Luaku, Undonde

Dipeta dia Bukola bua Kubuikidila

Kudi David Dickson

Makazina a Ekelezia

Mukalenga wakatupeshela mukenji wa kubuikidila bakuabu. Neatuambuluisha bua kulama mikenji Yenda, ne ewu kabidi.

Dilongesha ne Bipungidi 64:10

Bimfuanyi bia kudi James Madsen

Imua mikenji mmimueneka mikola kudi mikuabu bua kuyinemeka anyi?

kudi umue udi ukuatshisha bantu babunyi bowa: “Meme, Mukalenga, nembuikidila unga buikidila, kadi buenu nuenu mbinulomba bua nubuikidila bantu bonsu” (Dilongesha ne Bipungidi 64:10).

Indila. Tudi ne tshia bua kubuikidila bantu bonso badi batuenzela bibi? Bidi bipepele anyi?!

Ntshintu tshimue tshia kubuikidila mukuabo bua pikalaye mukupende anyi diangata dia mukata wa ndekelu ku mesa a biadidia bia dilolu. Kadi tshia kuenza ntshinyi bua mputa minenena? Bilema binena ebi bidi mua kunyanga anyi kukudimuna nsombelu wetu wa panu?

Misangu mikuabu mushindu wa kubuikidila muntu udi mutuenzela bibi bikola udi mua kutupitshila.

Eyi idi ngumu mimpa pa bia kuenza: Ne diambuluisha dia Yezu Kilisto, katuena bakandikibua bua kuenza tshitudi muakuenza nkayetu nansha.

Diambuluisha Divuaye nadi dijinga

Corrie ten Boom, Muena Kilisto mushindame wa ku Pays-Bas wakajandula bukola bua kulomba diambuluisha kudi Nzambi bua kubuikidila muinende.

Yeya ne muanabu wa bakaji Betsy bavua bedibua mu lukanu lufimpakana mu tshikondo tshia Mvita Mibidi ya Buloba Bujima. Corrie ne bakuabu bakapeta binyangu bia dikema kudi balami ba lukanu ba Nazi. Muanabu Betsy wakafua bu tshipeta tshia ku binyangu abi. Corrie wakapandishibua.

Panyima pa mvita, Corrie wakajandula londapu mu bukola bua kubuikidila bakuabu. Uvua muikala misangu mivule wamba bualu ebu pa bantu. Kadi dituku dikuabu wakapeta diteta dikola kupitshila ku miaku yenda.

Muyuki mumana kulonda, Mulami wa tshikisu mukuabo wa lukanu wa kabikila Corrie.

Wakambila Corrie ne wakashala muena Kilisto kubangila ku mvita ne wakakudimuna mutshima bua bibi bivuaye muenze pavuaye mulami wa lukanu.

Wakolola tshianza tshiende ne kuamba se, “Udi mua kumbuikidila anyi?”

Nansha bionso bivuaye mulonga ne muamba pa dibuikidila bakuabo, Corrie kavua muitaba tshianza tshia muntu ewu to—nansha kakese.

Panyima wakafunda se, “Muvua meji a tshiji, ne a kusombuela kûndi, Ngakamona bubi buabu. … Ngakasambila ne mêyi aa, Mukalenga Yezu, mbuikidila ne ngambuluisha bua mmubuikidila.

“Nga kateta kuseka, [ne] Ngakaditatshisha bua kumoluela tshianza tshianyi. Ntshivua mua kutshienza to. Tshivua mumvua tshintu nansha tshimue, nansha kamukenyi kakese ka dinanga. Ne meme kupuyakana kabidi mu kusambila mundamunda. Yezu, tshiena mua kumubuikidila to. Mpesha dibuikidila diebe.

“Pangakamukuata ku tshianza tshiende, tshintu tshia dikema tshia kenzeka. Ku dikaya dianyi kupitshila ku diboku too ne mu tshianza tshianyi, bienza bu nzembua ifuma kûndi yiya kudiye, pavua mu moyo wanyi mupeteta dinanga bua muenyi ewu uvua muntekesha.

“Ne mvua mujandula se nki kudibuikidila dietu to eshi ku buimpa buetu kudi kufila londapu kudi bukua panu, kadi nkupitshila ku Yeya. Padiye Utuambila bua tunanga bena lukuna betu, Udi ufila mukenji, wa dinanga nkayadi.”¹

Nzambi udiku bua kunuambuluisha bua kulama mikenji Yenda, ne mukenji wa kubuikidila—nansha biobi bikola. Udi mua kunuambuluisha bu mudiye muambuluisha Corrie ten Boom.

Londapu Ludi Lunukumbanyine

Nsombelu mmukola. Udi ne ntatu. Ne bidi menemene mu bantu ne budisunguila budi Nzambi mubape.

Mu tshikondo tshidi muntu wenza disungula didi mua kukukengesha—anyi kumpukampuka—udi mua bukola bua londopu pa udi usambila bua diambuluisha ne mudidienzeja bua kubuikidila.

Dibuikidila bakuabo didi difila londapu mu muyo webe. Ne diambuluisha dia Nzambi, mu dibuikidila dia muntu uvua mukuenzele bubi, udi utula bujitu ku makaya budi mua kukualuja panyima. Nansha pikala njila mulelela wa londapu ne mukola, ne Nzambi, kua kumuendela nkayeba to.

Tshidi Dibuikidila Kadiyi Dilomba

Mukulu Jeffrey R. Holland wa mu Mpuilu wa Bapostolu Dikumi ne Babidi, wakamba musangu kampanda pa mukenji wa Musungidi bua kubuikidila. Pananku wakamba se:

“bidi bia mushinga bua bamue ba kunudi badi ne dibungama, bua bafunda se kavua muamba to . Kavua muamba to , ‘Kanuena benzejibua bua kumvua bisama anyi kanyinganyinga kupitshila ku ngenzelu wa mukuabu nansha.’ Kakamba nansha ne, ‘Bua kubuikidilamene, udi ne tshiabua kualukila ku bubi anyi ku tshienzedi tshibi, anyi kudidinyoka.’ Kadi nansha tshilenduishi tshikola tshidi mua kutufikila, tudi ne tshia bua kuikala pampala pa makenga patudi tuteka makasa etu mu njila wa londapu lulelela.”²

Manya ne: Wewa mupetakana anyi udi muikala upeta binyangu bia mishindu kampanda, bikala bia mubidi, bia ku moyo, anyi binyangu bia bumuntu, ambila Muepiskopo weba ne udi ne dijinga dia kumumona bua kupeta diambuluisha mu njila mulelela wa londapu. Yeya udi ne nsapi ya bukokeshi budi mua kukuambuluisha.

© 2021 kudi Intellectual Reserve, Inc. All rights reserved. Mupatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly For the Strength of Youth Message, June 2021. Tshiluba. 17470 760

Biakumanya

1. Corrie ten Boom, The Hiding Place (1971), 215.

2. Jeffrey R. Holland, Oct. 2018 general conference (Ensign anyi Liahona, Nov. 2018, 79).