“Keutan Echumw,” Ren ewe Pochokunen Sarafo, Sept. 2021, 6–7.
Porous Iteiten maram Ren Pochokunen Serafo Septemper 2021
Keutan ewe Echumw
Nimu aanen keutan ew manaw pwapwa me amwarar.
Nios seni Juliet Percival
Nupwen ewe Samon a annuku ngeni Joseph Smith pwe epwe eueta ewe Kirtland Tempel, I ese nikitano an epwe ekieki ifa usun epwe fori meinisin won winikapan. A pwari ngeni ew kokkot epwe emweni ngeni wesinon.
“Mwut ngeni ewe imw epwe keuta, esapw mwirin nonnomwun fonufan,” ewe Samon a pwarano. Mwut ngeni epwe keuta mwirin nonomwun menni upwe pwarano (Doctrine and Covenants 95:13–14). Ewe Samon a ngeni ourour ren ifa usun epwe keuta ewe tempel (nengeni Doctrine and Covenants 95:15–17).
Ach kinisow, ewe Samon afen pwari ngeni kich nap seni ifa ussun ach sipwe chok auta kewe tempel. A pwan ngeni kich ourour an epwe anisikich ach sipwe tongeeni winiti aramas mi murinno. Ren ach sia tapweno mwirir, sipwe amarata manawach “esapw mwirin nonomwun fonufan” nge mwirin ewe aan ewe Samon a fen anapanapa.
Ikei numu aanen sipwe amarata ew manaw mi pwapwa me amwarar a nomw non Jises Kraist.
Eueta ew Ennetin Foun Nongonong
Chon for chungan ika keutan imw epwe uronuk pwe ew nongongong mi pechekun a euchea ngeni imw ese nifinifin sokkun. Ilaman a aitikich pwe ewe euchean nongongun manawach ina “ewe foun ach Chon Angasano, i ewe Kraist, ewe Noun Kot” (Ilaman 5:12). Kich sia tongeni fori pwe Kraist ach nongongong ren ach sipwe feito ren me tapweno mwirin an kewe asukun. Ifa usun omw mefi ren omw anomwu Kraist pwe nongonongun non manawomw?
Angang ngeni Ekkoch
Pwan ew euchean aanen sipwe amarata manawach, seni Preseten Dieter F. Uchtdorf, nupwen an Oruemenun chon Aninis non ewe Aewin Presetensi, a feito nupwen “sia nomw won pechech ach angang ngeni ewe Samon me anisi ekewe ra nomw unukuch.”1 Nupwen ka anisi ekkoch, en ka fori met Jises a fori me kaeo omw kopwe winiti usun II. Me kosapw chok efeiechu manawen aramas ka anisir, nge en kopwe pwan feiech.
Fori ew Kinikinin Fansoun kopwe Iotek Iteitan me Kaeo ewe Pukefel
Pwan ew aanen omw kopwe amarata ew manaw mi pwapwa ren omw kopwe amarata ew chiechi fengen me Samach non Nang me Jises Kraist. Ew euchean aanen forun ena, ren iotek me kaeo pukefel.
Preseten Uchtdorf a apasa: “Ach sipwe apochekuna nefinach me Kot, a auchea epwe wor fansoun mi murinno sipwe anamonuno ngeni I. Mosonoson me ekieki ach iotek me kaeo pukefel iteiten raan… epwe ekkoch mettoch mi och ngeni ach fansoun me foffor epwe akanakich ngeni Samach non Nang.”2
Iotek ina ew tufich ach sipwe kapas ngeni Samach non Nang. A sinei kich, tongei kich, me a mwochen rong seni kich! Nupwen sia ennetin iotek, pwarata ach kinisow, me tungor kewe mettoch a namot ngeni kich, II a rong me a penuweni iteitan non pwisin An nikinik me fansoun.
Nupwen sa kaeo pukfel, ese wor ew aanen fofforun mi pwung. A chok auchea pwe ka fori! Preseten Russell M. Nelson a aitikich, “Ach anneani kapasen Kot iteiten ran mi namwot ran ach sipwe manau non pekin ngun.”3 Awora fansoun iteiten ran ne kaeo ekkewe pukefel, esap wor tipemwaramwar, a anisuk ne amarata ew manawen nuku me pechekun.
Rokopwanukeno ren Ekkewe Ra Apochokuna Om Kopwe Fori mi Och
Samach non Nang a mwochen sipwe nomw me amarata nonomwuch fengen me ekkoch—napanon famini me chiechiach kewe. Napengeni sia kan fisino me ren kewe sia nomw rer iteitan. Ika mwo iir chon ewe Mwichefen ika esap, kopwe nomw ren kewe aramas ra anisuk omw kopwe manaweni ewe kapas allim, emwechu an ewe Samon nongonong, me winiti emon aramas och. En ka tongeni anisi ekkewe mi nom unukum ar repwe pwan fori usun. Menni me nein chienomw kewe a anisuk me eueta omw nongonong non nukuchar?
Kutta Pwapwa non Keutan Omw Nongonong
Mi wor chommong anen om kopwe tongeni amarata manawomw an epwe pochokun non pekin ngun me pwapwa, pachenong fiti fan me angei ewe sakrament, fori me aponueta kewe annuk, me fori kewe eurour seni kewe soufos mi manaw.
Mi euchea kopwe chechemeni pwe meinisin kei mettoch epwe wor angang me fansoun ngeni. Iteitan mi wor euta me kaeo epwe wesino, nge kosapw anamon ne fori. Ewe Samon epwe anisuk iteiten ran nupwen omw ka achocho ne amarata ew manaw en me II oupwe tongeni ingeiti me epwe wato remw pwapwa. .
© 2021 seni Intellectual Reserve, Inc. Meinisin pung mi kawor. A för non Merika. Kapungunon non fosun Merika: 6/19. Kapungunon chiakun: 6/19. Chiakun Porous Iteiten Maram Fan iten ewe Pochokunen Sarafo, Septemper 2021. Chuukese. 17473 901