsima. Uta ntango nzela ememaka epai ya libiki ya solo ezali komonana mpasi, na Nzambe, okosengela mokolo moko te kotambola yango yo moko.

Nini Bolimbisi Ezali kosenga Te

Mpaka Jeffrey R. Holland ya Lisanga likoki ya Bapostolo Zomi na mibale kala alobaki na ntina ya mitindo ya Mobikisi mpo na kolimbisa. Nsima alobaki.

“Nzokande, ezali motuya mpo basusu na bino kozalaka kati na mposa ya solo koyeba nini Alobaki te . Alobaki te , ‘Opesami nzela ya koyoka mpasi ya solo to mawa ya solo euti na misala ya kobebisa oyo osali mpo na moto mosusu.’ Te elobaki Ye, ‘Na ntina ya kolimbisa mobimba, osengeli kokoba bozalani bobe to kozongela likambo moko ya kokakema, ya kobebisa.’ Kasi atako kutu masenginia ya mabe mpenza oyo ekoki koyela biso, tokoki kotelema likolo ya mpasi na biso bobele ntango totie matambe na biso kotambolaka na nzela ya lobiko ya solo.”²

Tala: Soki okutani to ozali kokutana sikawa na bokakemi ya lolenge kani, kobaki bokakemi ya nzoto, ya motema, to ya mposa ya nzoto, yebisa episikopo na yo osengeli kokende kotala ye mpo na lisungi etali nzela ya lobiko ya solo. Azali na bafungola ya likoki oyo ekoki kosunga yo.

© 2021 na Intellectual Reserve, Inc. All rights reserved. Ebetami na Etazini Bondimami na lokota ya Angele: 6/19. Bondimami ya bobongoli: 6/19. Bobongoli ya Monthly For the Strength of Youth Message, June 2021. Lingala. 17470 639

Matangi

1. Corrie ten Boom, The Hiding Place (1971), 215.

2. Tala lisusu Jeffrey R. Holland, Oct. 2018 general conference (Ensign to Liahona, Sanza ya zomi na moko 2018, 79).