Na Yaca ni Nona Lotu

E tiko na ibalebale ena yaca e solia o Jisu Karisito ki na Nona Lotu.

iVakatakilakila

O Jisu Karisito me iVakatawa Vinaka

noqu lotu

Lotu—e dua na ilawalawa tamata era vakabauta na veika vata ga ka ira sokalou vata. Na Lotu oqo e nei Jisu Karisito. A tekivutaka oKoya. E liutaka tiko oKoya. E Nona.

ena kacivi kina

Sa tukuna vei keda o Jisu Karisito na ka e vinakata oKoya mera vakatoka na tamata me Nona Lotu. O koya gona oqori na ka e dodonu meda vakatoka kina—kei na cava meda kerea ena yalovinaka vei ira na tani me ra vakatoka. Na yaca oqo e lako mai vei Jisu Karisito.

iotioti ni veigauna

Ena iotioti ni veigauna—na veigauna eda bula tiko kina; na gauna ni bera na iKarua ni Lako Mai o Jisu Karisito. Sa kauta lesu mai ki vuravura o Jisu Karisito na Nona Lotu ena iotioti ni gauna oqo. Ena vukea na vakarautaki ni vuravura me baleta na iKarua ni Nona Lako Mai.

Na Lotu i Jisu Karisito

(Raica na “noqu lotu.”) Oqo na imatai ni tiki ni yaca a solia na iVakabula ki na Nona Lotu. E vakatoka o koya “Na Lotu” baleta ni a tauyavutaka o Koya. Ka sa biuta kina oKoya na Yacana.

Edaidai

(Raica na “iotioti ni veigauna.”) Oqo na tiki tarava ni yaca ni Lotu. E vakaraitaka vakarawarawa ni oqo na Lotu a vakalesuya mai oKoya ena veigauna oqo, sega ni oKoya e a tekivuna ena veigauna e liu.

Yalododonu

Yalododonu—e dua na vosa kena ibalebale “o ira na tamata era savasava.” Oqo na iotioti ni tiki ni yaca ni Lotu. E tukuni ira tiko na lewe ni Lotu. Sa rawa ni kitaka o Jisu Karisito meda savasava ka bulivou. Ka na solia vei keda oKoya na Yalo Tabu me vaqaqacotaki keda ni da tovolea me da cakava na veika sa vakarota oKoya. Kevaka eda vakabauti Koya ka tovolea tikoga, ena cakava oKoya me da ka tabu. Ena cakava oKoya me da Yalododonu.

© 2021 mai na Intellectual Reserve, Inc. Dodonu kece e taqomaki. Tabaki e Amerika. Vakadonui me vaka-Valagi: 6/19. Vakadonui me vakadewataki: 6/19. iVakadewa ni iTukutuku Vakavula Baleta na iSakisaki ni iTabagone, Okotova 2021. Fijian. 17474 858