Ana Nakoanibonga te Atua

Iroun te Beretitenti ni Kabuta ibukiia Ataeinnaine

Tera ae a na riai n ataia kairake n aron te nakoanibonga ao irekerekeia ma ngaia .

Kam a tia n ataa te kamangaongao ae kona n riki ngkana e kamanenaaki te taeka ae teuana ni kawai aika uoua? Te bwai ni katoto, inanon te Taetae ni Imatang te taeka aonnaba e kaineti nakon uoua bwa nakon te burabeti ae ti maeka iaona ao te tano are i aan waera. A bane n eti ni kauoua, ma tera ae ko nanonna ngkana ko kamanena te taeka e bon kaineti nanona nakon are ko taekinna ngkai n te tai aei. Ni karika riki te kamangaongao, ngkana aonnaba nanona ara buraneti, e kairekerekea naba te iango ibukin te tano ibukina bwa te tano e mena iaon te buraneti.

Kabwarabwaraan te Taeka Nakoanibonga

Teuana te taeka ae ti kamanena inanon te Ekaretia ni kawai aika uoua bon nakoanibonga. Te taeka e kaineti nakon ikotakin mwaaka ao ana kariaia te Atua. E ngae n anne, ti kamanena naba te nakoanibonga n te aro ae tiatianaki—ni kaineti nakon “te mwaaka ao te kariaia are te Atua E anganiia taan taua te nakoanibonga aika katabuaki ni karaoi mwakuri ni kabane aika riai ibukin kamaiuakiia Natin te Atua.”¹

Te nakoanibonga are e anganaki te aomata bon tiaki mwakan te Atua ni kabane. Te tiaata ae imwiina e kaota te iango aio.

N te tiaata aio kam noori tabeua katooto ni mwaakan te Atua, are e reitinako ao akea tiana. Inanona, kam noori naba katotoon mwaaka ao kariaia n Ana nakoanibonga te Atua are e katoka iaon, ke n anga nakoia, mwaane aika tau ni karaoi mwakuri n Ana Ekaretia Kristo.

Katoton te Kariaia n te Nakoanibonga inanon Maium

Kakabwaia ni kabane n te nakoanibonga a tauraoi nakoia Natin te Atua aine ao mwaane aika e tangiriia. Te kauoua ni karinan e tei ibukin kakabwaia aika roko nakoimi rinanon temanna are iai irouna kingin te nakoanibonga ke are a tia n anganaki te nakoanibonga.

Aio teina are e a tia ni karaoia te Atua ibukin katean ao kabutan ana Ekaretia i aon te aba. Tabeua riki katooto n Ana kariaia n Ana nakoanibonga te Atua a raonaki ma te beretitenti n te riikan ke te beretitenti n aia kooram taan reirei are iai irouna king ni kairii mwakuri n ana kooram, ana kakabwaia te karo n te mweenga, ao otenanti n te tembora ao taian berita.

Mwaane, Aine, ao te Nakoanibonga

E ngae ngke bon tii mwaane ae a katabuaki nakon aobiti n te nakoanibonga. Beretitent Dallin H.Oaks, te Moan Kauntira n te Moan Beretitentii, e kabwarabwara te reirei ae kakaawaki: “Te nakoanibonga bon te mwaka ao te kariaia mai karawa are e tauaki ma te onimakinaki bwa e na kamanenaaki ibukin ana mwakuri te Atua ibukin kabwaiaia ni kabane Natina. Nakoanibonga bon tiaki naake a tia ni katabuaki nakon aobitin te nakoanibonga ke naake a kamwakura te kariaia anne. Mwaane ake a taua te nakoanibonga bon tiaki nakoanibonga. … Ti na aki araniia mwaane ake a tia ni katabuaki bwa te nakoanibonga.”²

E ngae ngke aki katabuaki aine nakon te nakoanibonga, Beretitenti Russell M. Nelson e kabwarabwara,‏‏ “ngke kam kaokoroaki bwa kam na beku ni weteakimi iaan ana kairi temanna are iai irouna kingin te nakoanibonga … kam anganaki te kariaia n te nakoanibonga ni mwakuri inanon te wewete anne.”³ Tabeua katoto n aekan aio n raonaki ma te beretitentii n aia kiraati Ataeinnaine, titita aika mitinare aika tataekina te euangkerio, taan kairiri n taian uoote ao titeiki ake a tia ni kaokoroaki bwa a na anga reirei ao ni kairiiri, ao taan mwakuri otenanti inanon te tembora.

Mwaakan te Nakoanibonga E kakabwaiaia Aomata Nako

Taian kakabwaia are kam karekea ngkami ataeinimwane ao ataeinnaine bon ami bwai rinanon te berita are kam karaoia n te bwabetito ao n te berita are ko na karaoia n te tembora. E ngae ngkana akea ae taua te nakoanibonga ni mweengam, ko bon kona naba ni kakabwaiaki ni mwaakan ana nakoanibonga te Atua inanon maium ngkana kam kawakin berita aika kam karaoi ma Ngaia (taraa 1 Nibwaai 14:14).

Ngkai ti maiu ni kaineti nakon ara berita, ti karekei kakabwaia ake a kakorakoraira ao a kakabwaiaira. Ti kaoi ngkami bwa kam na iangoi kakabwaian te nakoanibonga inanon maiumi—te kakabwaia are roko ibukin mwakan ana nakoanibonga te Atua ae akea tokina ao ake a roko ake a tii katauaki rinanon te kariaia n te nakoanibonga are e karokoaki ao ni katauaki inanon Ana Ekaretia te Atua.

© 2021 iroun Intellectual Reserve, Inc. A bane n tauaki mwiin taian kariaia ibukin katootongana. Boreetiaki i USA. Kariaiakaki n te Ingiriti: 6/19. Kariaiakaki rairana: 6/19. Rairan te Monthly For the Strengh of Youth Message, August 2021. Kiribati. 17472 859