“Nws lub Koom Txoos lub Npe,” Ntxiv Dag Zog rau cov Tub Hluas Ntxhais Hluas, Kaum Hli Ntuj 2021.
Zaj Lus hauv Ntxiv Dag Zog rau cov Tub Hluas Ntxhais Hluas Txhua Hli, Kaum Hli Ntuj 2021
Nws lub Koom Txoos lub Npe
Lub npe uas Yexus Khetos muab rau Nws lub Koom Txoos los yeej muaj ib lub ntsiab.
kuv lub Koom Txoos
Lub Koom Txoos—ib pab neeg uas ntseeg ib yam thiab hawm ua ke. Lub koom txoos no yog Yexus Khetos li. Nws yog tus pib. Nws yog tus coj. Yog Nws li.
hu ua
Yexus Khetos tau qhia peb seb Nws xav kom tib neeg hu Nws lub Koom Txoos li cas. Ces peb yuav tsum hu ib yam li ntawd—thiab peb yuav tsum ua zoo hais kom lwm tus hu li ntawd thiab. Lub npe no yog los ntawm Yexus Khetos.
caij nyoog kawg
Caij nyoog kawg—caij nyoog uas peb nyob; lub sij hawm ua ntej Yexus Khetos txoj Kev Los Zaum Ob. Yexus Khetos tau coj Nws lub Koom Txoos rov qab los rau lub ntiaj teb rau lub sij hawm kawg. Qhov no yuav pab npaj lub ntiaj teb rau Nws txoj Kev Los Zaum Ob.
Yexus Khetos lub Koom Txoos
(Saib “kuv lub koom txoos.”) Qhov no yog yog thawj feem ntawm lub npe tus Cawm Seej muab rau Nws lub Koom Txoos. Nws hu ua “Lub Koom Txoos” rau qhov Nws yog tus uas tau muab txhim tsa. Thiab Nws tau tis Nws lub npe rau.
Hnub Nyoog Kawg
(Saib “hnub nyoog kawg.”) Qhov no yog feem tom ntej ntawm lub Koom Txoos lub npe. Cia li piav hais tias lub Koom Txoos no yog lub ua Nws coj rov los hauv hnub nyoog kawg, tsis yog lub uas Nws tsa thaum yav tas los.
Haiv Neeg Ntseeg
Haiv Neeg Ntseeg—ib lo lus txhais tias “tib neeg uas dawb huv.” Qhov no yog feem kawg ntawm lub Koom Txoos lub npe. Hais txog cov mej zeej ntawm lub Koom Txoos. Yexus Khetos yuav ua kom peb ntshiab thiab dawb huv. Thiab Nws pub tus Vaj Ntsuj Plig Dawb Huv rau peb ua kom peb muaj zog thaum peb sim ua raws li Nws tej lus txib. Yog hais tias peb ntseeg Nws thiab peb sim ua mus ntxiv, Nws yuav ua kom peb hloov ua neeg dawb huv. Nws muab peb hloov los yog Haiv Neeg Ntseeg.
© 2021 los ntawm Intellectual Reserve, Inc. Ceev txhua txoj cai. Luam tawm hauv Teb Chaws Amelikas. Pub luam tawm ua lus Askiv: 6/19. Pub txhais ua lus Hmoob: 6/19. Kev txhais Monthly For the Strength of Youth Message, October 2021. Hmong. 17474 295