Nem blong Jos blong Hem

I gat mining biaen long nem ia we Jisas Kraes i givim long Jos blong Hem.

Pikja

Jisas Kraes olsem Gudfala Man blong Lukaot long Sipsip

jos blong mi

Jos—wan grup blong ol pipol we oli biliv long ol sem samting, mo oli wosip tugeta. Jos Ia i blong Jisas Kraes. Hem i statem Jos Ia. Hem i lidim Jos Ia. Jos Ia i blong Hem.

i singaotem

Jisas Kraes i talemaot long yumi wanem we Hem i wantem ol pipol blong singaot long Jos blong Hem. Hemia nao i wanem we yumi mas singaotem jos ia—mo i wanem we yumi mas stap askem, wetem kaen fasin, long ol nara man blong oli singaotem jos ia long hem. Nem ia i kam long Jisas Kraes.

ol las dei

Ol Las Dei—ol dei we yumi stap laef long hem; taem ia bifo Seken Kaming blong Jisas Kraes. Jisas Kraes i karem Jos Ia blong Hem i kambak long wol ia blong wan las taem. Jos ia bae i stap mekem wol ia i rere from Seken Kaming blong Hem.

Jos Ia blong Jisas Kraes

(Luk long “jos blong mi.”) Hemia i fas pat blong nem we Sevya i givim long Jos blong Hem. Hem i singaotem se “Jos Ia” from se, Hem nao, Hem i oganaesem. Mo Hem i putum nem blong Hem long hem.

Lata-dei

(Luk long “ol las dei.”) Hemia i nekis pat blong nem blong Jos. I soem klia se hemia i Jos ia we Hem i karem i kambak long las dei, i no hemia we Hem i bin statem long taem bifo.

Ol Sent

Ol Sent—toktok ia i minim “ol pipol we oli tabu.” Hemia i las pat blong nem blong Jos. I stap tokbaot ol memba blong Jos. Jisas Kraes i save mekem yumi kam klin gud, mo klin evriwan. Mo Hem i givim Tabu Spirit blong mekem yumi kam strong moa taem yumi stap traehad blong mekem olgeta samting we Hem i givim oda long yumi blong mekem. Sapos yumi gat fet long Hem mo stap gohed blong traem, bae Hem i mekem yumi kam tabu. Hem i mekem yumi kam Ol Sent.

© 2021 i kam long Intellectual Reserve, Inc. All rights reserved. Oli printim long YSA. Oli letem long Inglis: 6/19. Oli letem translesen: 6/19. Translesen blong Monthly For the Strength of Youth Message, October 2021. Bislama. 17474 852