“Aran Ana Ekaretia,” Ibukin Kakorakoraia Kairake, Okitobwa. 2021.
Te Rongorongo man Ibukin Kakorakoraia Kairake Katoa Namwakaina, Okitobwa 2021
Aran ana Ekaretia
Iai nanon te ara ae anga Iesu ibukin Ana Ekaretia.
au ekaretia
Ekaretia—kurubu n aomata ake a kakouai bwaai aika ti te arona ao ni kaai n taromauri. Te Ekaretia aei bon ana Ekaretia Iesu Kristo. E waakinna. E kairia. Bon Ana Bwai.
arana
Iesu Kristo e tuangiira te bwai are e na aranaki iai Ana Ekaretia irouia aomata. Ngaia anne are ti riai n aranna iai—ao ti na bubutiia aomata ma te riai bwa a na aranna iai. Te ara aei e roko mairoun Iesu Kristo.
kabanean boong
Kabanean boong—boong ake ti maiu iai; te tai imwaain Kauoakin Iesu Kristo. E a tia Iesu Kristo ni kaoka Ana Ekaretia nako aon te aba ibukin te kabanea n tai aei. E na buoka katauraoan te aonaaba ibukin Kauaokina.
Ana Ekaretia Iesu Kristo
(Taraa “au ekaretia.”) Aei te moan itera n te ara are e anga te Tia Kamaiu ibukin Ana Ekaretia. E aranna “Te Ekaretia” ibukina bwa E barongaia. Ao E katokaa Arana iaona.
Boong aika Kaitira
(Taraa “boong aika kaitira.”) Aio te mwakoro are imwiina ibukin aran te Ekaretia. E kaotia bwa aio te Ekaretia ae E kaokia ni boong aikai, tiaki are e waakinna n taai ake ngkoa.
Aika Itiaki
Aika Itiaki—te taeka ae nanona “aomata aika tabu.” Aio te kabanea ni mwakoro ibukin aran te Ekaretia. A atongaki iai kaain te Ekaretia. E kona Iesu Kristo ni kaitiakiira ao n itiaki. Ao E anganiira te Tamnei ae Raoiroi bwa e na kakorakoraira ngkai ti kataia ni karaoa are E tua nakoira bwa ti na karaoia. Ngkana iai ara onimaki Irouna ao n teimatoa ni karaoa are ti konaa, E karaoira bwa ti na tabu. E karaoira bwa Aomata aika Itiaki.
© 2021 iroun Intellectual Reserve, Inc. A bane n tauaki mwiin taian kariaia ibukin katootongana. Boreetiaki i USA. Kariaiakaki n te Ingiriti: 6/19. Kariaiakaki rairana: 6/19. Rairan te Monthly For the Strength of Youth Message, Okitobwa 2021. Kiribati. 17474 859