Bulanan nga Mensahe sang Para sa Kusog sang mga Lamharon, Oktubre 2021

Ang Ngalan sang Iya Simbahan

May kahulugan sa likod sang ngalan nga ginhatag ni Jesucristo sa Iya Simbahan.

Doktrina kag mga Kasugtanan 115:4

4 Kay ang akon simbahan pagatawgon sa ulihing mga adlaw, nga Ang Simbahan ni Jesucristo sang mga Santos sa Ulihing mga Adlaw.

akon simbahan

Simbahan—isa ka grupo sang mga tawo nga nagapati sa pareho nga mga butang kag nagasimba sing ululupod. Ining Simbahan iya ni Jesucristo. Sia ang nagsugod sini. Sia ang nagapamuno sini. Iya ini.

pagatawgon

Si Jesucristo naghambal sa aton kon ano ang Iya gusto nga ipatawag sa mga tawo sa Iya Simbahan. Gani amo ina dapat ang itawag naton sini—kag ang dapat naton ipangabay sa iban sa pagtawag sini. Ini nga ngalan naghalin kay Jesucristo.

katapusan nga inadlaw

Katapusan nga inadlaw—ang panahon nga aton ginapuy-an; ang tion antes sang Ika-duha nga Pagkari ni Jesucristo. Ginbalik ni Jesucristo ang Iya Simbahan sa duta sa sining katapusan nga tion. Magabulig ini sa paghanda sang kalibutan para sa Iya Ika-duha nga Pagkari.

Ang Simbahan ni Jesucristo

(Tan-awa sa “akon simbahan.”) Amo ini ang una nga bahin sang ngalan nga ginhatag sang Manluluwas sa Iya Simbahan. Ginatawag Niya ini nga “Ang Simbahan” tungod Sia ang nag-organisar sini. Kag Iya ginbutang ang Iya ngalan diri.

Ulihing mga Adlaw

(Tan-awa sa “katapusan nga inadlaw.”) Amo ini ang madason nga parte sang ngalan sang Simbahan. Ginapakita lamang sini nga amo ini ang Simbahan nga Iya ginbalik sa sining panahon, indi ang Iya ginsugdan sang una nga panahon.

mga Santos

mga Santos—tinaga nga ang buot silingon “mga tawo nga balaan.” Amo ini ang katapusan nga bahin sang ngalan sang Simbahan. Nagatumod ini sa mga miyembro sang Simbahan. Sarang kita himuon ni Jesucristo nga matinlo kag putli. Kag ginhatag Niya ang Balaan nga Espiritu agud pabakuron kita samtang ginatinguhaan naton nga himuon ang Iya ginasugo. Kon may pagtuo kita sa Iya kag magpadayon sa pagpaninguha, himuon Niya kita nga balaan. Himuon Niya kita nga mga Santos.

Para sa Dugang

Para sa dugang pa parte sa ngalan sang Simbahan, tan-awa sa:

• Russell M. Nelson, “Ang Husto nga Ngalan sang Simbahan,” Okt. 2018 pangkabilogan nga komperensya.

• Russell M. Nelson, “Thus Shall My Church be Called,” Abr. 1990 pangkabilogan nga komperensya.

• Guide to the Scriptures, “Church, Name of.”

© 2021 iya sang Intellectual Reserve, Inc. All rights reserved. Gin-imprinta sa Pilipinas. Petsa sang pagtugot sa Ingles: 6/19. Petsa sang pagtugot sa paglubad: 6/19. Paglubad sang Monthly For the Strength of Youth Message, October 2021. Hiligaynon. 17474 861